俗語有云「七分實力，三分運氣」，無論你信唔信運，睇睇自己新一年嘅流年運程都算係農曆新年必做嘅事！除咗健康同桃花之外，大家最關心的就梗係 財運 。若果財運係好的，當然開心； 麻麻的話亦不需要灰心，皆因MoneyHero.com.hk就準備咗12生肖的理財貼士俾大家，等大家可以因應新一年財運Plan定理財大計，精明地過雞年！
雞：容易破財，投資要謹慎
屬雞嘅朋友今年因為犯太歲及刑太歲，對財運有不利影響，不過好彩有兩粒吉星，雖有阻滯但唔會嚴重。今年嘅錢財來源主要是工作，偏財運較差，亦容易破財，最好不要涉及投機方面的東西，以免血本無歸。
理財貼士：屬雞的朋友今年要謹慎理財，唔好將所有財富都放在同一個籃入面。如果要投資，一定要先做好市場調查，並制定適合自己的投資方式。如要借錢俾人之前要三思，因為有機會一去冇回頭。（如果有人問你借錢，就叫佢上 MoneyHero.com.hk 比較下邊隻貸款計劃最低息啦！）
財運運勢：★★★
狗：收入大有增長，不可鋪張浪費
屬狗嘅朋友今年是得心應手的一年，工作上事事順利，可大幅度提升收入來源。另外，只要在投資方面多動腦筋，今年或會有不錯的進賬。不過錢來得易，可能也走得快，屬狗人今年消費慾大增，容易超出預算，建議用錢要保守一點。
理財貼士：由於今年事業運好，在工作上要好好把握機會，主動出擊。理財方面要量入為出，唔好將錢花喺不必要嘅東西上，亦可試下用手機理財App幫自己控制開支。（相關閱讀：啲錢唔知去晒邊？嚴選4大 理財 記帳Apps）
財運運勢：★★★★
豬： 財運 平平，凡事皆要保守
屬豬的朋友今年財運平平，正財還是偏財的收入都可能會比較平淡。事業可能無太多機會發展，最重要還是做好本份，如想轉工轉行，必須有十足把握，以免到時「兩頭唔到岸」。屬豬的投資者今年亦不宜輕舉妄動，建議主力投資低風險產品，提防市場出現突變。另外要特別注意下自己和長輩的健康問題，或者需要花上一筆錢在醫療費用。
理財貼士：屬豬的朋友宜守不宜攻，不妨輕鬆少少俾自己抖下。另外，健康問題可能會有額外醫療費用。為免破財，應考慮買份醫療保險，咁就可以慳番唔少。（想比較市面上的醫療保險計劃，請即按此。）
財運運勢：★★
鼠：工作收入增加，不宜投機賭博
屬鼠嘅朋友今年有貴人相助，事業有向前發展的機會，所以財運表現不俗，其中女性運程會比男性佳。2017年的收入嘅來源主要係來自正職，橫財運就差咗少少，可能會減少某些額外的收入，不利於投機取巧，不利於炒股賭博等等。
理財貼士：屬鼠嘅朋友今年多勞多得，不過投資就建議不要太進取，穩守為攻。另外，有穩定對象的人或會心思思想結婚，咁就要好好儲錢了。（即睇：【 結婚要幾多錢？】籌備結婚的開支預算2016）
財運運勢：★★★★
牛：工作受賞識，適合投資進修
屬牛嘅打工仔今年才華得以發揮，工作表現有目共賭，在事業在可以話係名利兼得。由於你的三個吉星都是正財星，即收入來源渠道都你「正常錢財」，例如工資獎金報酬等等。偏財方面或許也有意外收穫，但不可抱著一夜暴富的態度。由於今年適合學習同投資，所以易有額外開支。
理財貼士：學習是一門對自己最佳的投資，有時間可以讀多個學位自然最好，對未來升職、轉職都會有大幫助。但即使暫時沒有時間金錢，也可以修讀一些相對輕鬆的課程，一樣有益無害。（相關閱讀：7個助你升職的遙距/網上課程）
財運運勢：★★★★
虎：升職有望，有小破財風險
屬虎嘅朋友今年權力地位提升，有升職機會不妨努力爭取。做生意的朋友傾成生意嘅機會亦很高。不過由於受到一粒耗財星影響，錢財容易外泄。若平時不養成儲蓄習慣，有可能出現經濟危機。
理財貼士：為提防受到財來財去的影響，今年不宜進行短線炒賣，中長線投資則可一試，但不可野心太大。破財也有可能是由自己的購物欲所引起，所以要用方法提防自己亂買東嘢。（相關閱讀：啲錢唔知去晒邊？嚴選4大 理財 記帳Apps）
