每逢一年一度生日 ，唔少人都會為點樣慶祝而煩惱不己。不過，好在而家有唔少商戶都為壽星仔女推出 生日優惠，有免費自助餐、免費入場同購物折扣優惠等。MoneyHero.com.hk為大家搜羅2017年唔同類型嘅 生日優惠 ，幫大家慳錢之餘，又可以開開心心過生日！（2017年1月更新資料）
餐飲美食
1. 嘉湖海逸酒店：生日之星住宿計劃
嘉湖海逸酒店推出嘅生日之星住宿計劃包括豪華客房住宿一晚、生日禮物一份、生日蛋糕、免費餐酒、45分鐘面部護理療程（1位）同紐約國際美食自助早餐。住客仲可以免費享用游泳池、健身室、桑拿浴、蒸氣浴、小朋友俱樂部同戶外遊樂場。收費為1,180/2位成人同$1,280/2位成人及1位小童。有興趣就要記得提早2日訂，瀏覽官網了解詳情。
推廣期：2017年1月1日至2017年6月30日
2. 城景國際酒店：免費食自助餐
城景國際酒店City Café今個月推出咗「花鮑盛宴‧海鮮自助晚餐」，有花膠、鮑魚、空運生蠔、鱈場蟹腳同日式刺身等菜色。成人每位$398，而每4位惠顧客人，就有一位生日壽星可以免費食自助餐。每位客人更會奉送原隻鮑魚黃金燒一客。有興趣嘅朋友記得到時出示番酒店Facebook嘅相關Post領取優惠，想知更多優惠詳情，請瀏覽官方網站。
推廣期：2017年1月2日至1月31日
3. The Mira Hong Kong：送汽酒+生日蛋糕
The Mira亦有推出生日優惠，生日之星可以喺生日一周內同朋友一齊去WHISK食晚餐，酒店就會送汽酒及生日蛋糕1個。不過要留意番個優惠只適用於星期一至六（包括公眾假期）。大家有興趣嘅話記得要最少一日提早上官網預訂。
推廣期：即日起至另行通知為止
4. 信和集團旗下酒店：免費食自助餐
信和薈會員只要憑會員卡就可以喺生日月份於信和集團旗下酒店（包括皇家太平洋酒店、城市花園酒店、香港黃金海岸酒店及港島太平洋酒店）享用免費自助晚餐一次（須攜同最少一位成人親友惠顧），詳情請瀏覽官方網站。想入會嘅朋友可以按此申請。
推廣期：即日起至另行通知為止
5. 新地會指定酒店：全枱低至65折優惠
由新鴻基地產成立嘅新地會同樣有為會員提供生日獻禮，新地會會員只要喺生日月份惠顧帝景酒店、帝都酒店、帝京酒店、香港九龍東皇冠假日酒店或挪亞方舟度假酒店嘅指定餐廳，就可以享有唔同嘅生日優惠！譬如生日會員同3位同行親友惠顧帝景酒店帝景軒食自助晚餐，就可以免費獲得生日蛋糕一個，兼且全枱有75折優惠；去挪亞方舟度假酒店更可以全枱低至65折添！只要你年滿18歲就可以入會，而且無需會費。詳情可參考官方網站。
推廣期：即日起至另行通知為止
6. 銀鑛灣渡假酒店：2人住宿優惠
1月生日嘅客人凡入住梅窩銀鑛灣渡假酒店，就可以$788優惠價入住一晚雙人客房，仲可以享用雙人自助早餐、雙人半自助晚餐同生日蛋糕，加多$300仲可以升級至海景客房，但呢個優惠只適用於星期日至星期五。按此查閱詳情。
推廣期：即日起至1月31日
7. 港島海逸君綽酒店：免費蛋糕及自助餐
港島海逸君綽酒店推出多重蛋糕優惠同生日優惠，包括：
4位或以上付全費之賓客於午市或晚市惠顧Le 188° 餐廳及酒廊、君綽軒、Harbour Grand Café咖啡廳或「和」日本料理用膳，即送生日蛋糕（1磅）1個。
6位或以上付全費之賓客於Harbour Grand Café咖啡廳惠顧自助午餐/晚餐、Le 188° 餐廳或酒廊惠顧半自助午餐，可享以下生日禮遇：
- 免費生日蛋糕（1磅）1個
