【香港拍拖好去處2020】平靚正情侶拍拖勝地+活動推介

香港拍拖好去處平靚正拍拖勝地拍拖活動推介
拍拖有咩做？假期拍拖有咩好去處？拍拖活動咁難諗，等我哋幫你定期搜羅平靚正拍拖勝地，為情侶們推介期間限定或者全年任去嘅拍拖好去處，拍拖勝地推介持續更新資料，幫大家保鮮愛情，即刻睇下MoneyHero為大家推介嘅低消費拍拖方法啦！我哋仲會不時更新資料。（2020年6月更新）

推薦假日好去處：親子好去處 | 室內好去處

求婚必讀：求婚戒指 | 結婚預算 | 旅行結婚地點 | 海外結婚Q&A

2020拍拖好去處總覽

期間限定活動 │ 戶外活動 │ 工廈一日遊 │ 文青活動 │ 博物館 │ 煮飯仔 │ 宅在家 │ 現金回贈信用卡優惠

中環海濱長廊：懷舊微型作品展

圖片來源：安泰微型工作室

安泰微型工作室於夏季，將海濱長廊幻化成懷舊微型展覽，在海旁的盒子裏重現舊香港屋邨，亦有舊式「公仔箱」電視機供人打卡！在緊守限聚令下，情侶想呼吸一下新鮮空氣，不妨到海旁一遊。詳情

地址：中環海濱長廊
開放時間：即日至另行通知

山頂廣場：全球首個「大富翁」主題館

不經不覺「大富翁」這款行銷全球的桌上遊戲已面世超過80年，是不少人的集體回憶。它首個全球主題館已進駐剛完成優化工程的山頂廣場。埸館佔地共二萬呎，分為室內和室外兩部份，最大賣點是引入全息投影科技及4D 遊戲技術，把銀行、水務局、監獄、地契等經典遊戲元素，立體呈現於訪客眼前，使每人都能有一個難忘的互動新體驗。作為「大富翁行館」怎會沒好西吃？順帶一提，很多名餐廳也會進駐場內，包括有「地獄廚神」旗下的餐廳。
詳情

大館

前身是中區警署及域多利監獄的大館，已搖身一變成為中環必去景點之一，情侶除了可以感受活化後的古蹟及藝術館，過一個文化周末之外，大館更會不定時舉辦多項文化展覽和活動，讓大家了解香港藝術及歷史！行到肚餓的情侶，更可以於集懷舊及現代於一身的餐廳，享用浪漫而典雅的午餐/晚餐。大館會不定時舉辦藝術及文化展覽，每年將策劃並主辦6至8個展覽，請留意大館網站的最新活動推廣。詳情

地址：香港中環荷里活道10號
開放時間：每日10:00am-11:00pm

天際100：「愛在天際幸福宣言」預訂服務

情人節拍拖好去處-天際100

情人節當然要同深愛的人，大聲表達自己的愛意，「就咁講，有啲行」，可以預訂天際100「愛在天際幸福宣言」的服務，讓你在393米高空「愛在天際」光影匯演播放時，投射出你心中愛的宣言，與另一半留下甜蜜的美好回憶。然而，天際100每晚只會預留 5 個時段提供「愛在天際幸福宣言」服務供網上預訂，並於「愛在天際」光影匯演播放之際在指定時段把留言投放出來。

「幸福宣言」共有 5 個預設的動畫留言,包括“I Love You”, “Will You Marry Me”及“Happy Anniversary”等等,只需登入天際 100 官方網頁,並於「愛在天際幸福宣言」專頁訂購所屬套票,即可選擇於指定日期及時間,於天際 100 觀景台長達 9 米的巨型玻璃屏幕投射出有您及摯愛名字的動畫留言。

地址：香港九龍柯士甸道西一號
日期：2019年2月13日起至另行通知
收費：HK$998

荔枝角 D2 Place 新戲院：韓迷必去

韓國戲院品牌CGV Cinemas進駐荔枝角 D2 Place二期，場地設計成五、六十年代美國百老匯電影院，設有4個主題影院，包括全港首個270度投影技術的ScreenX影院、K Star 韓星主題電影館「孔劉館」、SweetBox及HSBC Film。

