港鐵宣佈今年又加價3.14%，加幅之大雖令好多市民不滿，奈何港鐵係主要交通工具，大家都係要焗住硬食。想慳番啲車錢有乜方法？港鐵及九巴現時推出多個月票/車費優惠計劃，可以幫你節省多達25%車費！政府剛宣佈交通津貼計劃將於2019年1月1日起實施，最快2月就可以領到津貼，到底你有冇得受惠？等MoneyHero.com.hk為大家逐一介紹！（2018年10月更新）
| 各大交通優惠 （按以下連結可快速跳至該段落） |
||
| 公共交通費用補貼計劃 | 港鐵優惠 | 九巴優惠 |
| 精選八達通自動增值信用卡 | ||
公共交通費用補貼計劃
- 補貼每月超出HK$400之開支的25%，上限HK$300
- 例子：每月車費 HK$780，可獲之補貼：(HK$780 – HK$400) X 25% = HK$95
政府將於2019年1月1日開始實施「公共交通費用補貼計劃」，只要每月公共交通開支超出HK$400就可以獲得補貼，補貼金額是超出HK$400的開支的25%。每月補貼上限為HK$300，即是若每月車資達HK$1,600，即可到達上限。預計最快2月就可以領取第1批津貼。
此補貼計劃與政府或各公共交通機構的優惠沒有衝突，大家們同樣可以享用港鐵、九巴或長者搭車等優惠，不會有所抵觸。
每月車費如何計算？什麼車資將計算在內？補貼計劃適用於透過八達通卡支付的每月公共交通開支，包括港鐵、專營巴士、專線小巴、渡輪及電車的費用，或上述公共交通服務月票/日票的費用，無須額外申請。以現金支付的車/船費用則不計算在內。
以下車資將不計算在內：所有的士、紅色小巴及非專營巴士的車費，以及以任何支付方式購買的港鐵（包括機場快綫）單程票、機場巴士單程票及機場快綫即日來回票的費用，和購買為遊客提供的車/船票的費用
如何領取公共交通費用補貼？在每月指定時間內，透過八達通手機應用程式或到指定地點的專設八達通處理器拍卡（包括港鐵站、八達通服務站）啪卡，便可將上一個月的公共交通費用補貼自動儲入八達通卡中。詳細拍卡機地點將稍後公佈。
持有多於一張八達通的話，可以合併嗎？不可以。每張八達通卡的公共交通開支將獨立計算。
港鐵優惠
1 / 綠Van轉乘優惠
乘客凡用八達通由港鐵轉乘全港任何綠色專線小巴路線，可獲HK$0.3轉乘折扣優惠，而現有的路線折扣優惠亦維持不變。每日可享轉乘優惠兩次。小童及長者亦可享此優惠。
優惠期：即日起至另行通知
2 / 抵消加價：3%車費回贈優惠
港鐵在宣佈加價嘅同時，亦將會向八逹通乘客提供3%票價回贈以抵銷票價加幅。凡用八達通乘搭港鐵、輕鐵及港鐵巴士（不包括東鐵綫頭等額外費、機場快綫及港鐵接駁巴士）即自動扣減3%車費。
優惠期：即日起至2019年1月1日
3 / 早返工有優惠：早晨搭港鐵享75折
港鐵為鼓勵大家早啲返工以避開繁忙時段，特推出早晨折扣優惠。只要逢星期一至五（公眾假期除外）早上7時15分至8時15分使用成人八達通於任何35個指定車站出閘，即自動享車費75折優惠。
推廣期：即日起至2019年5月31日
此優惠只適用於指定核心市區車站，詳見下圖：
4 / 新界、東涌長途客適用：「加強版全月通」全月任搭
「加強版全月通」專為屯門、天水圍、上水、粉嶺、大埔、馬鞍山及東涌地區的居民而設，按照地區分為5款。購買後可在一個月內免費無限次乘搭至指定範圍內的車站。各款全月通的指定範圍及價格如下：
| 全月通加強版 | 免費乘搭範圍 | 價格 |
| 上水 – 尖東 | 東鐵綫(不包括羅湖、落馬州、馬場)、馬鞍山綫及尖東站 | $475 |
| 屯門 – 南昌 | 西鐵綫（屯門至南昌各站）、輕鐵 | $500 |
| 屯門 – 紅磡 | 西鐵綫（屯門至紅磡各站）、輕鐵 | $585 |
| 東涌 – 南昌 | 東涌綫（東涌至南昌各站，不包括迪士尼綫） | $395 |
| 東涌 – 香港 | 東涌綫（東涌至香港各站，不包括迪士尼綫）、中環站 | $620 |
如目的地或出發地超出指定範圍，超出範圍的路段亦可獲75折優惠。假設由東涌乘搭至銅鑼灣，東涌至中環免費，中環至銅鑼灣則享正價75折，即該程車費只需$4（$5.3 x 0.75) 。但若目的地及出發地均不在指定範圍內，則全程須付正價車費。
「加強版全月通」幫你慳到幾多？搭西鐵由屯門至紅磡單程車費為HK$21.1，如以HK$585購買「屯門 – 紅磡全月通」，每個月搭28程（即14日來回) 便可回本。實際慳到幾多每條路線唔同，大家可在港鐵網站查詢車費後再作比較。
「加強版全月通」在適用港鐵站的客戶服務中心有售，購買後將會注入在乘客的個人八達通內，搭適用路線時會自動使用。
5 / 市區過海必備：港鐵都會票 搭40程只需$425
