當今好多銀行優惠都係講緊有一百幾十萬活期存款、月入十萬八萬先俾少少甜頭，但係香港平均每月工資中位數其實都係只兩萬蚊左右，嚟得睇 MoneyHero.com.hk 嘅blog，當然係精明一族，識得貨比三家嘅務實派消費者！今日肥叔叔就同各位打工仔update吓2017年夏季香港各銀行嘅 出糧戶口 優惠更新啦！﹙2017年8月更新﹚
銀行搞咁多優惠，其實都離唔開吸引新客或者令現有客戶放新資金（你筆糧）去佢哋銀行度，同多啲用佢哋綜合戶口嘅其他服務啦。出糧戶口（又稱「支薪戶口」）嘅優惠主要都係三大類：豁免高等及綜合戶口嘅月費、
雖然，對都好多打工仔嚟講，如果優惠、著數、回贈唔多，
但係，都係咁講啦，小數怕長計，要有著數梗係有少少麻煩㗎喇，
渣打銀行
渣打銀行一向都有唔少新客著數，呢期佢哋就有「渣打紅利出糧戶口」嘅額外優惠，只要個客用自動支薪轉賬出糧，唔限邊一款等級嘅戶口，喺開納後最少連續2個月都可以賺到「亞洲萬里通」里數﹙下面會用A表示﹚獎賞或現金回贈：
- 月薪最少$5,000 – 可以獲得 $100 或 A1000
- 月薪最少20,000 – 可以獲得 $300 或 A3000
- 月薪最少$50,000 – 可以獲得 $400 或 A4000
- 月薪最少$80,000 – 可以獲得 $600 或 A6000
同一時間，渣打有綜合理財服務禮遇。喺高等級嘅戶口就有「亞洲萬里通」里數或者現金回贈，「優先理財」客戶可獲A3,000或者$300現金回贈，「Premium理財」客戶可獲A3,000或者$300現金回贈，呢兩款戶口都可以喺頭四季豁免戶口服務費。而就算係親民啲嘅「快易理財」綜合理財服務，雖然響呢個位無咗現金回贈，但係可以永久服務費豁免﹙即係每季賺咗$120服務費，一年就有$480，佢服務費唔加價兩年就$960﹚。
另外，成功開立頭自動轉賬繳費服務都可以賺迎新獎賞, 最多$600現金回贈或者「亞洲萬里通」A6000！
- 1項自動轉賬 – 可以獲得 $100 或 A1000
- 2項自動轉賬 – 可以獲得 $200 或 A2000
- 3項自動轉賬 – 可以獲得 $300 或 A3000
- 4項自動轉賬 – 可以獲得 $400 或 A4000
- 5項自動轉賬或以上 可以獲得 $600 或 A6000
詳細資料可參考：渣打銀行「出糧升級組合」迎新禮遇
恒生銀行
如果今年內無用過恒生銀行戶口出過糧嘅話，呢個優惠就fit晒！無論係優越尊尚理財、優越理財、優進理財、Green Banking或者綜合戶口，而家開始用恒生戶口經自動支薪轉賬出糧而金額多過$6,000，兼打去推廣活動熱線登記，就可以獲得恒生信用卡Cash Dollar獎賞，獎賞包括：
單次Cash Dollar獎賞：
- 優越尊尚理財 / 優越理財 = $800
- 優進理財 = $200
- Green Banking / 綜合戶口 = $100
連續6個月Cash Dollar消費獎賞：
- 每月簽賬達$4,000 – $7,999，基本1x 加額外1x 總計2倍Cash Dollar獎賞
- 每月簽賬達$8,000 – $11,999，基本1x 加額外2x 總計3倍Cash Dollar獎賞
- 每月簽賬達 $12,000以上，基本1x 加額外3x 總計4倍Cash Dollar獎賞
每個月嘅額外Cash Dollars上限係$200，全期嘅額外Cash Dollars上限就係$600。如果有大額消費，夾住去個旅行、或者要有慶祝喜宴咁有大金額要碌卡，就真係無得頂。
同埋，可以降低免戶口月費嘅「全面理財總值」要求，優越理財最低資產由100萬減至50萬，優進理財就由20萬大減九成去到2萬。另外，亦有減免證券交易佣金收費，不過每次交易$100嘅最低佣金依然適用。