財運運勢：★★★
兔：事業有阻滯，容易有大破財
屬兔嘅朋友今年因為沖太歲的影響，財運較為低迷，無論工作還是做生意都面對較大起伏，更有破財、招災及有財物被盜之憂，所幸最終都能逢凶化吉。由於受到兇星影響，經濟成果可能會煙消雲散，建議不要投資，更不要投機賭博。今年無論係公幹或旅遊都對自己較為有利，所以不妨多出遠門。
理財貼士：除了健康運不錯之外，屬兔的人今年運程較多阻濟，建議可以幫自己購買保險如家居、旅遊保險等，以防患於未然。（MoneyHero.com.hk設有旅遊保險比較平台，一眼睇晒邊隻保險最啱你！）
財運運勢：★
龍： 貴人相助，創業好時機
屬龍嘅朋友今年有吉星拱照，財運平穩向上。打工仔可望在職場上大展拳腳；經商者生意旺盛，由於有貴人相助，如果想嘗試做生意，今年係一個好時機。今年財運的主要來源是工作，沒有偏財運，所以最好不要涉及高風險的投機活動。
理財貼士：屬龍的人今年順風順水，只要勤懇努力，將心思花在事業和工作上，便能名利雙收。另外亦可投資一些回報穩定的產品。
財運運勢：★★★★
蛇：以平穏為目標，勿作重大投資
屬蛇的人今年運勢一般。工作上容易容易招惹事非，所以安份守己，期望多勞多得便足夠。主要收入來源還是自己的工作，在財運上不要抱太大期望，應以保持平穩為目標，高風險的投資可免則免。外出時須小心保管財物，加強防盜意識；另外近年電話或者網路騙案飆升，也要提防受騙。
理財貼士：今年唔可以隨意揮霍自己嘅錢財，要盡量儲蓄起來。出遠門一定要買份旅遊保險，同埋準備一啲防盜措施。（相關閱讀：【旅遊攻略】出外旅遊7大防盜措施）
財運運勢：★★
馬：事業順暢，投資有收穫
屬馬嘅朋友2017年在眾多生肖中財運最好，打工仔雖然未必有職升，但事業相當順利，有轉工或跳槽機會；做生意人士客源會增加，或會年頭忙到年尾，唔怕賺唔到錢。正職收入可觀，偏財運亦相當唔錯，屬馬的人可以嘗試多去投資一些理財產品，或者間唔中去買張六合彩，可能有意外收獲。
理財貼士：各位馬仔馬女今年事事順利，好好廣結善緣，把握新機遇就可以了。有時間嘅話仲可以去學下投資。（相關閱讀：投資新手 必讀7大「發」則）
財運運勢：★★★★★
羊：財運平淡，凡事要保守
屬羊嘅朋友2017年財運平平，「不變應萬變」係今年嘅最佳策略。今年工作上可能會面臨巨大挑戰，記緊要冷靜面對，不要衝動祼辭。做生意可能業務倒退，但進行任何變革都要預先考慮周全。今年的收入主要來自工作，不要對偏財（如投資、中獎等）抱太大期望。
理財貼士：今年會有破財的機率，支出會比平時多，所以要更謹慎地理財。空餘時間可考慮去進修，充實自己以免在工作上被淘汏。
財運運勢：★★
猴：事業上揚，累積財富
屬猴嘅朋友今年係事業年，收入可能會因為工作量增加或轉工而提升，對Freelance特別有利。偏財運都唔錯，可能會有額外收入，不過建議還是以努力工作為主，不能過分注重於投機方面的行為。另外今年健康比較易出問題，要好好注意健康，以免讓疾病影響工作。
理財貼士：屬猴嘅朋友今年努力與收入成正比，可以考慮投身自由工作者行列。就算不是全職做Freelance，亦可以嘗試在餘閒時間賺下外快！（相關閱讀：唔想打工？做 Freelance 自由工作者的8大貼士）
財運運勢：★★★★
——
想知道更多信用卡嘅優惠資訊？立即使用我哋嘅比較工具，搵出最適合你嘅信用卡！
想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！
The post 【2017雞年運程】12生肖 財運 預測+理財貼士 appeared first on 理財資訊.