無懼不良信貸評級（TU），5招教你申請私人貸款！

無懼不良信貸紀錄 TU 5招教你申請私人貸款

信貸評分（Credit Score）係一個綜合你過往信貸紀錄嘅評分，佢亦有一個相應嘅等級（俗稱信貸評級）。銀行同財務公司等借貸機構審核貸款申請時，會參考呢個評分去決定是否批出貸款。信貸評分可以令借貸機構知道申請的財務誠信度，以及還款的機會率。所以，如果你嘅信貸評分比較低，借貸機構有可能會拒絕你嘅申請；即使係成功批出貸款，都好大機會收取俾其他人高既利率，變相增加借貸成本同利息。

你現時可透過MoneyHero.com.hk 的姊妹平台CreditGo.com.hk 免費查閱個人信貸評級和全面的信貸報告，評估自己可否取得銀行提供的最優惠借貸利率！

當然，信貸評分唔係借貸機構批出貸款嘅唯一考慮因素。其他考慮因素包括風險或者銀行既貸款政策。不過，就算你信貨評分比較差，喺香港通常都係有可能借到私人貸款既，但係就要有心理準備要捱貴息，或者預咗批出嘅貸款額會比較低。

如果你已經有唔少不良信貸紀錄例如逾期還款或者拖欠卡數，甚至你根本唔知自己嘅信貸評分。喺申請私人貸款時，要記住以下幾個貼士：

1. 比較不同借貸機構

申請貸款時，大部份人都係想利息越低越好。唔少人會一次過去幾間銀行或財務公司申請貸款報價，睇吓借邊間好。其實咁樣會令借貸機構喺短期內就你嘅申請作出多次信貸報告嘅「硬性查詢」，好有機會拖低你嘅信貸評分。所以，你應該利用MoneyHero.com.hk 嘅私人貸款比較頁面，比較唔同銀行同財務公司嘅貸款實際年利率（APR）、總還款額、每月還款額、手續費、現金回贈同條款等。揀啱借貸機構先作出申請！

2. 向長期使用嘅借貸機構申請貸款

貸款好大程度上都係同信任有關。如果你有一間用左好耐嘅借貸機構，佢地會比較清楚你既財務狀況。加上依家借貸機構好重視同顧客嘅關係，所以你可以向長期用開嘅借貸機構申請貸款。借貸機構為求留客，申請成功嘅機會應該會大啲。

3. 擔保人/聯署人

如果申請私人貸款時有擔保人或者聯署人，咁對銀行同財務公司而言風險就會低咗。萬一有咩事，佢都可以搵另一個人跟進。由於風險低咗，你嘅申請表望落就會好睇啲，變相有較大機會爭取到低啲利息或者好啲嘅條款。

4. 減少貸款額 / 延長還款期

喺借貸機構嘅角度睇，申請低啲嘅貸款額會降低佢哋嘅風險。因此，你可以因應自己需要，盡量減少貸款額，以提高批核嘅機會。其實，好多財務公司對於批核小額貸款都會比較「手鬆」，唔少財務公司喺批核HK$5萬或以下嘅貸款時更加免入息證明添。

5. 改善信貸評分

如果你用晒上面4招，都拎唔到一個好既貸款利息報價，你應該由依家開始改善自己嘅信貸評分，可以由準時還款找卡數、結餘轉戶、債務重組等方法入手，慢慢改善信貸評分。另外，要知道自己信貸評分有無進步，當然要定期索取信貸報告，檢視吓自己嘅信貸評分，同埋信貸紀錄有無異常等等。等信貸評分回復到正常或良好水平，先至再申請私人貸款。

透過 MoneyHero.com.hk，你可以直接睇埋多間借貸機構例如中銀、Citibank、東亞、匯豐HSBC等嘅貸款產品資訊，了解佢哋提供嘅最新回贈優惠。