好多情侶雖然無時無刻都想見到對方，不過日日去拍拖，個荷包都幾傷！但成日留喺屋企又會好快冇晒新鮮感。其實拍拖唔一定要使好多錢，香港都有好多 拍拖好去處 架。即刻睇下MoneyHero.com.hk為大家推介嘅低消費拍拖方法啦！我哋仲會不時更新資料。（2017年8月更新）
1）期間限定活動
【九龍】海港城︰8月限定泡泡Show
泡泡總比人夢幻浪漫嘅感覺，8月行街拍拖行到海港城就岩喇！日本藝術家大卷伸嗣將千萬泡泡快閃裝置藝術引入香港港，呢個活動會於海港城海運大廈露天廣場中央舉行，廣場設置共 6 層、高 3 米的泡泡金字塔，並置有 45 部泡泡機，從不同方向及角度發放繽紛泡泡，每場發放時間約 15 至 20 分鐘，數量多達 1,000 萬個，非常震撼。
日期︰8月2日至20日（星期五至星期日）
地點︰海港城海運大廈露天廣場
費用︰免費入場
【香港島】淺水灣The Pulse 商場：Endless Summer Ice-Cream Festival
商場唔一定一式一樣，情侶行厭咗市區商場，不妨考慮吓淺水灣呢個海邊商場。今年7月中到8月尾，The Pulse 搞咗個大型雪糕節，場內有個小游泳池，裝滿雪糕，絕對係女朋友IG 打卡呃Like聖地。每隔周末夜晚（8月5、6、19、20日，8點半至10點半），仲會播放以夢想作主題嘅電影，頭30位進場觀眾更可以免費獲得一杯象徵夢與想的獨角獸「夢想味」雪糕架。
日期: 7月15日及8月31日
時間:10am – 10pm
地點: 淺水灣海灘道28號the pulse商場
費用︰全免
【新界】免費睇10,000棵向日葵花田
未儲夠錢去日本北海道睇向日葵花田？唔緊要，香港都有個好浪漫嘅向日葵花田，搭Van 仔就去到！雖然園主唔收錢，俾香港人免費賞花影相打卡，但大家去到記住小心唔好踩到啲花
日期︰今年夏天
地點︰元朗新田信芯園
交通︰上水往元朗紅Van小巴，新田文天祥公園附近落車
費用︰免費
2）享受戶外樂趣
拍拖輕鬆行山景點：無敵夜景嘉頓山
一講到行山，平時冇咩做運動嘅另一半實會耍手擰頭，但其實香港有座山，唔使行一個鐘就可以到達山頂，仲飽覽九龍夜景，呢座山叫嘉頓山！而且，交通十分方便，只需喺深水埗港鐵站行10分鐘就到山腳。
建議路線：首先搭港鐵到深水埗站D出口，再向石峽尾方向行10分鐘左右，你就會見到嘉頓麵包廠，之後你會望到美荷樓旁邊有座山。沿住樓梯一路向上行幾個字已經有得小休同睇景，想睇到更全面嘅九龍全景就要行多幾個字，好快就會去到山頂，適合比較少做運動嘅情侶。
世外桃源：英式山頂花園 拍拖野餐勝地
唔好再話去歐洲先有靚地方Chill喇！比較鮮為人知嘅前港督別墅「後花園」就好似世外桃源，令你樂而忘返。擁有濃烈英式風格、古老維多利亞式建築嘅山頂公園，景觀十分開揚，入面有大草坪、維多利亞式涼亭、小山丘、水池，寧靜宜人嘅環境好適合情侶拍拖。鋪張野餐布、拎住本書、曬下陽光，寫意嘅生活有時就係簡簡單單。
建議路線：由山頂凌霄閣出發，沿著柯士甸山道（山頂餐廳旁）往上行，中途見到柯士甸遊樂場，繼續一直走就會見到藍白色守衛室，再行前多幾步，就到呢個世外桃源！
秘密日落觀賞點：屯門石仔灣碼頭
唔講唔知，原來屯門可以睇到咁靚嘅日落，剩係睇相都覺得好浪漫！呢個地方叫「石仔灣」，位於馬灣旁邊，係香港僅存嘅舊式漁村，嗰度有一連串嘅漁排及木橋碼頭，可一覽屯門公路以及西面海岸，係完美嘅日落觀賞點！喺度睇日落仲有另一個好處，就係可以遠離煩囂，靜靜咁同另一半享受難得嘅二人世界。
建議路線：由中環或荃灣碼頭乘搭渡輪至珀麗灣碼頭，再步行前往。
3）觀塘工廈一日遊
好多情侶閒時都會一齊行下商場、買下嘢。但你最近係咪覺得商場來來去去都差唔多，行到厭晒？咁不如試下去工廠大廈尋寶吧！
各區工廠大廈都有好多特色小店，好多時都係東一間、西一間咁散落喺唔同地方，而觀塘嘅「怡生工業中心」E座和G座就打通咗一樓全層，盡攬各式店舖，包括露營用品、護膚品、精品雜貨、美甲、樂器、波鞋、韓國貨等，應有盡有，地下仲有特賣場添，加上嗰頭又有好多平靚正餐廳，消磨一日半日時間絕對唔成問題！
4）齊齊潮做文青
最近大熱嘅「文青」風氣直捲香港，想嘗試過一日文青生活，不妨試下帶埋男/女朋友一齊試下坊間手作仔！當中以Art Jamming、整皮工作坊、押花班、咖啡拉花班等等最為受歡迎。如果想搵啲比較價錢合宜嘅班，可以搵下係工廈開嘅班，當中好多都係年青人創業嘅生意仔。講到小編都好想今個周末即刻去Join！
（為另一半安排生日活動？必讀：壽星有著數！2017 生日優惠 大搜羅）
5）煮飯仔
