小生命的來臨，令人既興奮又擔心。正準備懷孕的你，又或者懷孕中的孕媽媽們，身邊總有不少長輩或朋友告訴你各種各樣要準備的事項，例如要食葉酸、搵陪月等，但你又知不知道生仔涉及的總開支？就等MoneyHero同你逐一列出，由準備懷孕直至產後初期所涉及的開支，並會教你慳錢大法！幫你減輕BB來了的財政和心理壓力，讓你可以專心養胎！
懷孕相關開支
（點擊以下連結可快速跳至該段落）
| 懷孕階段 | 項目 | 開支 |
| 準備懷孕前： | 懷孕前身體檢查 | HK$1,000 – HK$6,000 |
| 補充劑或補品 | HK$3,000 – HK$10,000 | |
| 懷孕期間： | 產前檢查 | HK$0 – HK$20,000 |
| 育嬰班 | HK$500 – HK$2,000 | |
| 孕媽媽扮靚開支 | HK$3,000 – HK$30,000 | |
| 分娩及產後初期： | 分娩手術及住院 | HK$300 – HK$100,000 |
| BB用品 | HK$3,000 – HK$10,000 | |
| 產後媽媽護理 | HK$5,000 – HK$60,000 |
第1階段：準備懷孕前
幾年前電視節目的一句「贏在射精前」，引起網民熱議。不論呢個講法你buy唔buy，事實上，真的有不少人在懷孕前已早作準備，希望給BB最好的。以下列出幾個最常見的懷孕前準備功夫：
1. 懷孕前身體檢查 (HK$1,000 – HK$6,000)
為了解自己的身體狀況是否適合生BB，不少有生育計劃的夫婦都會進行懷孕前身體檢查。有別於一般身體檢查，懷孕前檢查或者生育檢查會針對檢驗一些具傳染性或者遺傳性的疾病，例如乙型肝炎、性病和地中海貧血等，防止疾病蔓延到下一代。提供懷孕前身體檢查服務的機構眾多，由非牟利機家計會，以至私人診所甚至私家醫院都有，收費差距亦大，由大約HK$1,000至逾HK$6,000不等。
2. 補充劑或補品 (HK$3,000 – HK$10,000)
根據衞生署的指引，除了建議準備懷孕的婦女保持均衡飲食之外，還建議由懷孕前至懷孕的首三個月，每日至少服用400微克葉酸補充劑，以減低胎兒患神經管缺陷的機會。署方亦提到，準備懷孕的婦女要特別留意，一些本地成人容易攝取不足的營養素，包括鐵、鈣、碘、維生素D。所以不少懷孕的婦女或孕婦都會購買補充劑以攝取充足營養，單計這些supplements都可能要數千元。如果再計及花膠這些補品，甚至要keep住睇中醫調理身子的話，又要再加多幾千蚊，加加埋埋成萬蚊都不出奇。不過留意返，補品並不是食得愈多或者愈貴就代表愈好，準媽媽進補前最好先諮詢醫生意見。
第2階段：懷孕期間
如果你已經完成懷孕前的準備，並成功受孕，那先恭喜你！相信你會乖乖繼續食補品同埋照顧好身體，而來到這個階段，要準備的事將會愈來愈多，包括以下幾項：
1. 產前檢查 (HK$0 – HK$20,000)
相信大家都聽過產檢呢個term，想知道孕媽媽和BB的健康狀況，就要去做產前檢查，但要幾耐先做一次呢？衞生署建議，在懷孕28周前，通常會每四至六個星期檢查一次，而28至36周期間，就會每兩至四個星期檢查一次，去到36周之後，就會每一至二個星期檢查一次。按此推算，整個懷孕期間大約有15次產檢。
