【親子好去處 2019】親子平靚正活動好去處（1月更新）

香港平靚正親子活動好去處

小朋友平時返學、做功課、考試咁辛苦，周末同假期其實好期待可以同爸爸媽媽出去現吓！做父母，除了衣食住行外，仲要俾仔女參加補習班、興趣班，仲要諗周末去邊玩？MoneyHero.com.hk為大家搜集咗一啲親子平靚正好去處，等父母們荷包唔會出血之餘，仲可以同小朋友玩得開心！（2018年12月更新）

推薦假日好去處：親子好去處 | 拍拖好去處 | 室內好去處 | 倒數好去處

香港雖然細，但細心發掘，你會發現更多！

今次，你想與小朋友開展怎樣的大冒險？

期間限定活動	室內放電場	多元化綜合公園
商場活動	室外冒險與體驗	親親大自然
感受文化生活	博物館	其他活動

一家大細出去食飯，到底用邊張信用卡好？即睇精選餐飲信用卡

MoneyHero.com.hk 賞「里」行動第二擊

想快點換機票去旅行？機會來了！限期前申請指定信用卡，全城獨家賞你額外高達5,000 Avios！機會過咗就冇喇～立即按此參加活動

期間限定活動

【新】奇華與小丸子聯乘辦賀年糕點工作坊

奇華餅家-新春限定
（圖片來源:奇華餅家官網)

今個新年，想小丸子陪你過年?咁就唔好錯過，奇華餅家最近開設新春期間限定的「小丸子蘿蔔糕及年糕班」，小朋友同大朋友都可以學整兩款特色賀年糕點，由專業餅師即場教授，由製作粉漿以至包裝過程，都能一一體驗。如想參與「親子班」，每位學員可帶一位8-12歲的小童參與，小朋友同父母合力齊做賀年糕點，開心過新年。大家注意啦! 1月5日下午會推出第二輪開班報名，緊記Mark實時間! 另外，課程更會送贈小丸子精品，粉絲們唔好錯過！詳情。

課程資料：

奇華工作坊── 小丸子臘味蘿蔔糕及花輪同學紅棗糖年糕班
學費：HK$550
名額：每班16人
課程時間：180分鐘
報名網址：按此

奇華工作坊── 小丸子臘味蘿蔔糕及花輪同學紅棗糖年糕班（親子班）
學費：HK$600
名額：每班16組
課程時間：180分鐘
報名網址：按此

【新】元朗恐龍冒險王國

元朗恐龍冒險王國

首個恐龍嘉年華會即日起至2019年2月10日登陸元朗的「有機生態園」，場內有5隻恐龍等住大家，而嘉年華內亦有冰雪體驗館，香港無得落雪，大家就可以喺-8°C嘅氣溫下，欣賞各款有趣的冰雕，同玩21米長嘅冰雕滑梯，夠俾小朋友盡放電。另外，場地在星期六至日及公眾假期將提供免費穿梭巴士往返「朗屏西鐵站」(近B1出口)及《恐龍冒險王國》。
詳情。

收費：
1/HK$120-包門票、《恐龍冒險王國》代幣6個及大棠有機生態園門票
2/HK$80-包門票及《恐龍冒險王國》代幣6個
3/HK$690-包4張Fast Pass門券，70個代幣及精美恐龍公仔一隻(每天限量30套)

日期：即日起至2019年2月10日
時間：星期一至日，早上9時至下午6 時
地點：元朗大棠「有機生態園」

【新】香港杜莎蠟像館：港人尊享買二送一

香港杜莎蠟像館：港人尊享買二送一

香港杜莎蠟像館由即日起至2019年5月5日，推出港人優惠，只要憑香港永久居民身份證或臨時居民身份證於蠟像館正門售票處購買兩張即日成人門票，即可免費獲贈即日成人、小童或長者門票一張。詳情。

收費：
成人：HK$232
小童及長者：HK$196

AIA友邦歐陸嘉年華 2018

AIA友邦歐陸嘉年華又返嚟喇！今年繼續有英國歐陸雜技團一連串雜技演出，包括雜技人被卡車壓過等驚心動魄的身體技能表演，週二至週日每天開放2-4場。除此以外，當然不少得攤位遊戲，毛公仔有來自侏羅紀世界、迷你兵團、銀河護衛隊等角色，絕對值得期待！現場還有各種機動遊戲、音樂會、街舞表演及美食等，即刻約定男女朋友、一班好友盡情狂歡吧！詳情

