滑雪 可分為Ski及Snowboard，呢兩項冬季運動愈來愈受港人歡迎。第一次滑雪嘅人，其實可以先喺香港室內滑雪場學下同練習下先，當然亦可以直接到外地滑雪場搵教練上堂。唔使搭長途機，淨係香港鄰近嘅地區已經有好多滑雪度假村，MoneyHero.com.hk 就為大家搜羅一番，選出10個本地、中國、韓國同日本嘅 滑雪 好去處！
香港
1. Slope Infinity
位於港島區嘅Slope Infinity有導師教你滑雪，想學Ski或者Snowboard都得。該校表示使用者只要完成一小時訓練課程，其效果相等於喺雪山上完成一天課程，一眾新手可以嚟上完堂先去真正雪場玩，節省時間。加上係喺模擬滑雪機到學，所以唔需要著住又厚又重嘅冬天衫去玩，不過記住要早一日預約！詳情按此查詢。
地址︰香港北角電氣道148號1樓（天后及炮台山港鐵站中間）
開放時間：星期一休息、星期二至星期五12:00至22:00、星期六10:00至22:00、星期日10:00至20:00
內地
2. 深圳世界之窗滑雪場
與香港相鄰的深圳有一個名為阿爾卑斯室內滑雪場，位於世界之窗園館內，場內用的都是真雪，所以一到週末吸引唔少發燒友去練習！總面積為4,300平方米，設施有1條滑雪道和1條T-Bar索道，雪道長118米，落差12米，雪厚約35-45毫米。若不是滑雪埸會員就要比世界之窗+滑雪場入場費，若成為會員﹙700元人民幣一年﹚就可全年免世界之窗入場費，其享有滑雪場8折優惠。雪場入場費已包滑雪服裝及器具。﹙2017年10月26日更新︰場館現正維修中，預計12月底再開放﹚
地址︰深圳市南山區華僑城深南大道9037號518053
開放時間：10:00-22:00﹙除特別日子外，年終無休﹚
入場費：
- 非會員 – 世界之窗入場費200元人民幣（日間）/ 80元人民幣（夜間）+ 滑雪場每小時元人民幣
- 會員 – 滑雪場1小時64元人民幣、2小時128元人民幣、3小時或以上192元人民幣
3. 北京南山滑雪度假村
密雲縣嘅北京南山滑雪場離北京市大約62公里，32分鐘車程就可以去到，適合即日來回。入面有25條滑雪道，適合唔同程度的人士，仲有啱小朋友玩嘅嬉雪區，適合一家大細。如果你想過埋夜，可以住喺度假村入面嘅雪頓木屋別墅。週末過夜大約要人民幣$580（港幣$705）。如果你自備滑雪用具，入場仲會有折扣；不過如果你有需要的話，亦有雪服、雪橇和頭盔等租借服務。每日朝早會有直通巴士往返滑雪場，要提前一日預約。詳情按此查詢。
地址︰北京密雲縣河南寨鎮聖水頭村
入場費：由150元人民幣至450元人民幣不等（視乎是平日、週末去和時間長短）
開放時間：08:45至17:30
4. 亞布力滑雪旅遊度假區
亞布力滑雪埸度假區位於黑龍江，曾經係1996年亞洲冬季運動會嘅舉辦場地，亦都係中國國家隊嘅訓練場，所以佢嘅滑雪場稱得上係世界級水平。其中，亞布力雅旺斯滑雪埸座落於國家AAAA級旅遊風景區內，佔地十萬平方米，單是此場已經有兩條高山雪道同一座初級滑雪場，周邊配套亦非常完善，詳情按此查詢。
地址︰黑龍江省尚志市
開放日期：每年11月中旬至翌年3月下旬
韓國
5. 龍平滑雪度假村
龍平滑雪度假村離韓國首都首爾只係3小時車程，係韓國境內其中一個最大嘅滑雪場。滑雪場有28條滑雪道可以任揀，並有14部空中纜車，雪道大半都為中高階者而設，自問滑雪技巧有返咁上下嘅可以挑戰一下。去完滑雪場之後，仲可以順便玩埋附近嘅大關嶺三養牧場同埋五台山國立公園添，詳情按此查詢。
地址︰江原道平昌郡大關嶺面奧林匹克路715
開放日期：每年11月下旬至翌年3月下旬
