聖誕剛完，農曆 新年 眨下就到。全城商場都已經換晒別具特色嘅新年裝飾，準備同大家賀新春拜大年！MoneyHero.com.hk今日就同大家睇下各大商場有咩得意好玩嘅新年裝置，準備同家人好友影靚相嘅你記住留意喇！
1. 荷里活廣場：《癲癲噹噹賀雞年2017》
本地人氣漫畫角色「癲噹」今次帶同新朋友「雞蛋仔」一齊以財神look登陸鑽石山荷里活廣場，陪大家過新年！商場一樓廣場將會以懷舊戲院為主題，設有舊式票房、巨型花牌、車仔檔、人力車、大全盒等擺設，等大家可以同「癲噹」同「雞蛋仔」一齊影靚相。「癲噹」財神仲會於1月14至27日期間每逢六日、年廿九同年三十帶埋「雞蛋仔」到場，如果想見「真人」，就要記得mark實日子喇！
商場仲會搞漫畫揮春工作坊，只要於場內一至兩間商戶消費滿HK$100或以上，憑即日機印發票就可以參加工作坊，向專人學自製漫畫揮春！商場優惠：喺1月21至22日期間於場內用信用卡、八達通或EPS消費滿HK$600或以上，憑有關機印發票同付款存根再即場捐HK$10就可以換領《西遊伏妖篇》2D電影換票証一張！按此了解詳情
日期：2017年1月13日至2月6日
時間：12:00-21:00（*部分日子舞台活動進行期間裝飾局部關閉，詳情可留意場內告示）
地點：荷里活廣場一樓中庭
2. The ONE x Kanahei’s Small animals 新春萌遊花園
日本人氣卡通Kanahei’s Small animals今次將會於尖沙咀The ONE舉行大型展覽，將The ONE UG2 中庭、地下露天廣場同L2變成新春夢幻花園，想同白色小雞「P助」和好朋友「粉紅兔兔」影靚相就切密錯過！
場內仲設有快樂農莊打印站同期間限定店，如果「讚好」The ONE Facebook專頁或「關注」The ONE微信帳號，仲送你賀年揮春乙張添！如果於商場內任何商戶以電子貨幣(信用卡/銀聯卡/易辦事/八達通)單一消費滿HK$100，更有得玩遊戲，贏取限定版Kanahei’s Small animals種子紙。按此了解詳情
日期：2017年1月7日至2月19日
時間：10:00-22:00
地點：The ONE UG2中庭、地下露天廣場及L2
3. 皇室堡 x IMABARI BARYSAN 和風新春慶典
來自日本愛媛縣今治市嘅人氣吉祥物IMABARI BARYSAN曾經贏得日本「全國吉祥物選舉」，今次新年專程來港同大家一同賀新春。場內不單有可愛嘅BARYSAN公仔外，仲有其家鄉愛媛縣嘅著名景點擺設，例如太鼓慶典會場、今治許願橋、慶典攤位遊戲同燒魚店，等大家可以感受下和風過雞年！
皇室堡仲搞緊新春優惠，只要於商場憑電子貨幣消費滿指定金額或Windsor Club會員憑指定積分，即可免費換領BARYSAN限量版禮品！買滿HK$100就可以玩遊戲，有機會得到BARYSAN 新春貼紙，「讚好」埋皇室堡Facebook，仲可以免費換領鯛魚燒添！按此了解詳情
日期：2017年1月7日至2月10日
時間：10:00-22:00
地點：皇室堡地下中庭
4. MCP 新都城中心：「大吉小雞行大運」主題活動
MCP新都城中心舉行「大吉小雞行大運」主題活動，場內設有多個Chicky家族嘅得意擺設同香港新春景點，例如海傍大道、黃大仙廟、林村許願樹同大排檔，啱晒一家大細影相打卡！商場內仲設有創意賀年市集同親子創意手作坊，無論係鍾意買嘢定自己落手落腳整嘅朋友都一樣咁適合！按此了解詳情
日期：2017年1月13日至2月15日
地點：MCP新都城中心
5. 恒基兆業商場：BAD BADTZ-MARU開運賀新春