詳細資料同登記：恒生出糧戶口服務
中銀香港
中銀香港嘅「發薪服務」就最簡單，以定期存款同傳統「零存整付」月供儲蓄作為招徠。出糧客戶開納港元「發薪服務客戶月供存款計劃 – 零存整付」，年利率可以高達1.20%，而人民幣嘅零存整付月供存款計劃更加可以做到2.4% 年利率！如果想慢慢build-up自己嘅儲蓄嘅話，都未嘗唔係一個好方法。
登記同詳細資料就要落中銀分行辦理。
大新銀行
大新嘅 360°「易出糧」服務呢期就提升咗出糧戶口嘅活期存款年利率優惠同迎新獎賞。
迎新獎賞︰
如果新客用自動支薪出糧，最少$5,000或$10,000﹙視乎轉賬方式﹚，開納後連續2個月自動支薪出糧，就可以享有迎新獎賞。
- 月入1萬至未到5萬嘅新客，開設大新優易綜合理財戶口可以獲得$100回贈
- 月入3萬至未到5萬嘅新客，開設大新優易或者i-Account綜合理財戶口可以獲得$200回贈，而VIP i-Account綜合理財戶口就有$300回贈
- 月入5萬至未到8萬嘅新客，開設大新優易或者i-Account綜合理財戶口可以獲得$200回贈，而VIP i-Account綜合理財戶口就有$500回贈
- 月入8萬或以上嘅新客，開設大新優易綜合理財戶口可以獲得$600回贈，i-Account綜合理財戶口就有$300回贈，至於VIP i-Account綜合理財戶口就有高達$1,000回贈
活期存款優惠（基本存款要求）︰
- 存款金額結餘10萬至80萬 – 年利率0.6%
- 存款金額結餘80萬以上- 年利率0.8%
而同時選用指定銀行服務，包括進行$50,000以上證券交易、用大新八達通App自動增值、單次超過$500嘅繳費服務、以大新信用卡簽賬$3,000以上，就可以用累積遞進嘅方式賺取額外嘅活期存款升級，存款金額結餘10萬至80萬嘅客戶，過晒銀行訂嘅果5關，最高可以去至1.8%年利率，而80萬以上嘅客就可以去到2%。至於唔係用電子出糧轉賬方式，而係定期轉賬存款嘅出糧戶口客戶，最高都可以去到1.2至1.5%嘅活期存款優惠。
登記同詳細資料可以參考：大新: 360°「易出糧」服務
中信銀行
中信銀行嘅「出糧plus」戶口優惠就拍住佢哋嘅信用卡為主，迎新優惠高達$4,400﹙如果你有百萬資產﹚。主要優惠包括同時申請埋 信銀國際VISA白金卡 時可以永久免年費、高達$3,680嘅信用卡迎新禮遇同可以去到5%嘅手機支付﹙Apple Pay / Android Pay﹚，仲可以視乎出糧月入金額所訂嘅信用卡免找數金額。
- 月入1萬至未到2萬嘅新客，中信信用卡嘅免找數獎賞係$100
- 月入2萬至未到4萬嘅新客，中信信用卡嘅免找數獎賞係$400
- 月入4萬至未到6萬嘅新客，中信信用卡嘅免找數獎賞係$800
- 月入6萬以上嘅新客，中信信用卡嘅免找數獎賞會係$1,200
- 月入6萬以上兼有百萬存款嘅新客，中信信用卡嘅免找數獎賞就有$1,800
而「出糧plus」客戶喺辦理直接付款授權時﹙例如找卡數，繳費之類﹚，每一項成功申請同連續用6個月嘅指示，都可以獲得$100信用卡免找數獎賞，最高$600。
如果你有成百萬港紙但係又無地方放而想去做活期存款嘅話，仲可以有1%活期存款優惠同埋升級做CITICfirst理財戶口客戶，拎埋果筆高達$2000嘅CITICfirst迎新獎賞添！
登記同詳細資料就要落中信銀行分行辦理。新客開戶可以去信銀國際嘅網站預約：中信銀行(國際)「出糧plus」戶口
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【出糧賺著數】各大銀行 出糧戶口 優惠比較 appeared first on 理財資訊.