預先訂票：即日起至12月14日中午12點可於經官網預先購票
成人 – HK$120入場券（包10個代幣）
兒童 – HK$85入場券（包7個代幣）
VIP門票 – HK$400（包括入場券、20個代幣及於貴賓室享用2杯飲料）
代幣套餐 – HK$300（包括入場券及30個代幣）

開幕後門票價格：
成人 – HK$130入場券（包10代幣）或HK$50入場券
兒童 – HK$90入場券（包7個代幣）或HK$50入場券

歐陸雜技團門票售價：由HK$150至HK$400不等（另加$10服務費）

日期：2018年12月14日至2019年2月17日
時間：早上11時至晚上11時
地點：中環海濱活動空間

全球首個大型龍珠展覽

親子好去處-數碼港商場-龍珠展館

(圖片來源：網上圖片）

龍珠的粉絲遍佈老中青，「龍珠超-體感互動藝術展」將會登陸數碼港商場，三層展館佔地共超過2.5萬呎，共分為3個展區，更會加入光影投射及體感的互動技術，將《龍珠》經典情景呈現，粉絲們可以盡情影相。展館內除了有1：1原大雕像外，更有7大動感互動遊戲，包括「對戰！布洛尼」、「修行！尋找龍珠」、「神龍の召喚」、「氣之修練」、「龜波氣功」、「瞬間轉移」和「合體」，可以學習必殺技之外，仲可以親身體會撒亞人的決戰，今個聖誕大家一齊集合7粒龍珠啦！

日期：2018年12月20日 – 2019年1月31日
地點：數碼港商場101-104及204舖
時間：上午11時至下午10時(2018年12月20至31日)/上午11時至下午10時(2019年1月逢星期五及六)/ 上午11時至下午9時(1月其他日子)
收費：親子套票 1成人+1小童：$219 (原價$285)/家庭套票2成人+1小童：$379 (原價$475)
註：展覽不設現場現金購票，可使用手機下載 Trip.com App，(請按此)購票。

回到親子好去處目錄

室內放電場

室內遊樂場愈來愈多，因為玩樂得宜，場地大部分都設有軟墊，小朋友不太容易受傷，而且室內遊樂場更毋懼風雨，父母既可在旁邊看着小寶貝，亦可一同玩樂，是新興的放電地方。

愉景灣EpicLand

愉景灣epicland

(圖片來源：Epicland facebook)

愉景灣的Epicland可以玩凌空玩空中漫步，更有幾層樓高的刺激滑梯，更有攀石、彈床、及波波池等，真正的放電，讓小朋友盡情跑跳。家長不要過於擔心活動的危險，因為場地一些危險活動，如: 凌空漫步，會有工作人員在場監督及指導，更有合適的裝備提供，讓小朋友在安全的環境下體驗刺激。家長帶孩子入愉景灣，順道呼吸下離島的空氣喔!

地點：香港大嶼山愉景灣愉景北商場地下G31
開放時間：星期一至日上午9:30-下午7:30
收費： 星期一至五HK$148(1-12歲小童及1名成人)，成人HK$168/人(13歲或以上) /星期六、日及公眾假期HK$188(1-12歲小童及1名成人)，成人HK$200/人 (13歲或以上)

大埔PlayScope

室內遊樂場愈來愈多樣化，單單放電玩樂已不足夠，大埔有間由非牟利機構「智樂兒童遊樂協會」設立的「遊戲萬象館」，注重從遊樂設施中，培養出小朋友的感官發展，包括木製小積木，訓練小朋友的小肌肉及組織能力，更有遊戲發明室，內有簡單的工具，讓小朋友自行發掘各種工具的樂趣，啟發他們的創意力。另外更有Messy play的區域，讓有小朋友有超出日常生活的體驗；除此之外，更有生活體驗區，讓小朋友可角色扮演，體會做消防員的辛勞，學做護士照顧病人。玩樂設施多姿多采，不過收費得宜，週未2大1小都只需HK$130/4小時。詳情。

