不經不覺，又到了一年一度大學生完Sem的大日子。各位準備踏入社會的新鮮人，是時候作最後的放縱，來一趟燃燒青春的畢業旅行！當然，畢業生彈藥有限，今次就由MoneyHero.com.hk跟大家嚴選 Grad Trip 慳錢小貼士，教大家輕鬆玩盡畢業之旅！
早定行程優惠多
旅行洗費離不開衣食住行。由於航空公司和酒店大多提供早鳥優惠，而歐洲的鐵路票亦是早買平幾舊，因此要是能夠盡早確認行程，例如決定好出發和回程日子、旅程會前往的城市等，分分鐘可以慳到唔少錢！完Sem後與其去Hea，不如早日規畫Grad Trip，慳得一蚊得一蚊！
唱平錢睇埋手續費
不要小看匯率的差別，從小節著手，往往可慳更多。一般來說，不要到當地機場、酒店兌錢是常識吧。有時間的話可到TTRate.com比較各地匯價，在香港的話通常在建議去百年、牛記、堅成，不用蝕手續費俾銀行，至於匯率就以上三間差唔多，而大忙人就不妨利用Travelex的網上預訂外幣服務，匯率介乎銀行和兌換店之間，但勝在夠方便。如果你去曼谷或台北，就記住分別去SuperRich同埋去當地銀聯ATM提款先最抵啦！
唔坐的士慳幾百
廉航、區間火車定價低廉，而以東南亞旅遊為例，如果想進一步節省開支，可考慮試坐通宵巴士、共乘車和電單車的士，盡量避免乘坐的士，以及一向惡名昭彰的Tuk Tuk車，以免得不償失。舉個例說，柬埔寨由金邊到暹粒，包車可以收你US$100，而坐環境好少少的巴士價錢都只是US$13左右。想慳？你知點做啦！
國際學生證著數多
學生身分，最著數當然是學生優惠！除了部分景點本身有提供學生入場折扣外，亦建議大家於出發前申請ISIC國際學生證。一證在手可享優惠如租WiFi蛋9折和HostelWorld US$5回贈。此外，大家記緊做足資料搜集，因為不少博物館都設特定收入場費時段，就算不是學生也可受惠。
Day Tour方便又抵玩
想在短時間去多個地方，又不想花錢自駕，參加Day Tour是不錯的選擇，例如去看北歐看極光和去日本立山黑部，或者是參加浮潛、行山等活動，報團都可能比較划算。如果怕Local Tour言語不通，你亦可事先瀏覽網上網行社如KLOOK和KKday，前者是本地薑，城市以亞太區為主，行程選擇多，而後者則來自台灣，市場已擴展至全球。在本港預訂體驗行程的好處是，透明度較高，明碼實價，而且定價超值！
終極窮遊絕招：訓梳化
年輕人有的是青春，唔駛吓吓住靚酒店嘅！想在住宿方面節省，除了要懂得善用trivago和HotelsCombined等酒店比價網站，或是住進性價比高的青年旅舍，你亦可以試用Airbnb入住當地人的家，甚至是Couchsurfing當沙發客。一來慳錢，二來可同時體驗當地文化。
溫馨提示：出外旅遊，買份旅遊保險最穩陣！請即瀏覽我們的旅遊保險平台，比較Starr、FWD和MSIG等不同計劃，經我們購買旅遊保險更可享超荀優惠！
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【旅遊攻略】畢業生必睇！ Grad Trip 終極窮遊秘笈 appeared first on 理財資訊.