部份成年人為左買野或者創業，都可能借過貸款。如果你急需現金，又唔想抵押資產，又唔希望比人問長問短，私人貸款係一個好好既選擇。加上有啲私人貸款仲可以即時批核添！唔少借貸機構都會標榜5至30分鐘就完成批核同埋貸款到手；而其他機構就可能要24小時至5個工作天，甚至一個星期去審核貸款申請。
但唔係每個人都識得善用私人貸款。有啲人借左私人貸款之後，唔單止冇用盡佢既優勢，反而令自己招致損失，嚴重嘅更會搞到自己周身債。咁樣除左帶黎財務問題之外，仲有可能影響同屋企人既關係。
當然啦，唔係話借私人貸款就會搞到周身債、帶黎財務問題或者搞到家庭關係破碎。多數問題都比較輕微，淨係會令到申請時間耐左或者帶黎某程度上既不便。因此，MoneyHero.com.hk同大家分享 申請私人貸款要避免的7種錯誤 ！
1.冇比較就借貸
貸款公司包括銀行同財務公司競爭激烈，為咗吸客，佢哋相繼推出低息優惠或者回贈，借10萬港元嘅利息支出可以相差近3萬元！想善用私人貸款，就一定要比較市面上唔同嘅貸款計劃。留意佢地嘅利息、實際年利率同埋還款期，確保自己選擇到最適合既貸款。長遠黎講，重可以幫你慳返唔少錢添！利用MoneyHero.com.hk既網上比較工具，香港不同貸款計劃都可以一目了然，搵出最啱自己既貸款。
你仲可以用貸款計算機，估計自己嘅總還款額同埋貸款批核機會！
2.唔睇條款同細則
因為私人貸款係你同銀行或者借貸機構之間有約束性既合約，所以一定要睇清楚條款，唔好漏左重要既資訊。例如宣傳品顯示嘅係咪實際年利率（APR）、利率係咪每個月會變、有冇手續費，或者銀行修改合約會唔會通知你等等…呢啲細則都可能令你一子錯滿盤皆落索！所以簽名前點都要睇清楚每一項條款。
3.因為一時衝動而借貸
喺每次借錢之前，都要諗清諗楚貸款用途！借貸其實係一個好大既承諾，就好似拍拖咁，唔可以貿貿然做決定。例如屋企人話你「好似肥左喎」，唔等於你要即刻去借錢黎join好貴既健身會藉，甚至去抽脂，就係為左減嗰少少肥（而且你都未必真係肥，屋企人可能都只係隨口講下）。所以，喺做決定之前要三思，諗清楚自己係咪一時衝動，咁就可以慳返好多時間、氣力同金錢。
4. 缺乏長遠計劃
假如你會因為一時衝動而借錢，就好有可能都有呢個問題。如果你成日都諗到就做，代表你冇一個完善同長遠既理財計劃。即係話，你冇將所有開支納入考慮。如果冇長遠既理財計劃，會帶黎好多問題，包括交唔到帳單、負債，甚至生活最基本既野（食飯，買日用品之類）都冇錢比。所以喺申請貸款嘅同時，要考慮埋你將來嘅計劃，點樣還款，同埋還款嘅資金來源。
5.文件唔齊全
如果你響申請私人貸款時交唔齊需要嘅文件或者證明（例如入息同身份證明），會令到申請程序又長又麻煩。通常呢個問題係因為借貸人冇睇清楚所有申請要求，同埋以為私人貸款簽幾張紙就可以好方便借到現金。但事實上唔係想像中咁容易。
你需要向銀行或者借貸機構證明你有能力還款（借貸款項加上利息）。而交唔齊文件只會延長申請手續，變相阻礙你嘅計劃。你可能要親自去銀行或者借貸機構幾次先可以令申請成功。所以申請之前，記得準備好晒需要既文件（帶定影印本就實冇死！），咁就可以令申請手續簡單同順利啲。
6.資料不盡不實
填寫申請表既時候，要記得100%誠實，要填寫你知道嘅全部事實，盡量準確同精簡。點解要咁做？因為如果你唔照實向銀行或者借貸機構報告，最後受害嘅只會係你自己。如果你填寫嘅資料不盡不實，可能會引致法律問題，嚴重既話，甚至會構成詐騙等刑事案件處理。如果你申請時用咗其他人嘅資料，就有可能觸犯咗虛假文書罪。所以千祈唔會以身試法！
如果需要提供某啲資料先可以完成申請，當然要如實填寫。但如果你唔太想提供某啲資料，可以問下銀行或者借貸機構有冇其他方法，例如用補充其他資料代替。
7.幫人借貸
有啲人會用自己名義借貸，然後將筆錢借比其他人用。不過呢啲野，避得就避啦！因為另一個人唔係要還錢同還息既人；更重要既係，萬一佢走左佬，你就要自己還款，仲冇享受過任何貸款嘅好處添！
希望以上既貼士幫到大家，避免不必要既錯誤，輕鬆利用私人貸款！
延伸閱讀︰無懼不良信貸紀錄，5招教你申請私人貸款！
——
想知多啲同金融產品（例如按揭、旅遊保險、信用卡）有關既資料，即上MoneyHero.com.hk！想知多啲慳錢貼士同理財建議，就要留意MoneyHero blog，同埋緊貼MoneyHero facebook page!
The post 申請私人貸款要避免的7種錯誤 appeared first on 理財資訊.