大家有冇發覺，響抽居屋、抽新股、比訂金、比按金、抽籤嘅時候，都要連埋支票同申請表一齊遞交。不過，現今支付方式五花百門，信用卡已成為主流，仲有得比較邊張卡最多優惠，甚至電話都可以比錢，究竟點解仲要用支票？支票同本票又有咩分別？Moneyhero.com.hk 為你一一解答。
支票 (cheque 或者美式串法 check)，比人一種好古老、好Old School、平時唔多用嘅感覺。通常去銀行開個綜合戶口時會出一本支票簿俾你，但係幾年來都未必用得到兩三張；但做生意買賣，又走唔甩要用支票；用果陣又麻麻煩煩要排隊去搵櫃位或者搵機，十分唔方便。
支票有多重法律保障
支票作為銀行嘅票據，其實除咗俾錢之外亦有啲特別嘅功能──因為佢係實體中嘅實體，要有張紙質票、有人寫字簽名、有注明日期、銀行確認過戶時先後要對兩次有無錯漏，所以佢亦響某程度上，對收款人同付款人雙方都有好多重保障。有起事上嚟要對簿公堂，張票嘅簽發、出示、交易紀錄，甚至寫票嘅字跡就成為呈堂證據。所以，好多時一啲金額唔細嘅數，尤其係做生意貿易嘅買賣咁，就會比較偏好用支票找數。
而且，支票有核實身份之功能，好似響唔少證券商開投資戶口時，如果選用郵寄方式開戶，就可以用戶口持有人發嘅支票，代替親身上去由證人見證簽名嘅程序。因為個簽名係銀行開戶口時，已經有銀行職員去證明係你本人簽第一個支票戶口，從而證明係你本人開戶。
延伸閱讀︰致富要訣：不可或缺的4種-銀行戶口
支票上面除咗簽名銀碼之外，有一樣好重要嘅嘢，就係日期。
收本票安全過收支票
對於平民百姓嚟講，比較常接觸到嘅銀行票據除咗支票外，亦有一種叫本票嘅東西。
本票，英文係Cashier’s cheque，係付款人先將錢交付銀行，再由銀行代付款人簽發嘅一種票據，好多時係用響汽車、樓宇按揭買賣呢啲大金額嘅交易。同時，對一啲無開到支票往來戶口嘅人嚟講，本票亦都有支票同樣嘅付款功能。即係只有儲蓄戶口，10年都唔駛開張票嘅人，響分行排隊「買」張本票，會方便過開支票戶口。
對收款人嚟講，支票有彈票(bounce)風險，即係因為唔夠錢或者其他問題而俾銀行拒付，收唔到錢機會比較高。而本票就係銀行收先咗付款人錢先至簽發，票面嘅金額就由銀行個戶口俾出嚟而唔係付款人個戶口俾，所以收款人收本票時會知道一定收得到錢。當然，銀行亦會「係咁易」收返多少服務費，我哋用下面個表歸納咗一啲銀行開本票嘅收費比較，部份銀行會同其他服務一樣，按戶口資產等級去提供優惠。
主要銀行本票手續費比較
| 現有客戶 | 非客戶 | |
| 匯豐 | $50 | – |
| 恆生 | $50 | – |
| 渣打 | $50(一般客戶)／ $30(優先理財及渣打Visa Infinite卡客戶)，$25(2017年6月19日起) |
$50 |
| 中銀 | $50 | |
| 東亞 | $50 | – |
| 星展 | $60(一般客戶)／ $30(DBS Account客戶)／ 免費(星展豐盛理財客戶) |
$60 |
| 工銀亞洲 | $50 | $100 |
| 建行亞洲 | $50(一般客戶)／ $25(「智選盈商」客戶、「智選理財」)／ 免費(「貴賓晉裕」客戶、「貴賓理財」客戶、「尊尚盈商」客戶、「樂年理財」客戶、「僱主支薪自動轉賬」客戶) |
$100 |
主要銀行支票退票手續費比較
| 支票止付* | 退票 | |
| 匯豐 | $100(實體支票) $100(電子支票，經分行) 免費(電子支票，經網上理財) |
$150(結餘不足) $50(其他原因) |
| 恆生 | $100(實體支票) 免費(電子支票) |
$150(結餘不足) $70(其他原因) |
| 渣打 | $90／ $100(2017年6月19日起) |
$150(結餘不足) $100(其他原因) |
| 中銀 | $100 | $150(結餘不足) $50(其他原因) |
| 東亞 | $100 | $150(結餘不足) $100(其他原因) |
| 星展 | $100(經分行)／ $50(經網上理財)／ $30(經電話理財) |
$150(結餘不足) $100(其他原因) |
| 工銀亞洲 | $100(經分行)／ $70(經網上理財) |
$150(結餘不足) $70(其他原因) |
| 建行亞洲 | $100 | $150(結餘不足) $75(其他原因) |
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【開票二三事】抽 居屋 點解仲要用支票？ appeared first on 理財資訊.