6. High 1滑雪度假村
High 1滑雪度假村有18條滑雪道，無論你係初學者，定係高階玩家，都照顧到你需要！如果你滑雪滑到攰，仲可以去度假村入面嘅賭場試下手氣。除此之外，度假村附近都有酒店，所以如果你覺得即日來回首爾好攰，都可以喺嗰度過一晚，詳情按此查詢。
地址︰江原道旌善郡古汗邑
入場費用：常日券成人57,000韓圜、半日券成人46,000韓圜、全日券成人72,000韓圜。
開放日期：每年11月下旬至翌年3月
7. 熊城渡假村 滑雪 場
同大家介紹過兩個江原道的雪場之後，介紹下首爾近郊嘅滑雪場啦！雖則是郊區，但由首爾出發只需50分鐘便可到達京畿道抱川市的熊城渡假村滑雪埸，總面積有132萬平方米，共11條雪道和8架纜車，設施包括1條選手專用的滑雪道、2條高級滑雪道、2條中級滑雪道和3條初級滑雪道。埸地提供裝備和衣物租借服務，好像上衣和褲子15,000韓圜起，雪靴、雪橇和雪杖等裝備，一天的租金大約是26,000韓圜起。，詳情按此查詢。
地址︰京畿道抱川市內村面金剛路2536街27
開放日期：每年12月初至3月初
日本
8. 北海道新雪谷度假村
日本大大話話加埋有成500個滑雪場，簡直係滑雪發燒友同埋鍾意玩冬季運動人士的天堂！而北海道嘅新雪谷度假村可以話包羅萬有，唔止滑雪場，仲有滑雪學校、雪上娛樂設施、酒店、溫泉、餐廳、購物店等等，所以好受世界各地遊客歡迎。如果你唔止想滑雪，仲想度下假，咁就一定要去呢度歎下世界。新雪谷其實有3個相連嘅滑雪場﹙新雪谷Grand Hirafu、新雪谷度假村、新雪谷Annupuri ﹚，雪質皆為最適合滑雪的粉雪，詳情按此查詢。
地址︰北海道二世古
開放日期：每年12月至翌年4月
9. 輕井澤王子飯店滑雪場
滑雪唔一定要去北海道，東京都可以！輕井澤每年都係日本最早開放嘅滑雪場之一，場地設備有5條初級、2條中級同3條高級滑雪道，非常適合初學者同中級者，亦有專為小朋友而設嘅區域，纜車數目有9架！由東京乘搭新幹線到輕井澤只需要1個小時左右，如果唔想咁趕即日走，仲可以Book定酒店浸埋溫泉慢慢嘆，詳情按此查詢。
地址︰長野縣北佐久郡輕井澤町輕井澤
開放日期：每年11月到翌年4月
10. 白馬地區滑雪場
白馬村位於日本長野縣北部，被北阿爾卑斯的群山環抱，1998年被選為長野冬季奧運的比賽場地。白馬村滑雪場由9個滑雪場組成，包括爺岳滑雪場、白馬五龍滑雪場、栂池高原滑雪場等，粉雪的質和量都令人讚不絕口。除了各個滑雪場獨立發售區域纜車票外，購買了HAKUBA VALLEY共通纜車票的旅客可以自由進入9個滑雪場的纜車登車口。
地址︰白馬村
開放日期：每年11月下旬至5月上旬
溫馨提示：旅遊保險
意外，就係意料之外。去旅行，幾時都係買完機票即刻買份旅遊保險嚟保障自己，尤其係滑雪呢啲高風險運動，就更加要揀份寫明保滑雪呢啲高風險運動既Plan。而家買旅遊保險，唔使再上公司嘅官網，逐個條款慢慢研究！現時 MoneyHero.com.hk 提供一站式旅遊保險平台，只需3分鐘就可幫你比較同立即購買旅遊保險，保單馬上生效，過程如下︰
輸入旅程基本之後，選擇特定保障，例如滑雪可揀選「冬季運動」，就可以一眼睇晒所有保障滑雪嘅保險價錢。
揀啱咗最適合自己嘅旅遊保險之後，你仲可以即時購買，立即上MoneyHero.com.hk 體驗一站式旅遊保險平台！
延伸閱讀：韓國4大人氣滑雪場推介
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 香港都有滑雪場？港人必選10大假日 滑雪 勝地！ appeared first on 理財資訊.