【家居寬頻】光纖入屋寬頻上網價錢比較！（2019年12月價錢更新）

光纖入屋寬頻上網價錢比較

如果你家中寬頻上網服務到期，好多時你會發現，無論係什麼服務供應商，即使你係舊客戶，如果自動續約，價錢都可能畀新客戶更貴！好多服務供應商係看準舊客戶唔想煩嘅心理，加上寬頻上網又海鮮價，資訊不透明令好多朋友都嫌太麻煩，續約算數！不過，上網幾乎成為家中必須品，不如等MoneyHero幫你比較各大供應商嘅上網價錢，等你可以做個精明消費者啦！（2019年12月更新資料）

（由於各公司的收費不定期更新，若大家發現資料已有不同，歡迎到本網Facebook專頁提供資料）

其他繳費信用卡攻略：水電煤 / 電話費 / 寬頻費用 / 學費 / 保費 / 管理費 / 交租

各大寬頻公司參考收費

其實大家對寬頻公司都有一定刻板印象啦：Netvigator網上行最快但最貴、香港寬頻性價比OK、有線寬頻就…….但其實無謂用刻板印象評定喇，等我哋幫你比較佢哋嘅服務價錢啦。

我哋今次挑選比較服務嘅條件，就係新用戶、1000M光纖入屋、簽約24個月嘅價錢！（資料只供參考，實際收費及優惠由供應商決定。）

（請左右滑動表格查看更多詳情）

各大寬頻公司參考收費（24個月合約）
寛頻電訊商公司	中國移動（CMHK）	香港寛頻（HKBN）	有線寛頻	HGC	SmarTone	網上行
網速	1000M	1000M	1000M *	1G	1000M	1000M
私人樓宇（參考價錢）	HK$108 （優惠期至2019年12月31日）	HK$238	HK$128	HK$189	HK$118 （需於2019年12月15日前完成安裝）	$228
公屋（參考價錢）	HK$108 （優惠期至2019年12月31日）	HK$198	HK$98	HK$188	平均HK$118 （需於2019年12月15日前完成安裝）	$198
安裝費	豁免	HK$680 公屋用戶可豁免安裝費	HK$300 – HK$3,500	HK$680（非光纖入屋用戶） HK$1,500（光纖入屋用戶）	豁免	$680（私人樓宇） $480（公屋）
免費附加服務／禮品	2020年11月30日前成功安裝，可免費獲贈30,000 MyLink積分成功登記免費獲贈智能路由器乙部每月平均加$28 即享家居電話	送WIFI 蛋 12 日服務（價值HK$336）首10個月可享每月HK$50月費折扣公屋用戶可享豁免12個月月費私人樓宇用戶可享迎新禮品3選1	$200月費回贈（只限私人樓宇用戶）	公屋用戶送HGCmore HK$500電子優惠券送100分鐘hgc on air 屋外Wi-Fi服務	私人樓宇用戶可享HK$2,160月費回贈。公屋用戶可享$1,440月費回贈	Netvigator Shield + Norton Security + 網上登記迎新優惠任選一種： 1. 《限時優惠》豁免寬頻服務安裝/啟動費 2. origo 智能移動浴室暖風寶 FH-B2018 (建議零售價HK$ 1,298) 3. origo健康免油空氣炸鍋 AF-132 (建議零售價HK$ 1,480) 4. 500 Club積分 5. HK$100超市現金券
* 有線寬頻於部份屋苑只提供200M的寬頻服務，並只提供36個月合約
製表：MoneyHero

雖然大家可以透過信用卡自動轉賬繳交寬頻上網費用，但並非所有信用卡都有回贈或積分。咁究竟邊張卡交寬頻上網費最著數？

精選自動轉賬信用卡

Citi Cash Back Card：迎新送HK$1,300超市禮券

更多信用卡詳情

信用卡特點
– 外幣簽賬、本地食肆及酒店簽賬：2%回贈
– 本地簽賬、八達通自動增值及自動轉賬繳費：1%回贈

精選迎新優惠
– 簽賬滿HK$10,000：HK$1,000現金回贈／HK$800超市禮券／HK$700 SOGO現金券／香港文華東方酒店雙人下午茶

MoneyHero獨家優惠
限時優惠期內，經本網申請再送你額外HK$500超市禮券！

Citi Prestige 信用卡：本地簽賬HK$6/里

更多信用卡詳情

信用卡特點
– 本地簽賬HK$6/里；外幣簽賬HK$4/里
– 享用LoungeKey環球機場貴賓室服務
– 額外30%年資獎賞，即每年多送高達30%可換里數的積分
– 任何酒店第四晚免費住宿優惠

