光纖入屋寬頻上網價錢比較！（2019年2月價錢更新）

光纖入屋寬頻上網價錢比較！

如果你家中寬頻上網服務到期，好多時你會發現，無論係什麼服務供應商，即使你係舊客戶，如果自動續約，價錢都可能畀新客戶更貴！好多服務供應商係看準舊客戶唔想煩嘅心理，加上寬頻上網又海鮮價，資訊不透明令好多朋友都嫌太麻煩，續約算數！不過，上網幾乎成為家中必須品，不如等MoneyHero.com.hk幫你比較各大供應商嘅上網價錢，等你可以做個精明消費者啦！（2019年2月更新資料）

（由於各公司的收費不定期更新，若大家發現資料已有不同，歡迎到本網Facebook專頁提供資料）

其他繳費信用卡攻略：水電煤 / 電話費 / 寬頻費用 / 學費 / 保費 / 管理費

各大寬頻公司參考收費

其實大家對寬頻公司都有一定刻板印象啦：Netvigator網上行最快但最貴、香港寬頻性價比OK、有線寬頻就…….但其實無謂用刻板印象評定喇，等我哋幫你比較佢哋嘅服務價錢啦。

我哋今次挑選比較服務嘅條件，就係新用戶、1000M光纖入屋、簽約24個月嘅價錢！（資料只供參考，由各供應商及其代理人於2019年2月提供，實際收費及優惠由供應商決定。）

（請左右滑動表格查看更多詳情）

各大寬頻公司參考收費
寛頻電訊商公司	香港寛頻 (HKBN)	有線寛頻	HGC	SmarTone	網上行
網速	1000M	200M*	1G	1000M	1000M
私人樓宇（參考價錢）	$238 （首十個月月費 $188)	$78#	【新】$148#	$158	$228
公屋（參考價錢）	$198 （首十個月月費 $148)	$78#	【新】$148#	$148	$198
安裝費	$680	$300-3,500	豁免	豁免	$480-680
免費附加服務／禮品	myTV SUPER基本版全球任用Wi-Fi 蛋（10天）輸入優惠碼「DayDayCook」可享免費烹飪班乙次（價值$380）	防毒軟件	申用期內每月免費100分鐘hgc on air屋外Wi-Fi服務每月加$35即享家居電話服務	【新】免安裝費及首次搬遷費（價值$1,080）【新】每月平均加$30即享家居電話【新】輸入優惠碼「FBB500」即享$500月費回贈 + $200網店禮券【新】輸入優惠碼「STROU」即享路由器	網上行安全上網軟件套裝+以下優惠任選一種： 1. HK$100超市現金卷【新】2. 3,000 Club積分【新】3. Now E 2018/19 英超及西甲賽事3個月通行證(價值$474) 【新】4. 富衛保險優惠券HK$200 5. LaCie 1TB Porsche Design 便攜硬碟
＊有線寬頻在網上只提供200M寬頻的價錢，以上收費僅供參考，最終格價以寬頻公司之報價為準。 ^最少申請30個月

雖然大家可以透過信用卡自動轉賬繳交寬頻上網費用，但並非所有信用卡都有回贈或積分。咁究竟邊張卡交寬頻上網費最著數？

Citi Rewards Visa 信用卡：電訊公司簽賬 HK$3/里

更多信用卡詳情

信用卡特點
– 電訊公司、超級市場及百貨公司簽賬 HK$3/里，生日月份更享HK$1.88/里
– 其他簽賬回贈 HK$15/里
– 家庭主婦都申請得，適合經常到超市及百貨公司消費人士

迎新優惠
– 簽賬滿HK$10,000即獲135,000積分，相等於HK$600現金券或9,000里

MoneyHero.com.hk 獨家優惠
限時優惠期內，經本網申請再送你額外HK$300超市禮券！

精選自動轉賬信用卡

現金回贈之選︰Citi Cash Back Card

更多信用卡詳情

信用卡特點
– 外幣簽賬、本地食肆及酒店簽賬：2%回贈
– 本地簽賬、八達通自動增值及自動轉賬繳費：1%回贈

迎新優惠
– 簽賬滿HK$10,000，可獲額外HK$1,000回贈

MoneyHero.com.hk 獨家優惠
限時優惠期內，經本網申請再送你額外HK$500超市禮券！

信用卡特點
– 本地、外幣或網上簽賬一律 HK$5/里
– 自動轉賬繳費都有HK$5/里
– 積分有效期5年，兌換里數手續費全免

迎新優惠
– 簽賬滿HK$9,000，首HK$9,000簽賬可享HK$1/里，即獲9,000里

信用卡特點
– 外幣簽賬HK$4/里；本地簽賬HK$6/里
– 享用LoungeKey環球機場貴賓室服務
– 額外30%年資獎賞，即每年多送30%可換里數的積分
– 任何酒店第四晚免費住宿優惠

