買港股，好多時小股民嘅策略都離唔開投機短炒，或者藍籌收息。前者玩法可能係炒消息、炒政策（尤其係內地企業）或者係睇圖表技術分析；後者就好多時以被動策略，以買重磅「穩陣」嘅藍籌股、恆指成份股收下一年一至四次嘅股息，去跑贏港幣定價存款，然後再希望中長遠個股價有多少增長咁。對於睇中長線嘅股民嚟講，通常佢哋會比較著重「分散投資」，所以今次MoneyHero會講下新興投資工具——ETF 。
傳統分散投資法
1. 買入多種股票
所謂分散投資，有啲傳統投資智慧好似「唔好將所有雞蛋放晒響同一個籃度」，「行業、地域分散投資」講出嚟好好聽亦有道理，但小股民本金有限，一手藍籌都幾萬蚊，究竟要有幾多萬先可以「分散到幾個籃」？所以此方法比較適合有幾十萬股本在手嘅投資者。
2. 買基金
另一方面，金融機構好似有零售投資部門嘅銀行同保險公司，或者係股票經紀行咁，都會有基金產品推薦俾客戶，當中唔少都有標榜「分散投資」，除咗唔同地域嘅股票債券之類、又有貴金屬、商品(礦產、燃料、原料)，夠晒分散喇掛？但係基金產品玩法複雜，而且普遍入場貴高，無論係手續費、管理費同報價唔夠股票咁透明，所以都唔係俾普通人玩。
投資新選擇：ETF （證券所上市基金）
近年，世界出現咗一種新產品──證券所上市基金，Exchange-Traded Fund，簡稱ETF。ETF主要有以下幾大特色：
1. 低入場費 低管理費
基金離不開管理費，響管理費方面，ETF就響個價位度反映咗，收費比率、持股或者追蹤嘅指數可以響ETF嘅發行人嘅網站度查閱及下載。響香港市場上，通常普通指數追蹤嘅ETF收費比率會最低，而就算係特定行業、市場、投資類別嘅ETF，收費比率都唔會高過1%。好多情況之下，一手ETF嘅入場費(最少投資金額)都低於一手恆指藍籌嘅金額。
相關閱讀：【美股ETF投資攻略】想投資新經濟概念？介紹新經濟概念美股ETF
2. 即時報價 具透明度
ETF嘅其中一個好處，係報價透明。佢同正常響交易所上市嘅股票一樣，都可以響你心水嘅財金消息網站獲得即時報價，而唔係好似基金產品咁要收市後慢慢計，今日個價你聽日先知。
3. 即時股市交易 簡單快捷
買賣ETF同買賣股票一樣咁簡單，只要你有一個證劵戶口就可以即時交易。買入ETF，你要俾買股票俾嘅所有費用，即係佣金、交易所徵費果啲，而大部份香港ETF買賣時仲免印花稅添！另外唔少ETF都有派息政策，佢哋派息政策亦清楚響發行文件中寫明，好多時比上市企業嘅股票更透明。另外，ETF響執行交易時亦比基金產品透明，成交與否同股票一樣即時知悉。
香港ETF代表作：盈富基金
就咁講ETF好似好虛無，但係香港嘅股民應該唔會唔知香港最有代表性嘅ETF──盈富基金(HKG:2800)喇啩？
盈富基金就係以恆指成分股按相對嘅比例組成嘅證券所上市基金，當年係以特區政府響亞洲金融風暴期間救市時買入嘅恒生指數成份股做骨幹，響金融風暴過後經發行ETF流返入公開市場，所以佢嘅走勢同恆指幾乎相同，而且一年都有兩次現金股息派發。
相關閱讀：【股票開戶攻略】銀行及證券行投資戶口佣金收費大比拼
相關閱讀：【美股入門】美股指數、開市時間須知 美股戶口收費大比拼
響香港市場，除咗盈富基金之外，其實都唔難搵到有涵蓋唔同市場嘅ETF，大路嘅有港股、中港股、內地多種A股組合嘅ETF，但係如果大家有閒情一睇，就可以發現其實有好多真係達到分散投資目的嘅ETF，例如政府或者企業債券、新興市場(巴西、印度、俄羅斯)、亞洲其他市場(韓國、台灣、日本)、主要已開發地域市場(美國納指、西歐)，甚至係商品(黃金、原油)、行業(銀行、醫藥、地產)、指數兩倍槓桿或者逆向槓桿咁多花款。至於如果係美股市場上嘅ETF，玩法就更多更廣，涵蓋面仲更加廣──行業、市場、企業規模都可以再細分，又可以一股股咁買添！
ETF 的缺點
雖然ETF好似好正咁，但係亦唔係無弱點。對比單一股票嚟講，投資者無得主動控制個別企業嘅比重，即係如果某地域嘅某一行業響ETF入面比重較高，但係整體股價表現未如理想，咁ETF嘅價位亦會相應被拖累。同時，除咗個別好似盈富基金、或者係注重內地股票嘅ETF嘅交易量同金額比較矚目之外，其他ETF嘅交投一般都比較淡靜，流動性亦相對低，所以買賣時個價位走勢可能就無活躍嘅股票咁大喇。
