購買 旅遊保險 好似好簡單，但其實當中嘅細節你又清唔清楚？取消行程、遇上恐襲、75歲以上長者、潛水活動、跑馬拉松……以上統統會唔會受保障？搞清楚買旅遊保險前要注意嘅8大事項，出發旅遊就安心無憂啦！
1）幾時先係買 旅遊保險 嘅好時機？
其實當你要去旅遊，就係買旅遊保嘅時候……好喇好喇，準確啲講，好多人可能會出發前一刻先買旅遊保，但其實及早購買，可以得到更多保障，因為出發前嘅某些意外，旅遊保都有機會能提供保障。
以「取消旅程」保障為例，部分旅遊保險保障範疇廣泛，如果你因自己、直系親屬、旅伴等重要人士身故、嚴重受傷或患上嚴重疾病，或者目的地爆發廣泛傳染病，甚至你屋企火災需要取消行程，而旅費未能退回，都可以得到賠償。所以，當你決定去旅遊並已經訂咗機票住宿，其實就應該順便買埋旅遊保，一般嚟講，係出發前90天內，就可以買定喇！
2）長者冇得買旅遊保？
好多人以為老人家冇得買旅遊保，其實唔係，只不過部分旅遊保險有啲會有年齡上限，而即使冇超出年齡上限，長者保障金額都有機會比較低。長者選擇旅遊保險時，除咗要留意投保年齡上限外，仲應該著重「醫療費用」、「緊急醫療運送」、「住院按金」及「回港後的覆診治療費用」等最高賠償額。如前往醫療費用高昂的地區，例如歐洲、美加等地，就應選擇保額較高嘅計劃。
長者都應該留意，旅遊保險只保障在旅程期間受傷或患上疾病所引致嘅醫療費用，長者本身已有嘅疾病，如果係旅程期間復發，可能不受保障！
（相關閱讀：長者購買 旅遊保險 諸多限制？最緊要識揀！）
3）一家人去玩，旅遊保分開買定一齊買？
一般嚟講，一家人一齊買嘅話，係會有折扣優惠嘅。如以父母及子女的形式購買，當中所攜同嘅18歲以下受養及未婚子女數目大多沒有限制，例如MSIG嘅家庭計劃，投保人及配偶同時投保，其所有18歲或以下子女可獲免費保障。不過如果大家幫子女買埋，就應該要留意年幼子女嘅保障金額，有機會比成年人低。
4）我想趁旅遊做下運動，如果出事有冇得賠呢？
咁就要睇你做乜運動喇。如果你參加職業性運動或比賽，一般旅遊保險都唔包，要留意旅遊保險「不保事項」嘅確實字眼，如果你參加嘅業餘運動係設有獎金嘅比賽，該活動都可能不在受保範圍之內；但都有些旅遊保如Allied World、FWD嘅計劃可保障業餘賽跑活動，咁去外地參加馬拉松活動都無問題喇！
另外，如果你係想參與一啲高危活動，例如下列活動：
- 飛行活動
- 賽車
- 航空活動
- 航海活動
- 跳傘
- 吊索跳
- 30米或以上的深海潛水
- 攀山
- 攀岩
- 5,000米以上的攀石或登山
- 電單車活動
- 狩獵
- 徒手滑翔
- 30米或以上的水肺潛水
- 熱氣球
- 策騎……等等
都有機會係不受保障範圍，如果你想喺旅行中參與運動，就要留意自己想做嘅運動係唔係保障範圍喇！
5）恐襲到底包唔包？
而家恐怖襲擊避無可避，不如買份包埋恐怖襲擊嘅旅遊保險，咁就放心去玩啦。有關恐襲，要留意保險條款，睇下會唔會因恐襲而減少保障，某啲保險係唔包任何核子武器或生物、化學物品的恐怖主義活動，買家需要自己衡量喇！
（相關閱讀：恐襲 保唔保？拆解旅遊保險 恐怖襲擊 條款！）
6）每次去旅行都買一次旅遊保？
可能你因為工作關係，或者興趣所在，經常有機會出外旅遊。咁你會面對一個煩惱：你每一次去旅行都要買一次旅遊保，太過麻煩。但其實旅遊保係可以一買買一年的，只要係年期之內嘅旅遊都會受到保障，一般保障每次旅程最長可達90天，最適合各位旅遊達人！
7）自駕遊，唔使買保險？
有自駕遊經驗嘅朋友可能會話，喺租車公司嗰度會包埋保險喎，唔需要再買。但其實一般租車公司嘅保險都會有最低自付額，即係墊底費，如果不幸有意外要賠償，你都要承擔部分嘅金額。而有啲旅遊保就會包埋「自駕遊自付額保險」，令你唔使自己拎錢出分嚟咁肉痛啦。
（相關閱讀：新手上路： 日本自駕遊 10大須知）
8） 旅遊保險 網上優惠？
現時多家保險公司都有提供旅遊保網上申請優惠，若想投保嘅話，不妨經網上申請，慳盡分毫，手續亦簡便，只須填寫基本個人資料、目的地及旅程日期等便可。
例如，如經MoneyHero.com.hk購買i-Travel﹙單次旅程﹚B計劃可享獨家55折優惠！
想搵份最適合你嘅旅遊保險？即上我們的旅遊保險比較平台！
——
延伸閱讀：【 Claim保險 】怎樣增加成功機會？6大旅遊保險索償須知！
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 購買 旅遊保險 的8大常見問題 appeared first on 理財資訊.