地點：大埔太和邨亨和樓地下117-125室
開放時間： 預約
收費： 詳情

黃大仙室內遊樂場-Play Two Learn

黃大仙Learntoplay

(圖片來源：LearnTwoPlay facebook)

黃大仙龍翔道新開室內遊樂場-「Play Two Learn」，場地有小朋友最喜歡的波波池、滑楊及彈床競技區域，仲有煮飯仔及角色扮演區，可以扮演醫生、收銀員，仲可以釣魚，動靜皆宜，玩1小時也覺意猶未盡。不過千析唔好玩到樂而忘返呀，因為超時1分鐘也會當1小時的收費，緊記不要超時！詳情。

地點：龍翔道110號翔盈里2號舖
開放時間： 星期一至四早上10:30-下午8:00/ 星期五早上10:30-下午8:45
/ 星期六早上10:00-下午8:45/ 星期日早上10:00-下午8:00

收費：
黃大仙learntoplay 收費黃大仙learntoplay收費
(圖片來源：LearnTwoPlay網頁)

室內Bubble Land

九龍灣bubble land
(圖片來源：bubble land facebook)

小朋友最鐘意同泡泡玩遊戲，九龍灣得寶花園的商場內，就有一間室內泡泡遊樂場，毋懼風吹雨打，惡劣天氣也不影響玩泡泡的決心。
場地有多種玩泡泡的機器，讓小朋友全情投入在玩樂之中，而且場地更會提供圍裙，讓小朋友及大朋友也不會玩得濕漉漉。詳情。

地點：九龍灣得寶花園地下 TBG mall (牛下新城) T188舖
開放時間： 星期一至日，中午12:00-下午8:30
收費： HK$85/日(包括1名小童及成人)

Mabaland

九龍灣Mabaland
(圖片來源：Mabaland facebook)
識玩，一定要玩場在Bubble land 旁邊的Mabaland，同樣在得寶花園的商場內，假日時爸媽同小朋友玩完泡泡之後，就順道跑到Mabaland!
成日話小朋友星期一至五都要返學，無時間郁動身體，來到這個場地，就可盡情玩樂，園區設置不同設施，主要訓練小朋友的「觸覺」、「聽覺」及「視覺」，放電之餘，亦可有所得着。爸爸媽媽預備好與小朋友放電嗎?詳情。

地點：九龍灣得寶花園地下 TBG mall (牛下新城) T138舖
開放時間： 星期一至五及特別日子，中午12:00-下午9:00/ 星期六、日及公眾假期，上午11:00-下午
收費：星期一至四HK$100/日*/星期五及特別日子HK$115^/星期六、日及公眾假期HK$170**(包括1位小朋友及1位16歲以上人士)
註*額外每位成人HK$35/位/ ^額外每位成人HK$35 / *額外每位成人HK$45/位。

J-Plus 全新彈跳迷宮

J-Plus 全新彈跳迷宮分為三個部分，設有大型波波池的糖果城、彩色繩網、大迷宮、兒童哥爾夫球場、模疑賽道等，讓小朋友盡情放電！詳情

地點：油塘高超道38號大本營3樓301號舖
電話：2343 5068

「彈跳迷宮」收費
星期一至五：75點(全日任玩) / 60點(17:00後任玩)
假日：120點(全日任玩) / 85點(17:00後任玩)

深水埗的森林樂園

位於深水埗的全新室內遊樂場，設有多項兒童遊樂設施，包括投影沙池、積木屋、彩色繩網、波波池、彈床、森林樂園等，活動多元化！詳情

地址：大埔道31-35號地庫全層
Whatsapp：5646 2499

石門Play Easy室內遊樂場

沙田石門新開的「Play Easy 輕鬆玩」室內兒童遊樂場，面積達12,500平方尺，場內設有多達18個多元化玩樂區，包括7大遊樂場園區及3大區域門票設施，當中除了有攀石牆、海綿池、造型小火車、釣魚池、積木區等，還有球池王國、超級彈床及創意沙池等一站式玩樂設施！

地址：沙田石門安群街1號京瑞廣場2期102A1

基本入場門票包括遊戲區1-7，追加門票適用於遊戲區（不同遊戲區有不同收費）
基本門票（一名成人+一位小童）：
星期一至四（公眾假期除外），每小時HK$80 （額外成人$45）/ 會員每小時HK$30
星期五、六、日及公眾假期，每小時$120 （額外成人$80）/ 會員每小時HK$45