BAD BADTZ-MARU同一班好友將會以賀年look登陸恒基兆業商場，包括新港城中心、沙田中心同屯門時代廣場！唔同商場舉行別具特色嘅互動遊戲同大家迎接新年，譬如新港城中心就有「『玩』轉古式新年村」、沙田中心就有「祈福BAD BADTZ-MARU花燈會」，而屯門時代廣場就有「BAD BADTZ-MARU『打』鑼打鼓賀歲大會」！
商場更特別推出咗「BAD BADTZ-MARU開運逐個捉」互動手機遊戲，大家只要喺新港城中心不同位置成功集齊XO同一班好友，就有機會換領限量嘅XO精品。而沙田中心及沙田廣場一;更會舉行即抽即中「換」樂大抽獎，獎品相當豐富，有iPad同OTO按摩器等。此外，由1月25日起，只要以電子貨幣(如信用卡、EPS、八達通、支付寶或Apple Pay)即日消費滿指定金額，仲有機會換領XO保溫袋套裝或「XO新春開運麵碗」添！
日期 : 2017年1月14日至2月26日
地點： 新港城中心、沙田中心、沙田廣場、屯門時代廣場、粉嶺中心、粉嶺花都廣場及粉嶺牽晴間購物廣場
6. 新城市廣場：《花語祝福》緣滿園
卡通人物唔啱？不如轉下口味睇睇沙田新城市廣場嘅《花語祝福），場內嘅浪漫花影如意塔有成近20呎高，上面仲佈滿紫藤花、繍球花、百合花、櫻花、桃花、牡丹、蝴蝶蘭同玫瑰8 大幸福之花。不過最特別嘅一定係3D Hologram 立體投影拜年利是禮盒，只要於商場以電子貨幣買滿HK$1,500，憑發票同存根就可以換領。到時可以免費錄製祝賀短片，然後就可透過禮盒嘅配件投射虛擬立體影像，以別開生面嘅形式向親友拜年！按此了解詳情
日期：2017年1月11日至2月14日
時間：12:00-22:00
地點：新城市廣場一期三樓拱型玻璃天幕廣場
7. 又一城：「桃源鳳舞．又一城」展覽
今年又一城中庭擺放咗高達6米嘅金雞裝飾，再配上開運桃花，喺度影相就最應景！商場更於1月21、 22、25至27日請來「河南汝南少林功夫學校」少林武僧現場示範少林功夫及拳法，去到2月3日又有賀新歲醒獅表演。如果於2017年1月19日至2月5日期間於又一城消費仲可得到精選禮品同參加大抽獎添！其中中銀信卡客戶喺2間舖簽賬滿HK$2,000或以就可以換取奇華賀年禮盒、又一城利是封同抽獎券3張，而用EPS、銀聯卡、八達通或其他信用卡嘅顧客就要簽滿HK$3,000。按此了解詳情
日期：2017年1月18日至2月14日
時間：12:00 ‑ 23:00
地點：又一城LG2層
8. 美麗華商場：《幸福滿鞠》手鞠新年活動
Mira Mall 美麗華商場以蹴鞠為主題，舉行《幸福滿鞠》手鞠新年活動，場內放滿手鞠球裝置，同埋可愛小雞以「八小福」造型亮相。新年期間更有雜技表演、鞠球工作坊同韓國歌手GenNeo獻唱。
另外，商場亦推出消費優惠，只要於商場以電子消費滿HK$1,800，就可以得到限量手鞠杯墊套裝及商場現金禮劵。買滿HK$3,800*，更可換領FUTAGO珍珠耳環同Armani Exchange HK$100現金券添！按此了解詳情
日期：2017年1月6日至2月14日
地點：Mira Mall 美麗華商場中庭
農曆新年除咗行商場外，梗係唔少得行年宵市場啦！立即睇下今年有咩特色年宵市場同賀年活動資訊！
想知道更多信用卡嘅優惠資訊？立即使用我哋嘅比較工具，搵出最適合你嘅信用卡！或即按此，了解更多不同銀行的信用卡產品。
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【新年攻略2017】農曆新年商場打卡影相好去處 appeared first on 理財資訊.