如果你同另一半都鍾意食嘢，一齊煮飯仔就最啱啦！網上有好多簡易食譜，煮一餐見得人嘅飯冇難度！坊間都有啲網頁係幫你執齊晒一道菜需要嘅材料，送上你屋企，等你可以輕輕鬆鬆下廚，但價錢就會比較貴。一齊煮飯仔，製造自己嘅「心血結晶」，絕對增加情趣！不過最好就傾清楚邊個洗碗，唔係煮飯仔就變成嗌交啦！
（成日同另一半出外用餐，必備一張餐飲最佳信用卡，等我哋即刻幫你比較下，即進入餐飲優惠信用卡比較平台。）
6）博物館
一聽到去博物館可能好多人都會覺得好悶。但其實而家博物館都唔係咁死板。香港嘅博物館逢星期三免費入場。例如去科學館就可以喚起好多人嘅童年回憶，同你嘅另一半重拾童真，玩下番梘泡、鏡子迷宮，都可以過一個輕鬆嘅週末。又或者去太空館睇星象電影，當係去左睇星星，都係慳錢嘅好去處。
7）宅在家
其實拍拖最慳錢就係唔出街，而兩個人靜靜地留喺屋企都可以好浪漫。一齊窩喺Sofa睇一齣戲（無論係荷里活大片定係個個星期日都有嘅周星馳），又唔使俾錢買戲飛同爆谷，夠慳！甚至有啲情侶會一齊打機 ，真正係寓娛樂於拍拖。
其實講到尾，好多時去邊都冇謂，重點係同你邊個一齊。就算唔用好多錢，都可以一齊創造美好回憶。MoneyHero.com.hk為你比較咗咁多低消費拍拖熱點，快啲帶你另一半去啦！
（睇戲可以留意︰Netflix VS Amazon Prime Video 歐美煲劇神器大比併，鍾意聽歌就要睇埋︰【聽歌必備】5大香港音樂串流 Apps大比拼(2017年6月更新)
就算真係要消費，最好都係申請張現金回贈信用卡旁身！
1）Citi Cash Back Visa 信用卡
新鮮滾熱辣推出嘅Citi Cash Back Visa信用卡主打餐飲現金回贈，所有本地食肆及酒店簽賬*可獲2%現金回贈。此外，由2017年7月27日起至8月31日，新客戶頭2個月內累積認可簽賬滿HK$15,000或以上，可獲HK$1,200現金回贈。如果是首6,000名成功提交申請的新客戶，更可額外獲得HK$300現金回贈，即合共最高可獲HK$1,500現金回贈。
另外8月31日前經MoneyHero.com.hk申請Citi Cash Back Visa信用卡，成功獲批後仲會獨家送你額外HK$200現金劵！
2）DBS Eminent Card
DBS Eminent Card 呢張卡每HK$250本地零售簽帳，可獲DBS$2.5 （即1%回贈）；每HK$250外幣零售簽賬（包括網上及外地簽帳），可獲DBS$5（即2%回贈），夠抵消外幣簽帳手續費！回贈不設任何最低簽帳要求，亦不設上限。新客戶於2017年8月31日前成功申請DBS Eminent Card，首2個月內所有合資格零售簽賬均回贈，上限$600，（簽滿HK$12,000就可賺晒$600）。
3）美國運通Blue Cash信用卡
Blue Cash係美國運通少有嘅低門檻卡之一 ，年薪只需HK$150,000便申請到。由17年6月1日起，呢張卡所有本地及海外簽賬一律享無上限1.2%現金回贈（以前係1%），最啱鍾意方便同唔想計數嘅人。
Blue Cash信用卡在日常消費方面都有唔少著數，包括百老匯、Palace 及 AMC 戲院電影戲票85折優惠、Pokka Café 6折優惠、牛角日本燒肉專門店7折優惠等等。呢張卡嘅迎新禮物包括︰HK$500 百佳現金券及2張免費電影戲票 (價值HK$230) 。經MoneyHero.com.hk申請尊享額外HK$100惠康超市禮券。
4） WeWa卡
主打吃喝玩樂嘅現金回贈卡，喺旅遊、主題公園、睇戲、唱Ｋ4個類別每簽HK$250即賺HK$10，即等同4%現金回贈！呢張卡專做年青人市場，所以年薪HK$60,000就申請到，而且迎新禮物仲好多元化，可以選擇︰Fitbit ALTA 健身手環 / HK$500現金回贈 / 蔡司VR One Plus虛擬實境頭戴式顯示眼鏡 / 高達HK$90,000免息免手續費現金分期套現計劃 及 8月31日前經MoneyHero.com.hk申請額外享HK$200現金回贈+$100超市禮券。
——
延伸閱讀：香港平靚正 親子活動 好去處 2017
延伸閱讀：嚴選 八達通自動增值 最佳信用卡（2017年7月）
相關文章︰壽星有著數！2017 生日優惠 大搜羅（2017年7月更新）
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 香港平靚正 拍拖好去處 （2017年8月更新） appeared first on 理財資訊.