查看更多詳情

回到親子好去處目錄

多元綜合公園

好多臨海地區都設有海濱公園，俾附近居民做吓運動、舒展筋骨︰

中西區海濱長廊

中西區海濱長廊開設「海中心公園」，以兒童、藝文、休憩和露天為主題的休憩區域，一號碼頭有一個以海洋主題的兒童遊樂設施，二號碼頭木板空間有大片空間給小朋友騎腳踏車，而三號碼頭的草地則適合野餐。詳情

地址：西區副食品批發市場（鄰近西環貨物碼頭）

大埔海濱公園

taipo

大埔海濱公園最特別之處在於，公園並非大草地咁簡單，你可以放風箏、野餐、踏單車，甚至參觀回歸塔，了解香港其中一個重要時刻，而且費用全免，同大埔墟地鐵站唔遠，絕對是值得推介的親子好去處！

入場費︰免費
開放時間︰昆蟲屋（上午8時至晚上7時）、香港回歸紀念塔（上午7時至晚上7時）、公園其他設施（全日24小時）

回到親子好去處目錄

商場活動

沙田新城市：愛麗絲夢遊仙境　走進奇妙異想世界

親子好去處-新城市廣場
(圖片來源：沙田新城市Facebook)

今個聖誕沙田新城市打造成愛麗絲的夢幻仙境，不同樓層都有圍繞愛麗絲的主題佈置，3樓會以來自韓國的的「Alice: Into the Rabbit Hole」裝置藝術展覽為主題，以鏡像、投影、燈光、立體裝置營造出仙境的異想空間；大家更可以爬進30呎高的聖誕樹兔子洞穴，看看愛麗絲的異想世界。而7樓的星光花園也有戶外聖誕燈飾，以《愛麗絲夢遊仙境：穿越魔鏡》為主題，有3大打卡秘境，包括：奇幻迷境、璃光仙境及愛麗絲夢之境，將鏡影及燈光效果打造10個景點影相位。

打卡過後，小朋友都可以動動手製作手工，製作聖誕禮物給爸爸媽媽，只要你是新城市廣場VIP會員便可以玩「SPRAY ME」自家製調配香水及「SPEAKING FLOWER」發光玫瑰工作坊。

日期：2018年11月27日 – 2019年1月13日(7樓星光花園)/ 2018年11月27日 – 2019年1月1日(商場3樓展覽)
地點：沙田新城市廣場一期3樓玻璃天幕廣場、7樓星光花園
時間：中午12時至下午10時

D2 Place：聖誕飄雪 +螢火蟲森林

親子好去處-D2-PLACE-聖誕飄雪
(圖片來源：D2 Place Facebook)

香港從不下雪，想感受落雪的幸福感，那麼便要到D2 PLACE 聖誕天台，欣賞他們特設的飄雪，更在彷真雪地森林加設了一間精靈小木屋，於逢星期六、日及2018年12月22日至2019年1月1日中午3時至晚上8時半更有每節25分鐘的飄雪效果，充滿冬日氣氛。飄雪場次同樣設人數限制，需於商場二期辦公室大堂領取入場証入場。免費入場証將於以下場次開始前2小時派發。每人限領一張，先到先得。另外，商場二期The Garage以「賞螢森林」作主題，猶如置身螢火蟲國，非常浪漫。順帶一提，同樣設人數限制，每節20人。

如果大家不想排隊太久，D2 Place 亦推出「FAST PASS」，憑即日指定零售消費滿HK$300，可換領同日「FAST PASS」名額2個；滿HK$500則可換領名額4個。其中最多接受2張不同指定零售商戶之發票，每張發票最低消費HK$100。「FAST PASS」名額先到先得，換完即止。

D2 Place 更安排了一連串以聖誕為主題的市集，包括：CRE瀝卡啦聖誕精靈村、白紙市集 X Parents Daily X 樂高積木親子市集、Fairish 熊熊聖誕嘉年華週末市集及麥田捕手聖誕及新年市集 – 聖誕快車，大家Mark實啦！