ETF可以有效咁將投資組合分散，有啲ETF可能仲會分散分散再分散，不過大家響選擇真係投資落去時，同買賣股票一樣都要做足功課，都要去返相關嘅發行機構網站，睇清楚隻ETF嘅成分股同指數編製方法、指數追蹤誤差、收費、風險披露、收益分配同派息政策等等嘅資料先好作決定呀。
所有投資涉及風險（包括可能會損失投資本金），基金單位價格可升亦可跌，過往的表現並不代表未來表現。交易所買賣基金的單位淨值可能有升有跌，投資者在作出投資決定前應詳細閱讀有關交易所買賣基金的章程及產品概要（包括當中所載之風險因素之全文）。
本網所提供有關交易所買賣基金的素材，包括產品資料、相關刊物或推薦意見，僅為了通知有興趣人士之用而提供，並非亦無意構成提供投資建議。有關資料亦不應構成買入或出售相關交易所買賣基金的推薦意見、要約或游說。因此，於本網站提供的資料不應取代合資格的投資建議。建議查閱本網站的人士自行尋求獨立專業建議。
美股證券戶口
8 Securities
8 Securities提供免佣金交易服務，可買賣超過15,000隻美股、港股及交易所買賣基金
迎新優惠
– 不設會員月費及交易佣金
中國通海證券
Direct Spot是中國通海金融旗下券商，美股網上交易佣金為0.138%，最低收費13.8美元，適用期內，從其他證券行轉用Direct Spot，將減20%港股和香港期貨交易佣金，並提供其他迎新優惠
迎新優惠
– 小米無線充電寶1個（首次存入HK$10,000或等值的交易金額）
– HK$100超市現金券（完成首單交易）
– 轉用Direct Spot減港股、香港期貨20%交易佣金
Fundsupermart
Fundsupermart不收取平台使用費、交易系統使用費或存倉費，美股交易手續費為投資金額之0.08%，最低收費8.8美元，開戶後，存入美元現金提供0.10%利率，亦提供基金和債券買賣。
迎新優惠
– 可於單一賬戶存入美元、港元及人民幣，不設最低戶口結餘
– 港元、美元及人民幣現金賬戶分別可享0.25%、0.10%及0.50%利率
富途證券
富途證券提供兩種不同形式的平台使用費方案，美股佣金由0.0049美元/股起，最低收費0.99美元
迎新優惠
– 滙豐股票1股
– 價值HK$150八達通卡一張
– 騰訊股票1股（首次存入HK$20,000資金）
友信智投
首次開戶後，友信智投提供永久豁免美股佣金收費和210日豁免港股佣金收費，適用期內，於手機應用程式註冊及完成線上開戶將提供以下迎新優惠
迎新優惠
– HK$100佣金折扣券1張
– 港股買賣210天免佣
– 美股買賣一世免佣
– 價值HK$4,350「uSMART友信賞」（包括免費香港經濟日報訂閱禮遇、Walch威露士消毒套裝和TherFace／TherMen脫毛嫩膚會籍）
– 專家投資策略和佣金折扣券（首次存款／轉倉達指定金額）
華盛資本證券
華盛資本證券是新浪微博旗下券商，網上交易佣金由0.0049美元/股起，最低收費0.99美元，適用期內成功網上註冊及完成開戶，華盛證券將提供以下迎新優惠
迎新優惠
– 豁免港股佣金收費
– HK$100超市現金券（線上開戶）或 HK$150超市現金券（首次存入HK$20,000資金）
– 30日免費買賣即時報價（首次存入HK$20,000資金）
– HK$500八達通一張（開設期貨戶口，並於優惠期內交易指定CME產品）
延伸閱讀：股票投資入門攻略：新手必睇策略及心得
延伸閱讀：【股票板塊】一文了解咩係藍籌、ETF、收息股同新經濟股！
延伸閱讀：香港投資內地股票： A股 / B股 / H股 / 紅籌有乜分別？
想知道最新嘅理財貼士，就要留意 MoneyHero Blog，同埋緊貼我哋嘅 Facebook Page！
The post 股票投資新手攻略： ETF 係基金又係股票 appeared first on 理財資訊.