- 免費汽水套餐/精選紅酒1支
- 生日賓客可享免費自助餐。
人數超過50人更送3磅免費蛋糕、食物8折、壽星免費自助餐同一晚免費套房住宿優惠。優惠1月31日到期，按此了解更多。
推廣期：即日起至1月31日
8. 8度海逸酒店
最近8度海逸酒店推出咗「熱石海上鮮」自助晚餐，有皇帝蟹腳、法國原隻布朗蟹、紐西蘭藍青口及大蝦等海鮮，新年期間仲會提供多款賀年美食。而家只要4人同行惠顧自助晚餐，當月生日嘅壽星即享半價優惠或免費生日蛋糕一磅。
另外，憑渣打、匯豐、恒生等指定信用卡或上酒店網站預購，亦有高達8折優惠。按此了解詳情。
推廣期：由2017年1月2日起至3月31日
9. 香港珀麗酒店
只要於生日月份與兩位以正價惠顧自助晚餐的嘅成人到香港珀麗酒店協奏坊西餐廳品嘗自助晚餐，一位「生日之星」就可以免費用餐，更可免費獲汽酒一支！酒店喺1月至3月推出咗「和風韓流」豪華海鮮自助晚餐，精選菜式包括迷你海膽三文魚子丼、鰻魚天婦羅同冰鎮鱈場蟹腳等，每位食客更可獲贈燒龍蝦半隻。按此了解優惠詳情。
推廣期：即日起至另行通知為止
10. 富豪九龍酒店
而家只要於生日月份惠顧富豪九龍酒店雅廊咖啡室，壽星就可享有以下禮遇，包括：壽免費自助午餐或自助晚餐、免費生日蛋糕以及同行之顧客享8折優惠。呢個優惠適用於4-12位同時惠顧，每4位同行，當中只限1位壽星而每枱最多3位壽星。有興趣就記得於2日前提早預訂，按此了解詳情。
消閒生活
1. 中國移動：生日月買手機或配件送高達$100折扣優惠
中國移動指定服務計劃客戶只要於生日當月到CMHK門市買手機或配件滿指定金額，就可以享有高達$100嘅額外折扣，仲可以得到200cm Micro USB傳輸線或iPhone 6/ 6 Plus/ 7/ 7 Plus玻璃貼連手機保護殼或者First Champion旅行充電器。按此了解詳情。
中國移動生日獎賞：
- 購買$5,000或以上手機 額外$100折扣
- 購買$2,000-$4,999之手機 額外$50折扣
- 購買$500或以上配件 額外$100折扣
- 購買$300-$499之配件 額外$50折扣
優惠期：由即日起至另行通知
2. csl：生日trade-in 手機收$500利是
Csl客戶只要於生日月份Trade-In 指定手機，就可享有Trade-In最高價保證，即係話你得到嘅Trade-in價會比專門店或專櫃當日所列出之回收價Trade-in指定手機/平板電腦多額外$500。呢個優惠適用於Trade-in手機/平板電腦並同時購買建議零售價$2,000以上之手機上台或淨手機/平板電腦(不適用於任何小米手機或Apple產品)。按此了解優惠詳情。
優惠期：由即日起至另行通知
3. K-Studio：惠顧指定攝影套餐享高達$500折扣
K-Studio推出嘅1月生日優惠，為生日壽星提供$100-$500嘅攝影套餐折扣。優惠適用於小朋友造型攝影套餐、初生BB 攝影套餐、家庭攝影套餐、孕媽媽攝影套餐同個人/情侶/團體攝影套餐。按此了解優惠詳情。
優惠期：由即日起至另行通知
優閒娛樂
1. Bounce室內彈床樂園：免費玩一節
位於九龍灣國際展貿中心EMAX嘅Bounce，場內設有80多張互相連接嘅彈床，平時收費為每節一小時$150-$170，不過最近就推出咗個生日優惠，只要你喺生日當日或前後3日內去Bounce就可以免費入場跳一節。不過壽星要帶至少一位朋友同行買正價入場票至可以享受呢個優惠。按此了解詳情。