日期：2018年12月1日 – 2019年1月20日
地點：荔枝角D2 Place一及二期
時間：(逢星期一暫停開放，12月24日及31日除外) 中午12時至下午9時
飄雪場次: 15:00 / 15:30 / 16:00 / 16:30 / 17:00 / 17:30 / 18:00 / 18:30 / 19:00 / 19:30 / 20:00 / 20:30

回到親子好去處目錄

室外冒險與體驗

大型B DUCK充氣水上樂園

位於馬鞍山的白石燒烤設有B DUCK水上樂園，水上樂園有9條滑梯，3-4個波波水池，仲有1個香蕉船大水池，讓大人小朋友都可以盡情玩樂！

地址 : 馬鞍山白石1950號

農樂營

香港人多車多，想俾小朋友自由放肆玩樂真係咁難？位於元朗的農樂營提供大型戶外放電場，除了多項基本兒童玩樂設施外，仲可以去溫室種菜，還有水上兒童電船和飄移車，讓小朋友一嘗賽車滋味！如果玩累了，還可以在旁享受「BBQ樂」或「度假樂」，場地提供特色木屋，入面有卡拉OK同麻雀供應。詳情

日期及時間：星期六、日及公眾假期下午1時至10時
地址：新界元朗牛潭尾路攸潭美村
（於元朗「開心廣埸」後的「福康街小巴總站」乘搭37號綠色小巴，到總站「攸潭尾村公所」落車，步行約2-3分鐘）費用：免費（場內遊樂設施另外付費）
電話：9260 9235（需預先預約）

零碳天地體驗導賞團

而家全球暖化問題咁嚴重，家長可以俾小朋友了解更多保護大自然嘅知識。宜帶佢哋去零碳天地就係一個好好嘅機會俾啲小朋友體驗下異常氣候嘅變化。入面仲有個免費「零碳天地建築導賞」及「氣候變化與智慧城市」體驗館導賞團俾小朋友接觸最新環保資訊，仲可以陪媽咪爹地用虛擬實境（VR）、擴增實境（AR）技術及遊戲體驗整個展覽。想知有關詳情按此。

導賞團展覽日期及時間：每日指定時段: 10時、2時及4時（必須事先預約）
地址：九龍灣常悅道 8 號
室內展區入場費（連導賞團）：標準門票$20／學生票$10 ／優惠票$5 (適用於年滿60歲以上的長者及傷殘人士) ／6歲或以下小童免費

回到親子好去處目錄

親親大自然

喺呢個資訊發達嘅時代，唔止大人，就連好多小朋友都成為「低頭族」，少有接觸大自然。趁周末空檔，一家人不妨放下手機，一齊去親親大自然吧！小編有幾個好地方介紹：

元朗大棠有機生態園

(圖片來源：元朗大棠有機生態園官網圖片)

元朗大棠有機生態園向來深受一家大細歡迎的地方，每當到了士多啤梨(12月至來年4月)或荔枝豐收的季節，便會引來一家大小前來大棠有機生態園採摘，即使不是遇上士多啤梨或荔枝不當造日子，園區內仲有好多嘢玩，有騎馬車、牛牛車遊山莊、繩網陣及兒童遊樂場等，其中騎馬車是大熱的，小朋友可當個小英雄，馳騁沙圈，而大人更可參加騎術課程，大人小朋友也可玩得盡興。詳情。
地址：香港新界元朗大棠山道十一號
營業時間：星期一至日早上9:00-下午6:00
入場費：HK$30/位 (其他活動需另外收費)
查詢電話： 2470 2201 / 2473 3818

元朗攸潭美農樂營

元朗攸潭美農樂營玩的不只是親親大自然，更有瘋狂玩樂的部分，有賽車、充氣城堡、電車及單車等，佔地十萬呎農莊內分為A、B及C區，A區為綜合區，以康樂用途為主，B區為耕作區，有大棚種整，水耕種植及環控種植，更設有導賞團供觀摩，了解植物特性及生長，更可動手種植，享受農耕樂；而C區則是漁菜共生區。玩一整天，也不覺悶! 由於場地正進行改善計劃，需預約才能進場，詳情。

地址：元朗牛潭尾路攸潭美村
營業時間：須預約。
查詢電話： 5116 9460 (Whatsapp)