四個主題影院都各有特色，ScreenX影廳配備270度三屏全景放映、孔劉館顧名思義是以韓星作主題、Sweetbox影廳更設有情侶椅，而HSBC Film則設有設有伸縮的小桌，方便放置小食。

中環街頭塗鴉藝術團

中環SOHO區大街小巷嘅牆上都有着有趣嘅塗鴉，但不說不知，佢地隨時係價值連城嘅藝術品，撞正星期日都無地方去，不如同另一半參加由「撞藝術」舉辦的中環街頭塗鴉藝術團，聽住導賞員講故事，邊同伴侶係塗鴉前打張卡，了解香港街頭文化外，仲可以呃like添。

日期：每週日
時間：早上11:00至中午12:00（英文團） / 早上11:30至下午12:30（普通話團）
收費：$165
人數限制：1人成團，12人滿團
網站：http://accidentalart.co/zh/ （撞藝術）

延伸閱讀︰香港演唱會攻略

回到目錄

註冊MoneyHero帳戶，快捷地選出適合自己的理財產品，並擁有個人化的理財智庫

2）享受戶外樂趣

流星雨下見證愛情！

唔知大家有無觀賞流星雨的習慣？在流星雨下和另一半一起許願是一件非常浪漫的事。在下半年，將會迎來兩次流星雨群的高峰期。
在12月14日晚上9時半至翌日凌晨，望向東北方，最高峰時每小時最高有120粒流星掠過。記得帶埋你的另一半一齊去體驗一下！

流星雨群詳情可參看下圖或按此！

建議觀看地點：
大坳門，萬宜水庫東壩，西貢天文公園，大帽山，西貢鹹田灣營地，大嶼山南部和石澳等等。

西灣開放觀星地點

為了方便市民觀星，政府在西灣建設了新觀星點，場地更設有考慮人體工學設計的環形座椅，可躺在平地觀星更舒適，可從不同的角度觀星，愛觀星又愛大自然的朋友，千萬不要錯過！

地點：西貢西灣沙灘附近

拍拖輕鬆行山景點：無敵夜景嘉頓山

%e5%98%89

一講到行山，平時冇咩做運動嘅另一半實會耍手擰頭，但其實香港有座山，唔使行一個鐘就可以到達山頂，仲飽覽九龍夜景，呢座山叫嘉頓山！而且，交通十分方便，只需喺深水埗港鐵站行10分鐘就到山腳。

建議路線：首先搭港鐵到深水埗站D出口，再向石峽尾方向行10分鐘左右，你就會見到嘉頓麵包廠，之後你會望到美荷樓旁邊有座山。沿住樓梯一路向上行幾個字已經有得小休同睇景，想睇到更全面嘅九龍全景就要行多幾個字，好快就會去到山頂，適合比較少做運動嘅情侶。

世外桃源：英式山頂花園　拍拖野餐勝地

peak-garden

唔好再話去歐洲先有靚地方Chill喇！比較鮮為人知嘅前港督別墅「後花園」就好似世外桃源，令你樂而忘返。擁有濃烈英式風格、古老維多利亞式建築嘅山頂公園，景觀十分開揚，入面有大草坪、維多利亞式涼亭、小山丘、水池，寧靜宜人嘅環境好適合情侶拍拖。鋪張野餐布、拎住本書、曬下陽光，寫意嘅生活有時就係簡簡單單。

建議路線：建議路線：由山頂凌霄閣出發，沿著柯士甸山道（山頂餐廳旁）往上行，中途見到柯士甸遊樂場，繼續一直走就會見到藍白色守衛室，再行前多幾步，就到呢個世外桃源！

都市塵世美：金鐘添馬公園

拍拖好去處　金鐘添馬公園

去野餐一定要去郊外，好多怕麻煩的小情侶都唔想去咁遠，但又覺得喺城市好難找到草地，才不是呢! 在城市中找野餐地點必定有金鐘添馬公園，地點便利，公園內一大片的綠悠悠草地，坐在草地上閒聊，看看書，也可以看到海，過悠閒寧靜的一天，也是另類的浪漫。

