香港書展又到喇！第30屆書展將於2019年7月17日至23日在灣仔會展中心舉行，大會今年以「科幻及推理文學」為主題，介紹一系列優秀的科幻及推理文學作品，書迷不容錯過！而去書展當然唔少得掃平書，MoneyHero就特別為大家準備「香港書展2019慳錢攻略」，入場同買書都有得平！
2019年書展基本資料
展覽日期：2019年7月17至23日
展出地點：香港灣仔博覽道一號香港會議展覽中心
收費：成人：HK$25/人 小童:HK$10/人
| 日期 | 時間 |
| 7月18日至19日（星期四至五） | 上午10時至晚上10時 |
| 7月19日至20日（星期五至六） | 上午10時至11時（三樓展館及五樓展館） 上午10時至午夜12時（一樓展館） |
| 7月21日至22日（星期日至一） | 上午10時至晚上10時 |
| 7月23日（星期二） | 上午9時至下午5時 |
慳入場費大法！首推支付寶HK(AlipayHK)
今年書展入場費同往年一樣，依然是成人HK$25，小童HK$10，3歲或以下小童及65歲或以上長者免費進場。大家可以提前於全線快達票、全線7-11便利店或指定Circle K便利店買飛，不過就要注意現場的快達票不會發售即日門票！另外， 大家今年仲可透過支付寶HK手機應用程式購以優惠價買電子門票入場！
1/ 支付寶HK買入場門票
即日起至2019年7月23日，支付寶HK用戶透過電子錢包購買正價門票，成人及小童每張均即享HK$5折扣優惠！訂購詳情
2/ 早場有著數
中午12點前買飛入場，成人小童一律HK$10（不設離場時限，可逗留至閉館，只限書展現場購買）
3/ 憑首兩日門票可再免費入場
凡以正價（成人HK$25、小童HK$10）購買2019年7月17或18日香港書展門票人士，憑完整票尾可於2019年7月19、20或21日（星期五、六、日） 下午5時後免費進場一次，此優惠不適用於其他門票 （包括上午進場票、優惠進場票、貴賓進場票及贈券）
另外，第三屆香港運動消閒博覽將與書展同期於2019年7月17至23日同場舉行，持香港書展門票人士可於同日參觀兩展，岩睇好抵睇！
4/ 超級書迷證：HK$80
書迷們持「超級書迷證」便可於書展期無限次入場參觀，更可使用特別通道進入會場，節省輪侯時間，記得提早買喇！
發售日期：2019年6月24日至7月16日
發售地點：按此瀏覽
申請注意:
- 請攜同個人彩色照片（照片規格:40毫米寬 x 50毫米高）申請
- 申請時須填寫簡單個人資料，按此下載申請表
- 書迷證如有遺失，恕不補發
- 數量有限，售完即止
5/ 遊客都有得平
訪港旅客行書展都有著數，只要前往展覽會場，出示有效的旅遊證件，即可以HK$10購買入場門票。
精明買書大法：
1/ 下載支付寶HK，即享HK$50電子現金券
同上年一樣，而家去書展可以用電子錢包，而今年用支付寶HK買門票有得平之外，於推廣期內（即日起至2019年8月31日） 首次成功登入支付寶HK，即可獲兩張HK$25電子禮券，共享HK$50優惠，電子禮券可用於手機程式內買書展門票，去到三聯書店、中華書局及商務印書館指定店舖或香港書展指定攤位，單次淨額付款滿HK$50亦可使用！訂購詳情
而於書展期間，凡於參展商攤位以支付寶HK成功付款之用戶，即可參加支付寶HK和Payment Asia推出的【一「掃」貨．隨時中】大抽獎，最高可獲HK$10,000旅遊禮券！
延伸閱讀：AliPay支付寶HK商戶優惠 X 信用卡儲積分攻略
2/ 用PayMe付款
電子錢包近年大熱，今屆書展仲首次引入PayMe付款，留意貼有PayMe標誌的參與書商，帶唔夠現金或者唔記得帶信用卡唔使怕，仲隨時有購物優惠！
3/ 先自行下載及列印參展商電子優惠券
每年書展的官網都會提供參展商優惠券，當中大部分係紀念品換領券及現金券，家長們更加要留意，當中好多買益智圖書、書包及習作的優惠，為小朋友開學先作準備！按此下載
4/ 最後一日掃平書
每年書展臨完場都會劈價，埋尾掃貨是常識吧！場內書價比其他日子便宜約10%至30%，近年有書商於書展完結當日，甚至推出低至「HK$100一袋書」的優惠，唔好錯過！
5/ 去小書商用現金，大書商去同信用卡
有去過書展都知裡面的參展商規模不一，較知名及大型書商一般都接受信用卡付款，另外可以去到不同傳媒機構的攤位，訂閱一年的雜誌及報章，都會接愛受信用卡支付，申請一張現金回贈信用卡，就可以幫你慳返唔少啦！不過順帶一提，小型參展商多數只接受現金交易，入場前最好先到場外ATM機提足現金。
6/ 書展訂閱雜誌即送推廣禮品
愛閱讀雜誌及報章的朋友要留意， 每年不同傳媒機構都會擺放攤位，供各大讀者申請訂閱，更會附送禮品吸引讀耆，禮品都會比平日豐富，大家不妨去不同傳媒機構望下有咩優惠吧！傳媒機構如《Cosmopolitan》、《ELLE》、《Marie Claire》、《Jessica》、《ViVi》及《with》等都曾經送過不少精美禮品！
7/ 自備購物袋、背囊、手拉車，慳番膠袋徵費
書展商戶展都會收取膠袋徵費！相信大家去書展都預咗買野，為咗慳錢同支持環保，記得自備購物袋啦！買太多書，不妨考慮速遞服務，買太多書唔緊要，香港郵政喺書展場內有提供書籍速遞服務，搵專人幫忙運書返屋企，就可以盡情享受Shopping樂趣啦！
書展賣點：
1/ 年度主題—科幻及推理文學
2/ 「文藝廊」四大專區
3/ 中外名家講座
每年書展都有出版總會舉行專題講座，今年就有來自海峽兩岸及香港的著名作家包括閻連科、麥家、劉震雲、馮小剛、平路、白岩松、韓松、朱國珍、許知遠、周雲蓬、馬世芳、毛尖、伊格言、聞人悅閱、蔣方舟及陸慶屹！
4/ 名人作家活動
不少人去書展除了買書，仲為咗出席偶像名人或作家的活動，今年書展就設有八大講座系列，大批名人與作家舉行簽名會及分享會，當中包括劉天賜、梁嘉銘（Ming仔）、陳美齡 、楊潮凱、溫碧霞、崔碧珈、張寶華、朱薫、陳浩基、楊岳橋等，歌手蔡卓妍與周柏豪亦會於2019年出席《感動她77次》新書分享會，煮得名人李家鼎與黃淑儀亦會開心Share烹飪經！活動詳情
The post 【 書展2019 】 慳錢入場、買書貼士！ 支付寶HK買飛即減$5 appeared first on 理財資訊.