448農莊

(圖片來源：448農莊 Facebook)

448農莊是個佔地十萬呎的親子農莊，深受歡迎的親子活動，除了種下無數色彩斑斕的鮮花，更種下無數新鮮健康的蔬果，更提供導償團，讓家長們及小朋友體會農耕的樂趣。園內更有不同小親子玩樂設施，例如：兒童電動車、樹木繩索、射擊、室內兒童遊樂場等，收費亦不算昂貴，入場費HK$50/人，參加導賞團便額外HK$30/人，部分設施則會另外收費。詳情。

地址：元朗欖口村欖堤東路
營業時間：須預約。
收費：入場費 HK$50/人 / 導賞團HK$30/人
查詢電話： 6684-1448 (Whatsapp)

小蜜蜂農莊 BeeBeeFarm

農莊有6間大小獨立屋，一家人可以租一塊農田成為小小的地主，享受有機耕種的樂趣。除了可租營地和採摘新鮮農作物外，還有各項兒童康樂設施，沙池、遊樂場、滑梯和彈床一應俱全，仲有寵物樂園、親子工作坊等，多元活動，感受農莊樂！詳情

地址：八鄉錦上路元崗清潭路菠蘿山
營業時間：星期一至日上午7時至下午7時
收費：入場費 HK$30 / 自助午餐 $80 / 工作坊 (收費不同)
查詢電話：9642 8569‬、6684 6677

按此查看交通詳情

嘉道理農場暨植物園

嘉道理農場係香港一個環境保育教育中心及植物園，景色非常優美，又富教育意義，係讓小朋友認識大自然嘅絕佳地方。除了有花園、溫室等可以參觀之外，你仲可以觀賞到好多不同種類嘅動物，如昆蟲、野豬、騾和豹貓等，而「上山區」亦有好多山水美景。由於園區比較大，旅客需要規劃好參觀路線，或以園區嘅建議路線作參考。

園方喺每個月嘅首3個星期日，都會舉辦「動物全接觸」和「動物知多點」活動，等小朋友有機會同動物接觸，增加對自然保育同非法野生動物貿易嘅認知，並培養對動物嘅尊重及欣賞。活動當日設有登記處（接待處附近），可於該處報名，詳情按此查詢。

入場費：12至59歲︰$30、5至11歲︰$15、5歲以下/60歲或以上長者及合資格殘疾人士免費
開放時間：星期一至日上午9:30至下午5:00（下午4:00後謝絕遊客入場），公眾假期及園區紀念日除外

清新地有機農莊

natures_harvest_10

清新地農莊環境優美，可愛的紅色小風車和小山羊，好比台灣清境。活動包括導賞團、耕種體驗、DIY工作坊等，另有兒童遊樂設施，俾一家大細一齊親親大自然。詳情

地址: 西貢白水碗 (科技大學旁）
開放時間: 星期二至日上午9時至下午5時 (星期一休息)
交通資訊: 科技大學北門巴士站旁，按指示沿樓梯往下走約15分鐘

有機薈低碳農莊

有機薈低碳農莊，又叫做「有機菠蘿園」，提供各種有關菠蘿的知識、親子活動及種植體驗，俾一家大細邊學邊玩邊體驗！詳情

地址：元朗錦上路河路四排石村 (錦上路站A出口步行約3分鐘)
開放時間：星期一至星期日 10am – 6pm 平日(公眾假期除外)
備註：只接待參加套餐(4人成團)及預約的顧客。

迪欣湖野餐

恬靜優美嘅迪欣湖，最適合一家大細嚟度過一個悠閒愉快嘅周末。除咗可以散下步，欣賞美麗嘅湖景同山景外，父母也可以同小朋友在園林嘅草地上野餐。另外，迪欣湖亦設有腳踏船同腳踏遊覽車出租服務，食飽之後租架單車或艇仔到處遊覽，係一件非常寫意嘅事！

開放時間：每日上午9:00至晚上7:00（免費入場）

腳踏船/腳踏遊覽車出租服務：每天早上10:00至下午5:00。（雙人艇$70/半小時、$120/小時；四人艇$85/半小時、$150/小時）（腳踏遊覽車：雙人單車$100/小時；四人單車$120/小時）