建議路線：港鐵金鐘站A出口，步行約7分鐘。

放狗放閃無問題：數碼港海濱長廊

拍拖好去處　數碼港海濱長廊

好多伴侶都會一齊養小動物，假期去拍拖時都想帶埋「小成員」一齊去玩！數碼港海濱長廊就不二之選，因為那裡準許放狗，與伴侶就可以坐在草地上看海，一齊坐草地吃小食，也可以看着「小成員」在草地上奔跑！就是無比寫意！

建議路線：搭港鐵到堅尼地城，轉小巴58M入數碼港。/ 到旺角山東街轉乘巴士970，直達數碼港。

踩單車：大埔吐露港單車徑近科學園

拍拖好去處大埔踩單車

野餐可能有啲悶，都想郁動下，但又唔想行山咁辛苦，咁踩單車也是不錯選擇，由大埔租單車，慢慢一條直路踩入科學園，到科學園後又可以在園內餐廳歎番個Afternoon Tea，再慢慢踩番大埔，沿途欣賞日落好風光。

建議路線：港鐵大埔墟站A出口，轉乘K17或71S總站，步行5分鐘到大埔海濱公園。/ 港鐵大埔站A出口，轉乘K18到廣福村，步行5分鐘至大埔海濱公園。

秘密日落觀賞點：石仔灣碼頭

12513651_1017828678309270_1855141116129591992_o ＿

「石仔灣」位於馬灣旁邊，係香港僅存嘅舊式漁村，嗰度有一連串嘅漁排及木橋碼頭，可一覽屯門公路以及西面海岸，係完美嘅日落觀賞點！喺度睇日落仲有另一個好處，就係可以遠離煩囂，靜靜咁同另一半享受難得嘅二人世界。

建議路線：由中環或荃灣碼頭乘搭渡輪至珀麗灣碼頭，再步行前往。

流浮山的高美濕地︰下白泥

網上圖片

疫情未過大家要暫時留港，但要睇日落未必要到台中高美濕地。流浮山的下白泥與高美濕地一樣，有情侶影相打卡聖地「天空之鏡」，情侶們記得帶定腳架及自拍神器！下白泥日落美景與台中相比毫不遜色，亦可見到本港買少見少的濕地紅樹林，睇完日落更可以到流浮山食海鮮，同另一半過既浪漫又遠離繁囂的一日！

建議路線：於元朗泰豐街乘坐33號小巴到下白泥

盡覽270度維港景︰海港城觀景台

abc

海港城花近5年時間建造的全新觀景台「海運觀點」最近落成，10月23日開始已經免費開放予公眾參觀，觀景台可以飽覽270度維港景觀，亦設有兩個6,500平方呎的活動平台，其中一個更是天然草坪，另一邊則是石地，情侶可以盡情影相「打卡」。

開放時間︰7am至12am
地點︰海港城大廈末端（鄰近郵輪碼頭）
費用︰免費入場

詳情︰海港城官方網站

回到目錄

3）觀塘工廈一日遊

好多情侶閒時都會一齊行下商場、買下嘢。但你最近係咪覺得商場來來去去都差唔多，行到厭晒？咁不如試下去工廠大廈尋寶吧！

各區工廠大廈都有好多特色小店，好多時都係東一間、西一間咁散落喺唔同地方，而觀塘嘅「怡生工業中心」E座和G座就打通咗一樓全層，盡攬各式店舖，包括露營用品、護膚品、精品雜貨、美甲、樂器、波鞋、韓國貨等，應有盡有，地下仲有特賣場添，加上嗰頭又有好多平靚正餐廳，消磨一日半日時間絕對唔成問題！

