香港地一屋難求，擁有一層未補地價嘅公屋、居屋或者綠置居 ，都稱得上係「人生勝利組」。有個瓦遮頭固然好，但未補地價嘅公屋同居屋等資助出售房屋，係加按套現周轉方面始終有限制。如果擅自將未補地價單位加按仲係犯法添！究竟未補價單位嘅業主需要現金周轉時可以點樣合法套現呢？今次就等MoneyHero為大家拆解！。
未補地價可合法加按？
唔少業主需要現金時都會考慮將物業加按，但一般情況下，未補價的公營房屋，不論係居屋、公屋定綠置居單位，都唔可以加按套現。就特別或緊急情況，業主可向房委會申請將有關物業加按，但房委會只會就非常極端的情況作考慮。
根據房屋條例，即使你嘅公屋、居屋喺5年轉讓限制期內，或5年過後未補地價，都可以再做按揭。不過必須符合以下條件，再獲房委會批准，而可獲批准嘅加按原因包括：
- 籌措醫藥費；
- 家庭成員教育費；
- 殮葬費；
- 業主因離婚/分居而致需向配偶付還樓價或支付贍養費；
- 業主因生意出現財政困難，以致難以應付開支。
至於其他原因，例如個人財務問題，就要根據個別情況考慮。房委會嘅準則嚴緊，一般拖欠卡數或貸款等理由未必會被接納，只有無力償還高利貸利息等嚴重情況才有機會被考慮。即使原因屬於可接受範圍，申請過程會較花時間，程序亦非簡單。
當你獲得房委會批準，取得「重新按揭准許證明」，就可以向銀行或財務公司申請加按。不過要注意，即使業主獲得當局批准，加按套現的金額亦受到嚴格限制，只能套取有關特別/ 緊急情況所需的金額。另外，加按嘅按揭利率會根據業主嘅信貸評分同入息等財務背景而定，一般較新造按揭為高，實際年利率可以達到5%以上。
延伸閱讀：【樓宇買賣須知】甚麼是補地價？公屋/居屋/資助出售房屋補地價計算指南
輕鬆周轉 毋須按樓
如果持有未補價嘅資助房屋單位，有事急須套現，但唔符合房委會要求，或者唔夠時間等待申請，可以考慮利用市面上嘅業主貸款周轉，係唔涉及按揭性質下提取現金。不過，申請任何貸款都要量力而為，特別要睇清楚貸款利息水平同評估個人嘅財政能力，目前唔少財務公司，例如安信信貸同中潤物業按揭都有提供業主貸款，業主可根據需要比較及選擇。
MoneyHero遵從《個人資料（隱私）條例 2013 》致力保障你的個人資料。透過MoneyHero申請貸款時，你的個人資料將傳送至銀行或貸款機構，並由他們處理有關申請。銀行或貸款機構可能會直接聯絡你。除非你同意，否則MoneyHero不會儲存你的個人資料。
精選業主私人貸款
限時優惠期內，成功申請送高達HK$8,000大利是
精選銀行首次置業/轉按按揭優惠
延伸閱讀：
【居屋2018】「 白表 」、「 綠表 」資格有咩分別？
如果大家想知多啲理財貼士，就要留意 MoneyHero Blog，同埋緊貼我哋嘅 Facebook Page！