暑假接近尾聲，乾爽嘅秋天就快到啦！秋天係賞 紅葉 嘅季節，四季分明嘅日本，理所當然成為我哋嘅賞楓勝地！而日本國家旅遊局早前已推出左今年初步嘅紅葉預測圖，讓賞楓旅客做好準備。準備前往日本嘅你，MoneyHero.com.hk為你介紹2016日本各地，包括東京、京都、北海道、名古屋、青森等嘅賞楓好去處！
北海道
北海道本身以自然景色聞名，秋季為大地添上火紅嘅顏色，更令人為之驚嘆！北海道賞楓最佳時間大約係9月中旬至10月下旬，係日本最早盛放紅葉嘅地區。
定山溪溫泉
定山溪溫泉係札幌著名嘅賞楓勝地，附近有唔少溫泉，與紅葉互相映襯。一邊浸溫泉，一邊觀賞紅葉美景，簡直係人生一大樂事！
觀賞期：10月上旬〜10月下旬
層雲峽紅葉谷
紅葉谷係較少遊客知道嘅賞楓秘境，距離著名嘅溫泉街只有5分鐘路程。園內步道被楓樹環抱，沿途還可欣賞遠處山巒上嘅奇石，步行不足1公里即可到達終點紅葉瀑布。
觀賞期：9月中旬 ～ 10 月上旬
（溫馨提示：計劃旅遊假期，記得要買旅遊保險！即上我們的比較平台選擇最適合你嘅旅遊保險！有Allied World、FWD同MSIG等不同計劃俾你揀，經我哋買仲有優惠添！）
東北地區
日本東北地區包括青森縣、秋田縣、岩手縣、宮城縣等，紅葉期約為10月中旬至11月上旬，比北海道稍遲。
青森八甲田山
東北地區最著名嘅賞楓景點，莫過於青森嘅八甲田山。喺呢度，你可以乘搭纜車，360度欣賞遼闊嘅紅葉美景。由於山上高低差嘅關係，你會見到有紅、黃、綠三色，日本人稱之為「三段染」。
觀賞期：9月下旬～10月上旬
東京
東京地區嘅賞楓期大約係11月上旬至12月上旬，不過東京嘅銀杏比紅葉更出名！嚟緊11月去東京嘅朋友，不妨去市區賞銀杏，再去鄰近地區（如日光、箱根等）賞紅葉。
明治神宮外苑
呢條位於青山通至明治神宮外苑之間嘅大道，係東京No.1 人氣賞「杏」地點！300米嘅大道共有146棵銀杏樹，猶如一條金色隧道，唯美而不失現代感。由於深秋時分會特別多遊客，所以最好早啲或夜啲去。
觀賞期：11月中旬～12月上旬
箱根 早川橋樑
距離東京只有90分鐘車程嘅箱根，係關東地區嘅紅葉名所，呢度最大特色係可以搭鐵路賞楓。箱根嘅早川橋樑，係日本最古老嘅鐵道橋，列車經過時會停在橋上數秒，讓旅客欣賞紅葉與溪谷，非常夢幻。
觀賞期：10月下旬～11月中旬
（相關閱讀：邊張信用卡可入 機場貴賓室 ？）
京都
近年極受遊客歡迎嘅京都，係一個古色古香嘅賞楓勝地，別具日本風情。相比起其他地區，當地嘅紅葉較遲轉色，最佳觀賞期為11月中旬至12月上旬。
永觀堂禪林寺
永觀堂佔地廣闊，寺內楓樹多達3,000棵，每棵樹都擁有唔同嘅姿態同顏色，交疊時形成一幅美麗而優雅嘅畫面。如果在京都嘅時間緊逼，呢度係你嘅必然首選。
觀賞期：11月中旬～12月上旬
常寂光寺
位於京都嵐山嘅常寂光寺，係一個依山而建嘅小寺廟。山道旁邊種滿交錯嘅楓樹，一到深秋，無處不被紅葉包圍，令人印象難忘。
觀賞期：11月中旬～12月上旬
名古屋
名古屋係日本中部嘅主要交通樞紐。雖然市內並唔係賞楓勝地，但附近地區嘅紅葉靚景堪稱一絕。中部地區嘅紅葉期大約係11月中旬至12月上旬。
愛知縣香嵐溪
香嵐溪位於名古屋郊區，係日本名列前茅嘅賞楓名所。溪水兩岸嘅楓樹共約4千棵，楓葉映照在溪流上，將水面映照成明艷嘅紅色。到咗夜晚有燈光投射，更為浪漫！
觀賞期：11月中旬～12月上旬
想自己搵下心水度假酒店？即睇：10大 平價機票 酒店網2016
——
延伸閱讀：旅遊必備：全港最平 Wifi蛋 租借攻略
延伸閱讀：外遊遇 恐襲 ，旅遊保險保唔保？
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【 紅葉 預報】2016日本賞楓景點推介 appeared first on 理財資訊.