回到目錄

4）齊齊潮做文青

最近大熱嘅「文青」風氣直捲香港，想嘗試過一日文青生活，不妨試下帶埋男/女朋友一齊試下坊間手作仔！當中以Art Jamming、整皮工作坊、押花班、咖啡拉花班等等最為受歡迎。如果想搵啲比較價錢合宜嘅班，可以搵下係工廈開嘅班，當中好多都係年青人創業嘅生意仔。講到小編都好想今個周末即刻去Join！

南豐紗廠：活化紗廠成文創新基地

The Mills 南豐紗廠—拍拖好去處

南豐紗廠經歷三年的翻新工程，早前終於開放給公眾，建成現時新的文創基地，將多種藝術元素與舊廠房的特色併湊起來，大家可以在不同角度游走南豐紗廠的歷史與創新的空間，不但有多個打卡位，更有不同的悠閒的咖啡店，呷一口咖啡，與情人舒暢地過一個悠閒的週末。

由於是新的文創基地，場地也會定期舉行手作坊，各位文青系的少男少女就唔好錯過！可以在The Mills 南豐紗廠留意詳情。

地址：香港荃灣白田壩街45號南豐紗廠
時間：星期一至日 10:00am-10:00pm

回到目錄

5）博物館

一聽到去博物館可能好多人都會覺得好悶。但其實而家博物館都唔係咁死板。香港嘅博物館逢星期三免費入場。例如去科學館就可以喚起好多人嘅童年回憶，同你嘅另一半重拾童真，玩下番梘泡、鏡子迷宮，都可以過一個輕鬆嘅週末。而太空館兩個展廳「太空探索展覽廳」和「宇宙展覽廳」早前閉館一年半進行翻新，4月25日終於重開。展品由60多件增至百多件，7成都是互動展品，大家可以當新地方再玩過。

到太空館睇電影

太空館何鴻燊天象廳

（圖片來源：香港太空館Facebook專頁）

太空館兩個展廳已於2018年4月完成翻新，其中一件互動展品更能讓市民體驗置身太空的失重狀態。你或許有所不知，太空館除了引人入勝的展品外，更是一個睇戲好地方。太空館的何鴻燊天象廳不時上映不同的全天域電影或立體電影。

極光、流星等夜空中不同的自然現象都令我們贊嘆，讓我們感覺到人類的渺小。這些美麗的景象又是如何形成的呢? 或許透過太空館播放的天象節目《寰宇星空》可以加深你對星空的了解。

日期：即日至2020年4月30日逢星期二休館（公眾假期除外）
時間：每日3:50pm、7:20pm（星期六、日及公眾假期加開 12:20pm 一埸）
地點：香港太空館何鴻燊天象廳
票價：HK$24（前座）、HK$32（後座）
詳見太空館網頁

最近，天象廳上映的《火山》將講述火山是怎樣建構地球的生態系統和棲息地，並可目睹夏威夷基拉韋厄火山在近期爆發時所造成的破壞。如果你想認識有關火山創造地球的故事，不妨到太空館睇電影！

日期：即日至2020年4月30日逢星期二休館（公眾假期除外）
時間：每日1:30pm、5:00pm、8:30pm
地點：香港太空館何鴻燊天象廳
票價：HK$24（前座）、HK$32（後座）
詳見太空館網頁

三大博物館票價

	太空館	科學館	歷史博物館
開放時間	星期一、三至五：1pm至9pm；星期六、日及公眾假期 : 10am至9pm；星期二休館（公眾假期除外）	星期一、二、三及五：10am至7pm 星期六、日及公眾假期：10am至9pm星期四休館（公眾假期除外）	星期一、三至五：10am至6pm；星期六、日及公眾假期 : 10am至7pm；星期二休館（公眾假期除外）
優惠票	HK$5	HK$10	HK$5
標準票	HK$10	HK$20	HK$10
團體票	HK$7	HK$14	HK$7
備註	*個別專題展覽或需另外收費	由攜票的成人陪同參觀的4歲以下小童免費入場逢星期三免費入場	個別專題展覽或需另外收費常設展覽免費；專題展覽則另外收費