迎新優惠
– 支付首年年費HK$3,800即可獲240,000積分，即20,000里數

MoneyHero獨家優惠
限時優惠期內，經本網申請再送你額外HK$300超市禮券！

相關文章︰【信用卡繳費】交水電煤費都儲到飛行里數？

申請寬頻小知識：

講完價錢，不如又講下一啲申請寬頻要注意嘅小知識。我諗大家都試過，覺得俾寬頻公司呃咗咁：明明話係100M，做乜到要上下載嘢嘅時候，每秒又係得個一千幾百K？等我哋首先幫你搞清楚幾個寬頻上網觀念先啦：

1）乜嘢係光纖上網？

過去我哋嘅寬頻上網，係使用銅線作為傳送資料嘅媒介，傳輸率相對比較低。而近年我哋開始多用咗傳輸率較高嘅光纖上網。光纖其實係由玻璃同塑料製成，成本平得嚟功率又高，最高速理論上可達10G或以上，所以光纖就開始取代咗銅線，成為主要嘅上網連網技術喇。目前市面有提供的光纖上網，速度慢至1M，快至10G都有，當然價錢會有所不同。

2) 街站申請同網上申請，價錢都唔同？

網上申請上網服務，當然比較方便，但其實部份嘅寬頻服務，你係街站申請，價錢都會比較平，根據消委會最新嘅調查，網上行、香港寬頻、有線寬頻及3，於街站申請都有機會較平，但實際情況就要睇你係住咩地區喇。

3）公屋同私樓唔同價錢？

對，同一服務，同一公司，公屋同私樓用戶價錢都不同。除咗公、私樓嘅分別，不同區份亦會有不同的優惠價。此外，部分村屋最近亦開始有光纖入屋服務，但好多時都要俾較高嘅價錢，甚至要俾額外嘅安裝費。

4）光纖入屋定入機房？

另外一個影響網速嘅就係光纖到底係入屋定只係到機房喇。如果係FTTB（Fiber-to-the-Building），即係話光纖只係到你座大廈嘅機房，而由機房到你個住宅單位只係用銅線，代表你要同全大廈用同一寬頻公司嘅人Share速度，速度上非常冇保障。而FTTH（Fiber-to-the-Home）就即係光纖直接入到你所在嘅住宅單位，確保咗你嘅上網速度。

5）上載同下載速度其實不同

當你申請寬頻時，Sales其實係話你聽兩個速度，下載速度一般比上載快，例如當佢話「500M/100M」嘅時候，就代表下載速度係500M，上載速度就係100M。

6）你的電腦會影響上網速度

你所用的電腦設備，包括數據器同Router亦會對速度有影響。有啲寬頻公司提供速度保證計劃嘅時候，都有限制你電腦嘅規格。

7）點先係真正速度？

好喇，重點係，其實就算係500M下載，唔代表你可以1秒內下載500MB嘅檔案，因為佢哋用嘅單位係不同的！寬頻公司口中嘅500M，其實係指網速，而佢哋用嘅單位係bit（位元），而唔係Byte（位元組）。8 bit先等於1 Byte，而我哋平時嘅電腦檔案大小，係用Byte做單位。所以對電腦嚟講，理論上，你要將網速（例如500M）除以8，先係真正速度。

咁你就將500M除以8=62.5M，係唔係就係每秒最高嘅下載速度？又唔係喎，因為係高速傳輸中，傳送1 Byte，就需要傳10 bit，其中2 bit用來做檢查碼。

好複雜？簡單啲講，將寬頻公司聲稱嘅速度除以10，就大約係你電腦最快嘅下載速度。例如佢話有500M下載速度，咁你每秒可下載嘅檔案，最大就有約50MB。咁算唔算快呢？其實都係睇你點用法啦。