人民幣在今年年初止跌回穩，香港多家銀行亦開始變陣，吸引客戶選擇人民幣定期存款，部分甚至重現4厘高息。如果你正考慮做人仔定存賺息，就要諗清楚而家究竟係咪好時機？如果真係做人仔定期，又以邊間銀行嘅人仔定存最抵呢？MoneyHero.com.hk比較了多家銀行的人民幣定存利息同優惠，幫你作出更明智嘅選擇。（2017年6月更新）
| 銀行 | 3個月存期 | 6個月存期 | 1年存期 | 起存金額（人民幣） | 新資金 | 優惠／備註 |
| 永隆銀行 | 3.70% | 3.90% | 4.10% | 100,000 | 不需 | |
| 永隆銀行 | 3.65% | 3.85% | 4.05% | 10,000 | 不需 | |
| 上海商業銀行 | 2.10% | 2.20% | 2.20% | 100,000 | 不需 | |
| 渣打銀行 | 3.20% | 3.50% | 3.80% | 100,000 | 需要 | |
| 大新銀行 | 3.70% | 3.70% | 3.90% | 100,000 | 需要 | 只適用於大新VIP銀行服務客戶 |
| 大新銀行 | 3.60% | 3.80% | 3.80% | 20,000 | 需要 | |
| 交通銀行 | ／ | 3.68% | ／ | 20,000 | 需要 | 只適用於通達理財客戶，交銀理財客戶則可享3.53%利率。 |
| 中銀香港 | 3.40% | 3.70% | 3.80% | 20,000 | 不需 | 只適用於選用「綜合理財服務」的個人銀行客戶 |
| 華僑永亨銀行 | 2.90% | ／ | ／ | 20,000 | 不需 | 適用於個人及商業客戶 |
| 大眾銀行 | 2.80% | 2.90% | 3.00% | 10,000 | 不需 | |
| 富邦銀行 | 4% | 100,000 | 需要 | 優惠期至2017年7月31日 |
短期定存富邦勝 息率高達4%
大部分銀行嘅3個月期定存息都徘徊在3厘水平，不過富邦銀行就提供4%息率，但客戶至少要存入10萬元人民幣至可享此優惠，而優惠期亦只至2017年7月31日。而半年人仔定存利息就以永隆銀行嘅3.9厘最高，其次係大新銀行及中銀香港提供嘅3.7%息率，而中銀香港起存金額僅為2萬元人民幣。至於12個月長期定存，如果你存款達10萬人民幣，永隆銀行提供4.1%息率；大新銀行就有3.9%息率，但就只適用於大新VIP銀行服務客戶。
如果你冇咁多資金在手，可以考慮大眾或永隆銀行，起存金額只係1萬元 人民幣 。如果做半年或1年定存，利息有2.9%-3.85%。不過，要留意嘅係唔少銀行只係喺使用指定理財服務嘅客戶提供優惠息率，一般市民未必能受惠。
人民幣有匯率風險 隨時賺息蝕匯價
近期銀行調高咗人民幣存款利息，不過上人民幣受制於匯率風險，他日將人民幣兌換番做港幣或其他外幣時，可能會因為人民幣匯率變動而蠶食大部分利息回報，最終賺息蝕匯，大家投資前最好衡量好風險至好沾手。
想了解更多銀行產品的資訊，例如信用卡、按揭、保險或投資貸款優惠，請即進入我們的比較平台。
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 人民幣 定期存款 利息優惠大比併（2017年6月） appeared first on 理財資訊.