回到親子好去處目錄

感受文化生活

鴨靈號週日新體驗

鴨靈號是香港唯一仍在海上航行的中式古董三帆木船，在澳門的船廠建造並擔任漁船，現開放給公眾及遊客登船遊覽！小朋友不單可以欣賞香港東面航線沿途風光，還可以在船上親手拉帆體驗、編織漁網、探索和認識漁村文化知識！

出發日期：每週日
登船地點：筲箕灣公眾碼頭
票價：成人HK$150, 小童HK$90, 3歲以下免費

灣仔民間故事館

現今社會小朋友都只能顧及讀書同上興趣班，少有機會了解地區文化，家長可以帶小朋友一齊去位於灣仔嘅民間故事館。在故事館裡面可以看到香港以前嘅生活文化，好像打字機、黑膠碟和書本等，讓孩子認識上一代人嘅生活。除了展館本來嘅陳設外，館方還會不時更新展覽，舉辦放映會、地攤及音樂會等。話佢係一個親子好去處最適合不過；有關詳情按此查詢。

開放時間：上午10:00至下午6:00（星期三及公眾假期休息）

漫遊大澳漁村

如果想帶小朋友接觸生態，同時感受香港嘅風土人情，大澳漁村就係一個好選擇。以大約$30嘅價錢就可以坐20分鐘小艇遊覽棚屋。棚屋以外，你仲有其他選擇，就係參觀大澳文物酒店，酒店由舊警署改建而成，有留下當年警署嘅設施同物件，包括幾座炮台。行到肚仔餓，大可以掃街，除了海鮮之外，當然要試一試聞名嘅豆腐花同超大魚蛋啦！

回到親子好去處目錄

博物館

古蹟及藝術館：大館關公駕到

大館展覽-關公駕到

大館與香港八和會館，舉行「關公駕到」展覽，追溯了關公在傳統至現今文化中的影響，並探討紀律部隊中「拜關帝」的文化。展覽更會帶領觀眾走進社區，看關公跟市民生活如何息息相關。

日期：即日起至2019年1月27日
時間：上午11時至晚上8時
地點：大館-警察總部大樓（01座）複式展室
費用：全免

三大博物館票價

	太空館	科學館	歷史博物館
開放時間	星期一、三至五：下午1時至晚上9時；星期六、日及公眾假期 : 上午10時至晚上9時；星期二休館（公眾假期除外）	星期一、二、三及五：上午10時至晚上7時星期六、日及公眾假期：上午10時至晚上9時星期四休館（公眾假期除外）	星期一、三至五：上午10時至下午6時；星期六、日及公眾假期 : 上午10時至晚上7時；星期二休館（公眾假期除外）
優惠票	HK$5	HK$10	HK$5
標準票	HK$10	HK$20	HK$10
團體票	HK$7	HK$14	HK$7
備註	*個別專題展覽或需另外收費	由攜票的成人陪同參觀的4歲以下小童免費入場逢星期三免費入場	個別專題展覽或需另外收費常設展覽免費；專題展覽則另外收費

回到親子好去處目錄

其他活動

T-Park嘆免費SPA

屯門最近開咗個新公園叫做「T-Park」，呢個公園係透過焚化污泥「轉廢為能」，100％自給自足。當中有個免費嘅水療池區，以焚化污泥嚟恆溫，環保之餘又為大眾提供放鬆身心之地！水療池區嘅環境非常唔錯，睇落似私人會所，由於有名額限制所以唔會太多人。嘆完SPA，仲可以帶埋小朋友參加公園導賞團，認識處理污泥程序及運作等，非常有教育意義！

水療池區同導賞團名額有限，需要提前幾星期上官網預約。T-Park目前未有任何公共交通可達，所以最好預約埋免費穿梭巴士，並在當日準時在屯門上車。

T-Park開放日子：星期一、星期三至星期日
水療池區開放時間：10:15~11:30 / 12:30~13:45 / 14:30~15:45 / 16:00~17:15 / 17:30~18:45
導賞團開始時間：10:30 / 12:00 / 14:15 / 15:45 / 17:15

預約網站：https://booking.tpark.hk/

回到親子好去處目錄

一家大細出去食飯，到底用邊張信用卡好？