其實政府有提供免費的產前檢查，不過如果想次次都照超聲波，睇下BB個樣，就要去私家診所或者醫院產檢了，每次大約HK$500至HK$1,000。如果要照埋BB結構，就要多HK$2,000至HK$5,000，如果想驗下多種基因病，包括唐氏綜合症之類，就要做NIFTY或者T21，講緊大約HK$4,000至HK$7,000。計起上來，單計產檢都要2萬蚊，不過如果為了make sure BB健康，相信不少孕媽媽都會拾得花呢d錢。
延伸閱讀：贏在起跑線！產前檢查小知識
延伸閱讀：什麼是產科保障？
2. 育嬰班 (HK$500 – HK$2,000)
如果是第一胎，相信各位新手爸媽都對湊B束手無策。為了更好準備BB來了，孕媽媽和準爸爸可能會想趁懷孕期間報讀嬰育班。坊間有不少機構舉辧育嬰課程，由註冊護士或助產士教你點樣餵B、沖涼、換尿片等技巧。如果想pro d，更加可以報讀陪月班，這些課程收費介乎大約HK$500至HK$2,000。
3. 孕媽媽扮靚開支 (HK$3,000 – HK$30,000)
以上大部分功夫都是為了迎接BB來臨，那麼孕媽媽的需要和感受呢？電視劇都識講，女人生bb，等於即時all in了樣貌、身材和事業。壓力咁大，如果想孕媽媽陀B陀得開開心心，就要適量氹下自己，呢項開支真係因人而異。
隨著孕肚愈來愈大，最基本就是要買過d衫，由內衣褲以至出街衫，甚至腳腫都著得舒服的平底鞋，加加埋埋最少都要幾千蚊。如果講究d，孕媽媽可能會換過晒全套護膚化妝品，又會購買預防妊娠紋之類的產品，再加埋影返攝大肚相，什麼孕婦瑜伽、孕婦按摩等等，真係講得出都有。如果咁樣消費，真係閒閒地花幾萬元。
第3階段：分娩及產後初期
懷胎十月，小心翼翼養胎，終於來到最期待的時候─就是BB要出世了！來到這個final stage，孕媽媽又有咩要準備呢？
1. 分娩手術及住院 (HK$300 – HK$100,000)
重頭戲當然是分娩手術了。在香港，你可以選擇在公立醫院或者私家醫院生仔。如果在公立醫院分娩，只需要支付每晚HK$100的床位費，以一般正常分娩產後住三晚計，總數都只係HK$300！但如果選擇在私家醫院生仔，價錢由大約HK$16,000至HK$100,000，差距咁大，主要視乎你自然分娩定開刀、住邊間醫院，揀咩房等等。
延伸閱讀：比較香港6大私家 產科 醫院！
2. BB用品 (HK$3,000 – HK$10,000)
不少媽媽級的朋友都話，生咗BB之後，買嘢畀BB仲多過自己。BB用品真係多到數唔晒，衫褲鞋襪、奶樽、奶咀，BB床、BB車、孭帶等等，都仲未計各式各樣的玩具，呢d items加加埋埋又幾千，甚至上萬元。
延伸閱讀：BB用品唔慳得？新手爹哋媽咪必讀購物指南
3. 產後媽媽護理 (HK$5,000 – HK$60,000)
而家好多人都會請陪月，一來照顧坐緊月嘅新手媽媽，二來幫手照顧初生嬰兒。陪月每月收費由HK$15,000至HK$40,000，視乎年資、經驗以及每日工作時數。另外，坐月期間，產後媽媽要補身，雞酒、廿八坊，以及要派比親朋戚友的豬腳薑，這些食材加加埋埋又要好幾千蚊。如果貪靚d，要請人紮肚、甚至做treatment修身，分分鐘又要以萬計。
精明慳錢大法
睇完以上有關懷孕涉及的開支，相信不少朋友都已經滴晒汗。不過，又唔使太擔心嘅，即刻睇埋以下分享的精明慳錢大法！
1. 入媽媽會
不少嬰兒產品相關公司，例如奶粉商或者尿片商，都有媽咪會。申請成為會員之後，就有不少迎新禮物。如果你不是特別要求某品牌或者類號，這些實用的BB用品，可以幫你慳返部分買BB嘢嘅錢。另外，媽媽會不時都會舉辦產前講座，講座有禮物送之餘，仲會教下育嬰技巧添！
2. 行BB展
