自從韓流襲港，日本唔再係大家唯一朝思暮想嘅旅遊目的地，大家去韓國都不外乎為咗搵Oppa、搵韓妹，又或者去勁擦海鮮同影呃like甜品相。身為現代都市人，如果去旅行無得keep住上網打卡up吓相都幾無癮！究竟邊張SIM卡最多數據、最方便，又要喺邊度買先最抵呢？MoneyHero.com.hk為大家嚴選比拼各大熱門韓國SIM卡，幫大家搵出最啱你嘅產品！
韓國SIM卡勝在平靚正
外遊上網，通常都係SIM卡同WiFi蛋之爭。而SIM卡嘅最大優點，就係唔需要提早預訂，慳水慳力，仲唔洗煩差電，即插即用，頂多都係set VPN。仲有，就算同「旅伴」分開行，都唔洗煩上唔到網！
現時SIM卡主要分為香港同韓國卡兩種，香港卡除咗喺專門店買，仲可以去深水埗鴨寮街買平卡，而韓國卡最正就係喺機場即場申請同啟用，接收亦比較好。記得睇清楚無限數據係咪會限速，免得貪平而因小失大！
韓國熱門SIM卡比較表 (詳細介紹請看下文)
| 供應商 | 上網計劃 | 流量 | 可用日數 | 數據分享 | 官方售價 | 備註 |
|---|---|---|---|---|---|---|
| 中國聯通 | 4G | 無限（3GB後限速） | 7日 | 不支援 | HK$128 （網上價） |
香港、韓國、中國通用，3地均可即時啟用 |
| 中國移動 | 3G | 5GB | 7日 | 支援 | HK$126 （網上價） |
香港、韓國通用，兩地均可即時啟用 |
| 開心電訊 | 4G | 無限（5GB後限速） | 8日 | 支援 | HK$288 | 即時啟用 |
| KT Olleh | 4G | 無限 | 5日 | 支援 | 約HK$170 | 即時啟用 |
| EG SIM | 4G | 5GB | 30日 | 支援 | HK$200 | 即時啟用 |
香港銷售之韓國SIM卡
1. 中國聯通：性價比高
大家熟悉嘅電訊供應商，提供中、港、韓通用嘅4G上網服務，無限數據( 3GB以上限速)，仲
比其他卡多20分鐘通話時間，即時啟用。SIM卡原價HK$158，但喺官方網上商店賣HK$128，
可以用足7日，性價比超高！
2. 中國移動：支援數據共享
另一耳熟能詳嘅電訊商，提供香港、韓國通用嘅3G上網服務，慢就慢啲，但就有5GB可以用7日，同樣即時啟用。SIM卡原價HK$288，官方網店賣HK$126，平一半有多，仲支援數據共享，如果想同朋友一齊share都抵買架！
3. 開心電訊：鴨記最抵買
你未必聽過「開心電訊」大名，但其實佢係出名抵買好用嘅SIM卡供應商！佢有多款韓國電話卡，當中4G 8日無限數據卡就抵到爛！SIM卡原價HK$288，但鴨記就可以平到$160，可即時啟用，支援數據共享，用到5GB先限速。
韓國當地SIM卡
4. KT Olleh：網速穩定分店多
由韓國最大電訊商KT Olleh推出嘅SIM卡，網速穩定，當地四大機場同首爾市區都可以拎卡，方便可靠。SIM卡分5日、10日、30日，屬真正無限數據，仲可以熱點分享，5日卡而家做緊網上優惠，大約HK$170左右就可以買到，建議先喺網上預訂，去到機場再拎卡。
5. EG SIM：免費聽電話
同KT Olleh並列為最受遊客歡迎嘅SIM卡，網速同KT Olleh差唔多，但就係韓國第一張外國人可以用嘅上網卡，值得信賴。上網plan無KT Olleh咁多，但就勝在有韓國電話號碼，仲可以免費聽電話。
遊韓小Tips: 韓國SIM卡易鎖卡？
成日聽人講韓國買SIM卡有機會鎖卡，其實係因為韓國嚴格執行電訊實名制，綁定號碼。所以如果你今次去韓國用護照SIM卡，走之前記得註銷返，下次再嚟就方便好多。另外，如果你唔喺機場買SIM卡嘅話，或有需要將護照上載至官網註冊，十分浪費時間，所以，都係建議去機場搞或者上網訂啦。
另外，帶得部手機去韓國旅遊上網、影相、搵路，梗係要買份保障手機嘅旅遊保險啦！想知邊間公司保障手機？去MoneyHero.com.hk 旅遊保險平台，點選「遺失手提電話」，即時可以知道邊間保手機，仲可以比較埋價錢同直接購買！
相關文章︰旅遊上網必備：日本 Sim Card 實測比較 2017
——
想知道最新嘅理財貼士，就要留意MoneyHero.com.hk Blog，同埋緊貼我哋嘅Facebook Page！
The post 【旅遊上網必備】韓國5大熱門SIM卡大比拼 appeared first on 理財資訊.