唔經唔覺，距離情人節只剩番唔夠一個月。女生都希望有一個難忘嘅 情人節 ，男士們就可能唸到頭都大埋。情人節要過得開心，當然少不了一頓浪漫的 情人節 晚餐，所以MoneyHero.com.hk以下為大家推介幾間價錢合宜，又不失情調的特色餐廳：
新派意大利菜：Assaggio Trattoria Italiana
主打悠閒風的 Assaggio Trattoria Italiana 由意籍總廚 Francesco Gava 掌舵，確保每一道菜都是正宗的意式佳餚。餐廳景觀開揚又有海景，餐桌之間隔得比較開，感覺特別舒服。
為迎接情人節，餐廳特別準備了色彩繽紛，充滿田園氣息的五道菜情人節晚餐 （按此查看餐單），採用較簡單純樸的烹調手法突顯食材嘅新鮮，還會用別緻的食用花以及可愛造型作點綴，女士們實鐘意！
地點：香港灣仔港灣道2號香港藝術中心6樓
網址：http://www.miramar-group.com/en/our-business/food-and-beverage/assaggio-trattoria-italiana/
人均消費：$500
豐富西班牙大餐：Espuma
以西班牙菜為主打的人氣餐廳Espuma，店內設計以具歐陸時尚風格為基調。店內食物賣相吸引，味道有水準，最緊要係份量十足，食量大的男生亦唔怕食唔飽。以晚市二人套餐為例，除了兩款主菜，還有餐湯、沙津、小食拼盤、每人一碟窩夫伴雪糕，以及餐酒和餐飲各一。餐廳在情人節將會推出特別套餐，盛惠而$688/2位，CP值超高！
地點：中環/灣仔/尖沙咀
人均消費：$350
（平時出街食飯，你係咪習慣信用卡簽帳呢？因為好多信用卡嘅餐飲回贈係特別豐富。想了解更多信用卡優惠，即刻上我哋嘅比較平台。）
傳統法國扒房：Le Relais de l’Entrecôte
來自巴黎的老字號扒房，於14年進駐香港。香港分店不論是餐單還是裝潢，都跟足法國總店，充滿法式情調。餐廳主菜只有一款，就係$288的傳統法式牛扒餐，情人節也不加價，但甜品就有好多選擇。有人話呢度嘅甜品比牛扒更有特色，所以喺度齋食甜品也是一個選擇。
地點：灣仔皇后大道東222號Garden East
網址：http://www.relaisentrecote.hk/
人均消費：$300
西貢隱世餐廳：Padstow Restaurant & Bar
每逢大時節，市區永遠都係人山人海，實在差咁啲浪漫。想遠離煩囂，不妨走去西貢尋找隱世美食。
西貢不乏令人驚喜嘅西餐廳，其中呢間位於白沙灣嘅Padstow Restaurant & Bar 係一棟粉藍色異國風建築，景觀開揚，環境舒適，從侍應同客人的身上都感受到「慢活」的氣息。食物方面更是慢工出細貨，值得讓人慢慢細味。
地址：西貢白沙灣112號
網址： https://www.facebook.com/Padstow.HongKong/
人均消費：$400-500
在家下廚懶人包：Secret Ingredient
邊個話情人節一定要出去食？窩在家裡同伴侶一起煮飯仔，亦係人生一大樂趣。而且今時今日煮飯亦唔需要出去周圍搵材料，你只需要在食材網站 Secret Ingredient 買一個情人節餐懶人包即可。所有材料齊備，而且已切好醃好，放落鑊煮熟就食得。而且2人份量嘅材料包只需約$300，可以慳返唔少！
網址：http://www.secretingredient.com.hk/collections/food
人均消費：約$150
延伸閱讀：香港平靚正拍拖好去處
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【 情人節 食乜好？】平靚正情人節晚餐推介2017 appeared first on 理財資訊.