大熱天時，想安坐家中或Office嘆冷氣叫外賣？有計！前文比較過香港3大送餐App—UberEATS、Foodpanda同Deliveroo嘅介面同功能。隨著外賣App嘅興起，我哋嗌外賣唔再局限於茶記同M記，無論你想食中菜定西餐、大排檔定米芝蓮，甚至黎巴嫩菜，通通都可以送到你Office或屋企門口。到底呢3個Apps可以叫到啲咩獨家美食？即刻睇睇！
Deliveroo 同最多大集團合作
Deliveroo同多間知名飲食集團合作，當中包括不少大家都識嘅老字號，仲有米芝蓮餐廳。大家見到Deliveroo嘅合作餐廳名單，相信都唔會陌生：
揚名海外燒鵝飯：中環鏞記酒家
講起燒鵝，好多人都第一時間諗起鏞記。鏞記燒鵝飯極受本地人及遊客歡迎，而家係Deliveroo獨家合作餐廳，喺金鐘返工都嗌到架！
米芝蓮法國餐廳：ON Dining Kitchen and Lounge
位於中環嘅ON Dining Kitchen and Lounge 主打精緻考究嘅法國菜，榮獲2016-17年度米芝蓮一星餐廳！食法國菜的話相信好多人都Prefer直接去餐廳用餐，欣賞精美擺盤。不過餐廳會於Lunch Time 提供適合外送的Set Lunch Box，盛惠$150，大家不妨試下米芝蓮質素嘅餐盒！
澳門粥麵老字號：黃枝記
始於1946年嘅澳門老字號，香港分店位於銅鑼灣及中環，最經典嘅菜式係廣式竹升麵、粥品及雲吞，幾適合港島返工嘅朋友喺Lunch嗌外賣食。
UberEATS 最多地道餐廳
名牌大路食府分店多，味道可能會比較公式化，想食晏都食到啲地道美食？UberEATS可以幫到你。UberEATS 主打好多本土又貼地嘅餐廳，小編就搵到唔少位於沙田嘅正嘢：
禾輋必食大排檔：陳根記
沙田區嘅朋友應該冇人唔識陳根記！呢間「名牌」大排檔有好多極具風味嘅美食，例如Wasabi手撕雞、椒鹽九肚魚、孜然棒棒骨等等，吸引大量區外人專程前來一試。自陳根記加入UberEATS後，大家喺屋企都可以品嚐到大牌檔的味道了。
紅燒乳鴿始祖：龍華酒店
有冇諗過食燒乳鴒都可以叫外賣？屹立於沙田禾輋長達80年的龍華酒店，被譽為紅燒乳鴿始祖，亦係全港碩果僅存的花園式酒家。龍華酒店的位置其實不算方便，好多人都選擇揸車前往，而家成為咗UberEATS嘅獨家合作夥伴，沙田／火炭嘅朋友就可以嗌外賣喇！
中環地道黎巴嫩菜：Maison Libanaise
黎巴嫩雖然係中東國家，但曾被法國統治。受法國文化薰陶之下，黎巴嫩菜其實偏向用橄欖油、乳酪及香料等健康食材，近年在歐澳都頗受歡迎。因此黎巴嫩菜較貼近港人口味，又別有一番中東風味。
喺香港我哋比較少聽人講話去食黎巴嫩菜，嗌黎巴嫩菜外賣更係新鮮事。想試一試嘅朋友可以用UberEATS嗌下位於中環嘅地道黎巴嫩餐廳Maison Libanaise。
中環人氣越南菜：Chôm Chôm kitchen & bar
呢間位於中環嘅Chôm Chôm大膽地話自己係全香港最好嘅越南餐廳，係咪「最好」其實好就主觀嘅，不過事實係呢間餐廳每晚7點已經Full晒，證明真係好受歡迎！
餐廳菜式源自河內街頭小食，法國藍帶餐飲學院 Le Cordon Bleu 畢業的主廚主張無味精，材料全自家製，質素有保證。餐廳現為UberEATS獨家合作夥伴，嗌上Office做下午茶都唔錯架！
UberEATS除咗同以上特色食肆獨家合作，仲為MoneyHero.com.hk讀者提供獨家優惠，而家全新用戶只要輸入優惠碼︰「MONEYHERO17」，頭果3餐都可以有$20優惠，名額總共有500個，想免送餐費兼食餐好？咁就要快手喇！
foodpanda 最先登陸香港
另一外賣App 「foodpanda」嘅合作餐廳多達500家，當中亦不乏高質食堂：
高質比利時菜：FRITES Belgium on Tap
比利時餐廳FRITES在中環及銅鑼灣都有分店，小編覺得裝修風格好似「霍格華茲」，食物質素更係有口皆碑。 想不到FRITES 亦是foodpanda的合作餐廳，美中不足是餐廳招牌菜—煮青口並不設外賣，不過可以揀另一熱門菜式烤豬手，一份豬手夠3個人食，配啤酒一流。
Hello Kitty 點心大集合：Hello Kitty 中菜軒
唔少女生見到Hello Kitty就心心眼，唔知見到Hello Kitty點心又捨唔捨得食呢？呢間Hello Kitty 中菜軒位於佐敦，用foodpanda仲可以直接送埋上你Office/屋企。
台灣人氣咖啡店：咖啡弄
相信大家都認識呢間來自台灣、早2年經常大排長龍嘅咖啡弄。雖然而家排得冇咁誇張，但仲係經常爆滿的。你可以喺foodpanda Order咖啡弄的部分食品及飲品。對於許多OL而言 ，一份招牌的「總匯三明治」再加一杯咖啡已是不錯的輕盈午餐。
了解咗3個外賣App有咩獨家餐廳之後，係咪心思思想即刻叫嘢食呢？睇埋3個App 嘅介面比較啦！
延伸閱讀︰【UberEATS vs Deliveroo vs foodpanda】香港外賣App介面大比拼
嗌外賣 賺埋信用卡回贈
由於用以上嘅App嗌外賣係要用信用卡線上俾錢，大家如果再想慳多啲，嗌外賣時可以選用一張有網上簽帳優惠嘅信用卡，例如以下呢幾張：
信銀國際Motion信用卡
只需每月作認可簽賬達HK$3,000或以上，其中網上簽賬可賺取高達5%現金回贈，每月之額外現金回贈上限為HK$100
渣打亞洲萬里通萬事達卡
網上簽帳一律享$4=1里數，食肆簽帳、海外簽帳同享$4=1里數，其他零售簽帳則享$6=1里數。
東亞銀行iTitanium卡
網上購物可享3%回贈，前提係當月累積零售簽賬需逹HK$1,800。大學生都申請到。
——
想知道更多慳錢理財資訊，就要留意MoneyHero.com.hk Blog，同埋緊貼我哋嘅Facebook Page！
The post 唔使嗌茶記！香港外賣App獨家美食大搜羅 appeared first on 理財資訊.