信用卡市場蓬勃，各大銀行推出嘅信用卡回贈、優惠、禮品數之不盡，對消費者而言亦相當吸引。睇得多廣告、接觸多咗信用卡，就會感受到佢會哋嘅好處，自然就會有意欲申請信用卡。呢張卡幾好，嗰張卡又幾好，漸漸就會一個人申請幾張信用卡。碌卡嘅時候當然好爽啦，之但係到 交卡數 嘅時候，又會搞到自己頭都大埋。其實唔係怕冇錢找卡數，只係怕付款嘅過程太複雜，冇時間處理啫。今次，就等MoneyHero.com.hk幫大家綜合下信用卡嘅不同還款方法。
1）PPS繳費靈
講到找卡數方法，相信大家第一時間就會諗到PPS繳費靈。無錯，PPS的確簡單易用，各大銀行信用卡嘅賬單繳費都可以透過PPS處理。信用卡客戶只需前往「繳費靈」終端機開設戶口，並登記閣下的信用卡戶口，往後即可以隨時透過音頻電話或者從網上登入，繳付信用卡費用。如想知道詳細申請及使用繳費靈方法，可按此了解更多。
2）自動轉賬
大家對自動轉賬呢個找卡數方法應該一啲都唔陌生。閣下只需要去銀行辦理自動轉賬授權程序，就可以啟動自動轉賬服務，款項會由指定的銀行戶口自動過戶。自動轉賬嘅最大好處就係，唔使怕忘記找卡數，每個月信用卡付款到期日一到，銀行就會自動喺你戶口過數。
3）網上銀行服務
網上銀行服務固然極之方便，但要注意番，並非張張信用卡都用到呢個方法。暫時來講，匯豐信用卡、恒生信用卡、渣打信用卡、星展銀行信用卡以及中銀信用卡嘅卡主，至可以享用網上繳交信用卡費用呢個服務。
4）ATM自動櫃員機
不得不提，ATM自動櫃員機都可以找卡數。不過就並非張張信用卡都得，請細心留意以下分類：
- 美國運通卡：可透過匯豐或恒生銀行的自動櫃員機，從閣下的儲蓄或支票戶口轉賬繳付賬項。
- 匯豐/恒生信用卡：透過匯豐/恒生設於香港的任何一部自動櫃員機從您的戶口轉賬、或存入現金/支票付款。
- 渣打信用卡 / 星展銀行信用卡 / 花旗銀行信用卡 / 中銀信用卡：可透過銀通自動櫃員機，以銀通會員銀行支付信用卡賬項。
- 中銀信用卡：可透過中銀自動櫃員機從閣下的戶口轉賬、或存入現金/支票付款，或從支票戶口轉賬繳付賬項。
- AEON信用卡：不設此服務。
5）支票
有些信用卡用戶喜歡用支票交卡數，記得在支票背面寫上你的信用卡號碼！以下是各卡相關資訊：
- 美國運通卡：將劃線支票連同月結單的結賬部分投入美國運通辦事處的支票收集箱內。抬頭寫「美國運通國際股份有限公司」。
- 匯豐/恒生信用卡：劃線支票抬頭請注明「香港上海匯豐銀行有限公司」/ 「香港恒生銀行有限公司」或「匯豐」/「恒生」。
- 渣打信用卡：支票抬頭寫「渣打銀行（香港）有限公司」。
- 星展銀行信用卡：劃線支票抬頭寫「星展銀行（香港）有限公司」。
- 花旗銀行信用卡：Citibank自動櫃員機 + Citibank「信用卡結賬收集箱」 + 郵遞付賬
- 中銀信用卡：沒有提及以支票繳付詳情
- AEON信用卡：將劃線支票連同付款通知書寄回「九龍尖沙咀彌敦道132號美麗華大廈20樓」，支票抬頭「AEON信貸財務（亞洲）有限公司」。
6）其他
最後想同大家介紹下一啲特別嘅交卡數方法。
- Ａ）找AEON信用卡卡數，原來可於7-Eleven、OK便利店、VanGo便利店、華潤萬家生活超市或華潤萬家便利超市以現金繳付賬項。繳款時請出示印有條碼之付款通知書。
- Ｂ）找中銀信用卡卡數，可以用支付寶：登錄支付寶鏈接，選擇「信用卡還款」業務，通過儲蓄卡快捷支付、儲蓄卡網銀、儲蓄卡卡通等支付方式從他行儲蓄賬戶資金向中國銀行信用卡賬戶免費轉賬還款。甚至乎可以致電銀行轉賬：只要使用閣下名下的中國銀行借記卡、長城信用卡、活期一本通或活期儲蓄賬戶等賬戶向信用卡轉賬還款即可。
——
延伸閱讀：【信用卡攻略】嚴選必備 銀聯信用卡
延伸閱讀：【唔使俾現金】香港5大常用 電子付費
想知道最新嘅理財貼士，就要留意 MoneyHero.com.hk Blog！同埋緊貼我哋嘅 Facebook Page！
The post 【點樣 交卡數 ？】信用卡交費小貼士 appeared first on 理財資訊.