迎新優惠
– 支付首年年費HK$3,800即可獲240,000積分，即20,000里數

MoneyHero.com.hk 獨家優惠
限時優惠期內，經本網申請再送你額外HK$300超市禮券！

相關文章︰【信用卡繳費】交水電煤費都儲到飛行里數？

（溫馨提示：想知道更多信用卡嘅優惠資訊？立即使用我哋嘅比較工具，搵出最適合你嘅信用卡！）

申請寬頻小知識：

講完價錢，不如又講下一啲申請寬頻要注意嘅小知識。我諗大家都試過，覺得俾寬頻公司呃咗咁：明明話係100M，做乜到要上下載嘢嘅時候，每秒又係得個一千幾百K？等我哋首先幫你搞清楚幾個寬頻上網觀念先啦：

1）乜嘢係光纖上網？

過去我哋嘅寬頻上網，係使用銅線作為傳送資料嘅媒介，傳輸率相對比較低。而近年我哋開始多用咗傳輸率較高嘅光纖上網。光纖其實係由玻璃同塑料製成，成本平得嚟功率又高，最高速理論上可達10G或以上，所以光纖就開始取代咗銅線，成為主要嘅上網連網技術喇。目前市面有提供的光纖上網，速度慢至1M，快至10G都有，當然價錢會有所不同。

2) 街站申請同網上申請，價錢都唔同？

網上申請上網服務，當然比較方便，但其實部份嘅寬頻服務，你係街站申請，價錢都會比較平，根據消委會最新嘅調查，網上行、香港寬頻、有線寬頻及3，於街站申請都有機會較平，但實際情況就要睇你係住咩地區喇。

3）公屋同私樓唔同價錢？

對，同一服務，同一公司，公屋同私樓用戶價錢都不同。除咗公、私樓嘅分別，不同區份亦會有不同的優惠價。此外，部分村屋最近亦開始有光纖入屋服務，但好多時都要俾較高嘅價錢，甚至要俾額外嘅安裝費。

4）光纖入屋定入機房？

另外一個影響網速嘅就係光纖到底係入屋定只係到機房喇。如果係FTTB（Fiber-to-the-Building），即係話光纖只係到你座大廈嘅機房，而由機房到你個住宅單位只係用銅線，代表你要同全大廈用同一寬頻公司嘅人Share速度，速度上非常冇保障。而FTTH（Fiber-to-the-Home）就即係光纖直接入到你所在嘅住宅單位，確保咗你嘅上網速度。

5）上載同下載速度其實不同

當你申請寬頻時，Sales其實係話你聽兩個速度，下載速度一般比上載快，例如當佢話「500M/100M」嘅時候，就代表下載速度係500M，上載速度就係100M。

6）你的電腦會影響上網速度

你所用的電腦設備，包括數據器同Router亦會對速度有影響。有啲寬頻公司提供速度保證計劃嘅時候，都有限制你電腦嘅規格。

7）點先係真正速度？

好喇，重點係，其實就算係500M下載，唔代表你可以1秒內下載500MB嘅檔案，因為佢哋用嘅單位係不同的！寬頻公司口中嘅500M，其實係指網速，而佢哋用嘅單位係bit（位元），而唔係Byte（位元組）。8 bit先等於1 Byte，而我哋平時嘅電腦檔案大小，係用Byte做單位。所以對電腦嚟講，理論上，你要將網速（例如500M）除以8，先係真正速度。

咁你就將500M除以8=62.5M，係唔係就係每秒最高嘅下載速度？又唔係喎，因為係高速傳輸中，傳送1 Byte，就需要傳10 bit，其中2 bit用來做檢查碼。

好複雜？簡單啲講，將寬頻公司聲稱嘅速度除以10，就大約係你電腦最快嘅下載速度。例如佢話有500M下載速度，咁你每秒可下載嘅檔案，最大就有約50MB。咁算唔算快呢？其實都係睇你點用法啦。