BB展齊集不同種類的BB用品公司，而不少公司都會趁機推出各種優惠吸客，所以在BB展買嘢可能比市面購買便宜。不過大家唔好比折扣沖昏頭腦，胡亂買嘢！而且會場人多擠迫，腹大便便的的孕媽要特別小心呀！
除了去BB展買嘢有優惠之外，護士協會出售的BB用品亦較市面便宜，不過就需要出示會員證。另外，如果支持環保，又不介意用二手產品的話，可以去拍賣網或者睇下身邊的朋友有無BB用品轉贈，又可以慳返筆。
3. 信用卡簽賬回贈
最後教多大家一個慳錢方法，就是選用現金回贈的信用卡去簽賬。現時不少銀行和財務機構都有推出現金回贈信用卡，本地普通簽賬回贈高達2%，去診所覆診或者入醫院分娩都適用，如果在特定日子作指定簽賬，更可享高達5.6%回贈！仲唔快d做個精明慳家的媽媽！
現金回贈信用卡之選
Citi Cash Back 信用卡
2 %
本地消費現金回贈2 %
海外消費現金回贈$ 240,000
最低年薪要求最新優惠
- HK$800超市現金券
- HK$700現金回贈
- 香港文華東方酒店雙人下午茶
MoneyHero獨家迎新禮品
- HK$500超市現金券
渣打Simply Cash Visa卡
1.5 %
本地消費現金回贈2 %
海外消費現金回贈$ 96,000
最低年薪要求最新優惠
- HK$1,000現金回贈
安信EarnMORE銀聯鑽石卡
2 %
本地消費現金回贈2 %
海外消費現金回贈$ 150,000
最低年薪要求最新優惠
- DYSON V7 Fluffy+ 無線吸塵機（HK$170 x 6個月分期付款）
- TEFAL健康氣炸鍋 (FX202D)
- HK$500現金回贈
MoneyHero獨家迎新禮品
- HK$500現金獎賞
渣打Smart信用卡
5 %
本地消費現金回贈0.55 %
海外消費現金回贈$ 96,000
最低年薪要求最新優惠
- 高達HK$1,600現金回贈
美國運通Blue Cash®信用卡
1.2 %
本地消費現金回贈1.2 %
海外消費現金回贈$ 150,000
最低年薪要求最新優惠
- HK$500額外消費回贈及2張戲票
MoneyHero獨家迎新禮品
- HK$300超市現金券
恒生MPOWER卡
5 %
本地消費現金回贈5 %
海外消費現金回贈$ 150,000
最低年薪要求最新優惠
- 高達8張MCL戲院戲票 + 額外$100 Cash Dollars
- 高達$600 Cash Dollars + 額外$100 Cash Dollars
MoneyHero獨家迎新禮品
- $200 Cash Dollars
滙豐Red信用卡
1 %
本地消費現金回贈1 %
海外消費現金回贈$ 120,000
最低年薪要求
安信WeWa銀聯鑽石卡
4 %
本地消費現金回贈4 %
海外消費現金回贈$ 150,000
最低年薪要求最新優惠
- Nespresso Essenza Mini咖啡機
- Nintendo Switch遊戲軟體《健身環大冒險》
- Nikko露營帳篷連睡袋套裝
MoneyHero獨家迎新禮品
- HK$500現金獎賞
滙豐 Visa Signature卡
3.6 %
本地消費現金回贈5.6 %
海外消費現金回贈$ 360,000
最低年薪要求想知道最新嘅理財貼士，就要留意 MoneyHero Blog ，同埋緊貼我哋嘅 Facebook Page
The post 【懷孕前準備】除了食葉酸 你還要知道的孕媽媽開支表一覽 appeared first on 理財資訊.