香港人一年四季都要去曼谷，皆因無論食、玩、買都絕對平、靚、正！搭完飛機，由機場點樣出市區最抵？玩完一輪，拎住一堆二堆戰利品點樣去機場最方便？MoneyHero今次幫你羅列出最齊嘅 曼谷機場交通 方法！
蘇凡納布機場交通（BKK）
如果你乘搭國泰航空(Cathay Pacific Airways)、香港航空(Hong Kong Airlines)、泰國國際航空(Thai Airways)、阿聯酋航空(Emirates)等等，就會飛去蘇凡納布機場(Suvarnabhumi Airport, BKK)，即係較新嘅機場。你可以透過以下兩個途徑往返機場︰
1.City Line
如果同伴唔算多，大家都係後生仔的話，坐City Line出機場就最Fit喇！皆因車費平，而且買飛、搵車站同轉駁BTS / MRT都唔難。缺點係全條線停7個站，上落車嘅人都比較多，如果多行李或者攜老扶幼可能會覺得比較逼，另外要一路扶住個喼都幾麻煩。
City Line資料：
頭班車(由機場開出)：平日 05:56 ，星期六日及公眾假期 06:02
尾班車(由機場開出)：平日 12:02，星期六日及公眾假期 12:02
車費：全程45泰銖
City Line位置：機場B1/F(附近有少量食肆及找換店)
平日約12分鐘一班，星期六日及公眾假期約15分鐘一班，由機場站至Phayathai BTS站車程約30分鐘。
2.包車
而家市面上都有唔同嘅旅遊網站提供包車出市區服務，適合一家大小 / 凌晨機人士使用。優點係完全唔洗轉車直達酒店，仲唔洗搵路添！以麵包車型為例（可乘坐9至10人+超過5件行李），由機場出市區經Klook或者KKday訂都係$300有找，除番開隨時平過搭City Line，一出到大堂就會見到搭車counter，好方便！
溫馨提示：旅遊保險
買完機票即刻買埋旅遊保險，咁先享受到最全面嘅保障！MoneyHero提供一站式旅遊保險比較平台，只需3分鐘就可幫你比較同立即購買旅遊保險，保單馬上生效，現時經我哋買指定旅遊保險仲有低至7折優惠添！
咪以為邊度買旅遊保險都一樣，淨係保障範圍已經大有不同，等我哋幫你分析經ATM買、買機票時Click個掣買、直接上旅保公司的官網買等唔同途徑有咩分別：比較香港10大買旅遊保途徑優劣
廊曼國際機場（DMK）
如果你係乘搭香港快運(HK Express)或亞洲航空(Air Asia)，就要留心到達機場將會係廊曼國際機場(Don Mueang International Airport, DMK)，亦即係曼谷舊機場，千祈唔好搞錯啊。你可以透過以下3個途徑往返機場︰
1.機場巴士+BTS
喺機場出口旁邊嘅第6月台，乘搭A1號巴士就可以去到BTS Mo Chit站 / MRT ChatuChak站。
A1號巴士資料：
頭班車：07:00
尾班車：24:00
車費：單程30泰銖
每5分鐘一班車，由機場到市區約20至30分鐘車程。巴士為單層設計，前排較為寬敞，適合攜帶大型行李人士，如想直達Siam區附近可選乘A3路線(每半小時一班)。
2.的士
如果唔想轉嚟轉去咁麻煩，由廊曼國際機場出市區嘅的士車費約200至300泰銖，都可以坐到3至4個人，但有可能遇上塞車，到時價錢就可能較貴。
3.火車
想特別少少嘅可以試下搭火車，車費係10泰銖，直達華藍蓬火車站(Hua Lamphong Station)，然後再轉乘相連嘅MRT入市區，6個站就可以到Sukhumvit站。不過火車衛生程度會遜色少少，而且車程都要約1個鐘，心急想入市區嘅就唔太建議喇。
相關閱讀：【泰國交通】Grab 好唔好？自由行必備3大Call車App
相關閱讀：【旅遊上網必備】4大熱門泰國SIM卡大比拼
相關閱讀：海外簽賬信用卡大比拼
想了解更多不同旅遊保險的優惠？即刻上我哋嘅比較平台。
想知道最新嘅理財貼士，就要留意 MoneyHero Blog，同埋緊貼我哋嘅 Facebook Page！
去旅行梗係要帶張海外簽賬必備信用卡，邊簽賬邊賺回贈，話咁快又可以再飛！
外幣簽賬信用卡之選
即上我們的比較平台，比較市面上最佳外幣簽賬必備信用卡：
經本網成功申請指定信用卡仲可以獲得額外獎賞現金券，詳情請按此。
The post 【 曼谷機場交通 】BKK / DMK機場出市區交通懶人包 appeared first on 理財資訊.