優惠期：由即日起至另行通知
2. 海洋公園：生日免費入場
海洋公園又加價，入場門票由1月1日起由原價$385加至$438，而香港市民就享有兩個月優惠期，可以延至3月1日起至加價。唔想捱貴飛，不如等生日至入場，只要喺海洋公園票務部出示香港身分證明文件或香港出生證明書，就可以喺生日當日日間免費遊覽海洋公園架喇！詳情請瀏覽官方網站。
優惠期：由即日起至另行通知
3. 香港杜莎夫人蠟像館：免費入場+同行親友門票半價
踏入2017年，香港杜莎夫人蠟像館將「生日之星」嘅優惠禮遇升級！由即日起至2017年12月31日，香港市民只要喺生日當日、前一星期或後一星期到蠟像館正門售票處購票時出示身分證，就可以免費入場一次！同行3位親友更可享正價門票半價優惠添！詳情請瀏覽官方網站。
優惠期：由即日起至2017年12月31日
4. Trick Eye特麗愛3D館：生日免費入場
香港居民可以喺生日前一天、正日或後一天免費入Trick Eye特麗愛3D館玩一次！你只要到時出示香港居民身份證，Trick Eye就會請你免費入場，你更可以參與活動額外得到免費門票！你只要於售票處手持Trick Eye嘅巨型生日卡影相，再上載至個人社交平台(Facebook或Instagram)並標註 #trickeyebday就可以得到額外門票。所贈之免費門票有效期為三個月，但唔可以即日使用。詳情請瀏覽官方網站。
優惠期：2016年11月1日起至另行通知
5. Neway（創興、灣仔英皇CEO、沙田富豪、元朗合益、安達CEO同港晶）
Neway旗下好幾間分店都有生日優惠，不過就間間優惠唔同。如果喺生日正日前後5日內去創興Neway、灣仔英皇CEO、沙田富豪Neway、元朗合益Neway、安達CEO或港晶Neway唱K，只要人數有5位或上，就可以免一位人頭費。如果有提早訂房就會送蛋糕1磅同香檳一枝。
其中安達CEO同港晶Neway就規定生日之星要係會員至有優惠，可以喺生日月份賺取1.5倍K FUN積分同會員人頭費95折優惠等。另外，元朗合益仲會送全房贈送蟠桃壽包添！ 即上官網了解優惠詳情。
優惠期：由即日起至另行通知
6. 挪亞方舟：免費入場+同行親友半價
挪亞FUN分CLU會員一入會就可以免費換領即日門票換票券乙張，而且全年買飛都有8折優惠。如果喺生日月份去挪亞方舟，唔單止可以免費入場，而且同行一位親友仲有半價門票優惠添！拍攝香港挪亞方舟紀念照片，第二至四張亦有半價優惠。仲有，喺豐盛閣餐廳食自助晚餐仲會免費送1磅生日蛋糕乙個（須預約）！瀏覽官方網站了解詳情。
7. Magical World 奇幻館：生日送阿愁公仔
Magical World奇幻館以迪士尼同漫威為主題，雲集家傳戶曉嘅迪士尼卡通人物，除咗夜光迪士尼畫區外，亦設有漫威漫畫、星球大戰、冰雪奇緣同反斗奇兵等專區。館內不同主題區域加入聲效、氣味同光效，營造4D體驗。而家凡於生日正日、前3天或後3天到奇幻館，並出示有效證明文件，即送動畫《玩轉腦朋友Inside Out》阿愁11吋毛公仔1隻。不過數量有限，送完即止，想帶阿愁返屋企嘅Fans要快手！按此了解詳倩。
優惠期：由即日起至另行通知
旅遊交通
1. 港鐵「開心搭，生日獎」
港鐵由2016年4月起推出「開心搭．生日獎」，每月都會抽出下一個月其中一天為中獎日期。所有喺該日生日嘅身分證持有人都可以獲得生日獎一份，包括「Happy Birthday全日通」車票、港鐵商場$50現金券、美心西餅$20現金券同美心中菜$100晚膳優惠禮券！呢張全日通車票喺發出後30日內有效，你可以喺有效期其中一日全日免費任搭港鐵。而喺嚟緊呢個月，1月21日出生嘅朋友就可以享受呢個生日優惠嘞！詳情按此。