就算你唔係住新界咁偏遠，返工都要過大海車費都肉赤！用「都會票」搭港鐵，搭40程只需$425，平均每程HK$10.6，用嚟搭過海線一定有平。「都會票」適用於來回下圖顯示的任何港鐵站，有效期更已延長至40日。
港鐵都會票於指定港鐵車站客務中心（非付費區）有售。須於購票當日起計14日內作首次使用，車票於首次使用起計40日內有效，車票將於第40程出閘時被收回。
6 / 一拍即減$2：港鐵特惠站
用成人八達通在「港鐵特惠站」拍一拍，並在當日於指定港鐵站入閘，即慳$2！目前全港共有38個港鐵特惠站，遍佈港九各大商場，最近新增的包括亞洲國際博覽館（適用於東涌站入閘）及深圳地鐵褔田口岸站（減HK$3；適用於落馬州站入閘）。港鐵特惠站所在地可按此瀏覽。
*此優惠可與上述的「晨早折扣優惠」及「全月通加強版」75折優惠一併使用。
九巴優惠
長途客適用：九巴月票計劃 HK$780 – 30日任搭
「九巴月票」於2018年3月起正式推出，適用於全港逾400條九巴路線，包括常規路線、馬場專線、通宵線、口岸線以及假日特別線，亦適用於跨公司的聯營過海線。「九巴月票」售每月HK$780，每日最多任搭10程。以普通打工仔每月返22日為例，若每日搭2程九巴，平均每程車費要超過$17.7才能回本，較適合長途線乘客。
【新！】「九巴月票」更推出優化版，讓你30日內任搭，假如你9月4日買票，30日內有效，可以用到10月3日，讓你隨時買，隨時搭，不再局限於月頭才可以買！
銷售地點：按此查詢
Citibank八達通Visa白金卡︰15%車費回贈
如果每日交通費佔你一大筆開支，可以考慮申請呢張Citibank八達通Visa白金卡。呢張卡一卡兩用，既可以當信用卡作日常簽賬，同時內置八達通功能，即係當佢八達通咁拍卡都得。
優惠︰
- 每月只要簽賬滿HK$1,500，該月份就享有九巴龍運15%巴士付款之八達通車費回贈，每月上限HK$300
- 信用卡簽賬每HK$200 = HK$1八達通現金
- 設定好HK$250自動增值，每次賺0.5%現金回贈
- 於指定八達通日日賞商戶消費，同時賺取八達通日日賞$
迎新禮物：簽賬滿HK$2,500或以上，可獲HK$200現金回贈！
2018年10月31日前經MoneyHero.com.hk成功申請Citibank八達通Visa白金卡 ，仲額外送HK$50超市禮券！
八達通自動增值 增值同時賺回贈
除了港鐵及九巴推出的優惠外，用啱信用卡進行八達通自動增值，可額外獲高達2%現金回贈 或 $6=1里的里數獎賞。推介以下八達通自動增值信用卡：嚴選八達通自動增值 最佳信用卡
精選八達通增值信用卡
Citi Cash Back Card
呢張卡吸引之處係外幣簽賬、本地餐飲及酒店簽帳有2%現金回贈，八達通自動增值及其他本地簽賬都有1%回贈，完全冇上限！其迎新優惠又有新玩法，新客戶在2個月內簽賬滿HK$10,000或以上，直接回贈HK$1,000！年薪要求為24萬，係香港最容易申請嘅Visa Signature卡之一。
2018年10月31日前經MoneyHero.com.hk成功申請Citi Cash Back Card，仲額外送HK$300 HABITŪ禮券 或 HK$200 HABITŪ禮券 + HK$100超市禮券！詳情
DBS Eminent Visa Card
呢張卡海外簽賬每$250回贈DBS$5（即2%回贈），本地簽帳每$250回贈DBS$2.5（即1%回贈），自動增值都有1%回贈，同DBS Eminent Card 分為 Visa Signature 及 Visa Platinum 2個級別，申請門檻分別為年薪36萬 及 年薪15萬。2018年12月31日前，本地食肆簽賬回贈更享3%無上限回贈！
2018年10月31日前經MoneyHero.com.hk成功申請仲會獨家送你HK$100現金回贈 + HK$200超市禮券！詳情
Citi Prestige信用卡
八達通自動增值同樣係$6=1里（自行將積分換里數，無須手續費，可選大部分熱門里數計劃），不過年薪要求高達60萬。門檻之所以咁高，係因為佢提供好多尊尚待遇，例如會送你Priority Pass全年無限次免費享用環球機場貴賓室，及任何酒店第四晚免費住宿優惠。另外此卡冇得豁免年費，費用為每年$2,500。
2018年10月31日前經MoneyHero.com.hk成功申請，仲額外送HK$300超市禮券！詳情
——
想了解更多不同信用卡的優惠？即刻上我哋嘅比較平台。
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 2018最新港鐵、九巴優惠集合（附交通補貼計劃消息） appeared first on 理財資訊.