講起買車，你嘅即時反應可能係︰「買架車咁鬼貴，咪攪我啦！」。如果話俾你知，依家只要每個月俾幾千蚊，就可以擁有一部全新車，唔知你又會唔會改觀，有衝動即刻出車呢？可能你會問，幾千蚊個月係咪日本或者韓國品牌嘅K Car 咋？邊有咁大隻蛤乸隨街跳？我可以答你，只要3,000幾蚊就可以揸走一部全新嘅Benz！
香港地生活逼人，打工仔日日做足十幾個鐘都係等閒事。放工之後，坐巴士無位又要企，坐港鐵又驚坐關愛座比人放上網公審。唔想咁辛苦，買番架車做車主，每日慳番啲交通時間，假期又可以同親朋戚友四圍兜吓風，何樂而不為？
Benz A Class 月供3,390蚊
MoneyHero.com.hk 今次要講嘅就係早前Benz推出嘅「Agility星智選」財務計劃。呢個計劃有咩咁犀利呢？就係你只需要付出車價嘅一部分，就可以成為全新Benz嘅車主，供款為期3年，3年之後有3個方案比你揀。以入門級嘅A180為例，售價259,000蚊，你只要拎車價嘅15%，即係38,850蚊作為首期，係呢個計劃之下，每月供款低至3,390蚊，就可以揸走一部全新嘅A Class Benz。
如果嫌A180唔夠辣，可以考慮性能更佳嘅A250，車價409,000蚊，以10％首期計，月供都只係6,318蚊啫。正如頭先所講，架車供完3年之後，代理會提供3個選擇俾車主：(一)將架車歸還俾代理，大家無拖無欠；(二)比番車價尾數（即保證車價）繼續揸，可以一筆過俾或者上會分期都得；(三)經二手市場賣咗架車或同代理Trade In，再以同一計劃升級新車。不過保證車價都有條件嘅，就係架車嘅行車里數喺頭3年係唔可以超過45,000公里。如果超過呢個最高里數限制都唔洗太擔心，每公里都係喺保證車價度扣番3蚊啫。
比較一吓，以代理提供嘅傳統分期方案計算，購買Benz A180，同樣先俾15％首期，分36期供款，每月就要俾6,666蚊；即使分60期供款，每月都要俾4,266蚊。由此可見，「Agility星智選」計劃的確減低咗車主嘅每月供款金額，亦都比較靈活。
BMW 1系辣跑月供6,000蚊有找
如果唔鐘意BENZ，BMW都有名為「BMW Circle」嘅財務方案比大家選擇。呢個方案之前我地有篇文︰月供幾千，可以買到最新BMW？都有介紹過，不過條款都有些少更新咗。經小編日前查詢，方案要先俾車價嘅10%首期，再分2至4年供車價嘅45至55%。以備受熱捧嘅寶馬1系為例，跑味十足嘅125iA M Sport Edition售價429,000蚊，以10%首期計算，使用「BMW Circle」分36個月供車價嘅50%，每月都係大約5,600蚊啫。同Benz 類似，代理會係供款期後向車主提供3個方案，包括(一)一筆過俾清尾數繼續揸；(二)同代理Trade in 新款的BMW；(三)代理為你設計適合嘅供款方案，去清埋條尾數。
出免稅Tesla要快手
若然兩大德國汽車老字號都唔啱你心水，而budget又許可嘅話，潮得黎High Tech，又夠環保嘅Tesla都係好選擇。由於電動車牌費係基於部車嘅重量去釐定，以車重2,108 kg嘅Tesla Model S 85 為例，每年牌費只係915蚊，比性能相約嘅汽油車每年牌費慳超過8,000銀有多，加上唔洗入油，小數怕長計，其實揸Tesla 都真係慳唔少。Tesla都有類似嘅供款方案，名為「尊尚租賃計劃」（TVLP)。TVLP 都係希望減低買家嘅每月供款額，會將大約50%至55%嘅車價安排喺頭36個月分期支付，3年後買家先至一筆過或透過財務安排俾埋剩低嘅車價尾數。
小編俾多個溫韾提示大家，如果想買Tesla嘅話，就要快手啲啦，因為政府喺今年初宣佈由今年4月1 日起，取消電動車嘅首次登記稅豁免，呢個修訂令Tesla嘅稅後零售價貴左成倍。不過代理都因事制宜，趕喺今年3月底之前率先為一批現貨登記出牌，令買家可以「避過」重稅。小編係6月27日向Tesla 查詢過，Model X 嘅現貨經已沽清，而Model S 就仲有少量現貨，當中以高性能嘅P100D 為主，售價約120萬。呢批現貨賣完之後，新嘅稅後售價就會高成一倍。以Model S P100D為例，新價要超過200萬㗎。
買二手車可考慮私人貸款
如果你心怡嘅車款唔係太貴，或者係想買二手車，除左以上介紹嘅新車財務方案之外，其實以私人貸款或信用卡現金分期買車都係一個好選擇，利息支出一般都會低過經車行上會，亦都唔洗受到被扣起牌簿同強制購買全保等嘅上會限制，更有彈性。
市面上有好多唔同嘅私人貸款、汽車貸款同信用卡現金分期計劃，大家可以前往我地Moneyhero.com.hk 嘅私人貸款比較平台睇睇，按自己嘅需要、收入同供款能力揀番合適嘅財務方案，而家仲可以睇到各大銀行例如Citibank、DBS同財務公司CashingPro、UA亞洲聯合財務嘅貸款批核機會，真正做到既方便，又經濟咁出車啦！
買車財務方案比較
| 低額月供方案* | 私人貸款 /
信用卡分期 |
車行上會 | |
| 優勢 | 頭幾年先供一部分車價，令每月供款額大減，部分計劃接受「0首期」出車 | 市面上選擇較多，可按個人需要提取所需金額及選擇還款期 | 可於選購車輛時委托車行一併處理，手續簡便 |
| 限制 |
回購或Trade In 限制條款較多，頭幾年供款完成後仍要處理車價尾數 |
因屬無抵押貸款，批核金額及利率會按收入或信用卡授信額度等個人財務背景而定 |
一般利息支出較高，須被扣起牌簿及強制購買汽車全保 |
*低額月供方案為近年汽車代理推出的嶄新財務方案，
相關文章︰低息一定抵？睇「實際年利率（APR）」最實際！
–
想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！
The post 汽車貸款 攻略：月供$3000揸Benz appeared first on 理財資訊.