優惠期：由即日起至另行通知
2. 金光飛航：價惠價購買標準艙來回套票
如果你想得閒過澳門玩下，就要留意呢個優惠喇！由2017年1月1日至2017年12月31日，旅客如果喺生日月份購買生日當月嘅金光飛航市區航線標準艙或頭等艙成人正價單程船票，即可享受標準艙來回套票（每套港幣/澳門幣248元），或者頭等艙來回套票（每套港幣/澳門幣448元）。每人每次最多可買2套來回優惠船票，每7天享受優惠一次。詳情請瀏覽官方網站。
優惠期：由2017年1月1日至2017年12月31日
信用卡生日優惠
1. Mastercard 萬事達卡：香港萬麗海景酒店- 生日餐飲禮遇
滿福樓
Mastercard 持卡人（包括渣打亞洲萬里通萬事達卡同東亞Flyer World萬事達卡）可於香港萬麗海景酒店嘅滿福樓獲得以下生日禮遇，包括同4-5 位好友慶祝生日就獲送兩磅裝生日蛋糕一個，如果同 6 位以上好友同行仲會額外獲贈汽酒一瓶。
萬麗咖啡室
Mastercard 持卡人（包括渣打亞洲萬里通萬事達卡同東亞Flyer World萬事達卡）可以於香港萬麗海景酒店萬麗咖啡室享有以下生日優惠，包括：
- 共用自助午餐9折優惠及自助晚餐 85 折優惠。
- 與四至五位客人慶祝生日可獲贈精美生日蛋糕一客。
- 與六位以上好友共同慶祝還可獲贈一瓶汽酒。
推廣期：2017年1月1日至2017年12月31日
2. Citi Rewards信用卡：生日月份獲8X積分
Citi Rewards信用卡用戶只要喺生日月份於本地超級市場、百貨公司或電訊公司簽賬，就可以獲得8X積分，即係每使$1就有8分！參加商戶包括百佳、惠康、吉之島、一田、SOGO、有線同香港寬頻等等。
推廣期：2016年12月1日至2017年1月31日
（小編按：其實呢張卡平時消費都有2%回贈，去超市、百貨公司同電訊公司簽賬都有5X積分，如果你成日去呢以上地方消費，咁呢張卡就好啱你！）
想了解更多Citi信用卡詳情，請即按此。
3. 匯豐信用卡：各大酒店享生日禮遇
匯豐白金卡或以上之信用卡（包括匯豐Visa Signature卡及匯豐白金Visa卡）用戶只需出示銀行發出嘅 生日優惠 券就可以喺港麗酒店、國金軒、凱悅酒店、JW萬豪酒店同九龍香格里拉大酒店等商戶享受生日優惠，例如免費生日蛋糕和食品折扣等優惠。按此了解詳情。
優惠期：由2017年1月1日至2017年12月31日（惟個別日子不適用）
4. 大新信用卡
大新銀行信用卡客戶可尊享特別生日禮遇，包括每月一次嘅生日大抽獎，客戶只要喺生日月份內以大新信用卡作合資格簽賬，並提供有效之電郵地址登記，即可自動參加大抽獎，幸運兒有機會贏取高達$10,000嘅簽賬回贈架！此外，客戶亦可以於生日月份免費享用護膚療程或健身指導等服務，去帝京酒店花月庭食自助晚餐都有8折優惠！按此查閱詳情。
優惠期：由2017年1月1日至2017年12月31日
想了解更多大新信用卡詳情，請即按此。
想知道更多信用卡嘅優惠資訊？立即使用我哋嘅比較工具，搵出最適合你嘅信用卡！
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 壽星有著數！2017 生日優惠 大搜羅 appeared first on 理財資訊.