淘寶「雙11」就快殺到 ！眾所周知，淘寶每年11月11日所謂「光棍節」都會舉辦購物狂歡節，大部分店舖都會瘋狂勁減。依照過往經驗，好多信用卡、官方集運同網店都會喺當日提供折扣優惠。而家就等MoneyHero.com.hk提提你應該申請定邊張信用卡，回顧吓過去推出過咩優惠，做定功課喺 「雙11」賺盡佢！（不斷更新）
信用卡網購優惠
大部份信用卡都會響10月尾至11月初先會公佈「雙11」相關回贈或折扣優惠。不過，有兩張信用卡就長期做緊網購優惠，可以話係網購必備信用卡。
信銀國際Motion 信用卡︰5%回贈
首年使用信銀國際Motion信用卡於網上簽賬滿HK$3,000可獲高達5%現金回贈，呢張卡嘅玩法較為特別，基本現金回贈0.55%係無上限，而4.45%嘅額外回贈就設有每月100蚊上限。不過，呢個回贈都算係咁多張卡之中最高。
迎新禮品方面，首3個月內以零售簽賬額滿HK$6,000或以上，就可以獲贈PROBEETLE by Eminent 24″ 旅行箱或AKAI抗敏UV除蟎機。
建行EYE信用卡︰5倍積分
由而家到2017年12月31日，憑建行EYE信用卡進行網上零售交易，即享5X積分，即2%現金回贈，上限為300,000分，即HK$1200（250分可換取HK$1回贈），這個回贈優惠不設任何簽帳額要求，所有本地及外幣網上零售簽帳均有回贈，是限制最寬鬆的網購信用卡之一。
迎新禮品方面，成功申請埋建行八達通銀聯雙幣信用卡嘅全新客戶，響3個月內簽賬滿HK$4000，可獲500港元現金回贈或Lenovo G03智能運動手帶。
延伸閱讀︰【網上購物必備】5大最高回贈 網購信用卡
信用卡及電子支付「雙11」優惠
DBS 信用卡11%回贈大抽獎
2017年11月11日至12月19日，憑DBS信用卡在天貓 / 淘寶網平台 / 淘寶手機應用程式購物，可享11%現金回贈抽獎機會一次（得獎名額1,000個），最高可獲HK$110現金回贈。詳情
按此了解更多DBS信用卡產品。
建行信用卡5倍積分
即日起至12月31日，用建行(亞洲)信用卡在淘寶網®平台及天貓網 ®平台購物簽賬，盡享5倍積分，須致電37247999或登入www.asia.ccb.com/bprewards登記。詳情
按此了解更多建行信用卡產品。
MasterCard送iPhone
只要在今年11月11日，淘寶網平台或天貓平台購物，第1、11及111個合資格交易，可獲贈iPhone 8 Plus 或iPhone X 一部。詳情
支付寶HK迎新最多賺HK$100
今年11月1日至11月11日，「支付寶 HK 」新用戶（9月28日後下載）為港幣賬戶單次增值金額滿 HK$200，可享HK$50 購物禮券1張。（限量50,000份）首次綁定中銀信用卡再享HK$50迎新獎賞，兩項獎賞僅限於淘寶網平台(world.taobao.com)或天貓平台(tmall.com)購物時使用。詳情
Tap & Go（拍住賞）最多HK$100回贈
今年10月31日至11月11日內首次成功啟動「拍住賞」之新客戶（首3000名），於11月11日當天在天貓（tmall.com/tmall.hk）/ 淘寶網平台以「拍住賞」單一購物滿HK$200，可獲HK$100回贈。（限額10,000個）
另外，於2016年11月1日前已啟動「拍住賞」的舊客戶，於11月11日當天以「拍住賞」單一購物滿HK$200，可獲HK$30回贈。（首5,000名）同樣地，我哋會密切留意Tap & Go 今年會否再次推出相關優惠！詳情
八達通送雪糕
於2017年11月11日當天，首5,000名客戶使用八達通完成合資格交易*，而該單次交易金額達HK$100或以上，可獲得Häagen-Dazs™ 免費單球雪糕電子禮券一張！詳情
*「合資格交易」指以備有NFC（Near Field Communication，近場通訊）的Android流動裝置，或以iOS流動裝置連接八達通流動讀寫器使用八達通App於推廣期內於淘寶網®平台(https://world.taobao.com/)、天貓(tmall.com及tmall.hk)、聚划算®(ju.taobao.com)及飛豬(www.fliggy.com)（統稱「參與平台」）就可接受八達通網上付款的購買交易透過支付寶®服務以合資格八達通扣減賬項以進行的八達通網上付款交易。合資格八達通持有人須在使用合資格八達通進行八達通網上付款交易前，於八達通App為該合資格八達通作一次性登記。
天貓優惠
近年「雙11」期間都有好多搶紅包、搶現金劵等活動，唔係人人有份，可能要花少少時間同心思先至可以得到呢啲優惠，不過大家都可以留意定：
1. 「紅包不停」活動 （已更新！）
- 火炬紅包
最典型嘅搶紅包活動，紅包總金額達2.5億元人民幣，共分為普通紅包、稀有紅包及最高價值1111元的傳說紅包3種紅包。每人最多可以領取及點亮100個紅包。
開搶時間：即日起至11月10日
- 群戰隊紅包
淘氣值超過600分，就可以與朋友組一個「雙11群戰隊」，可以瓜分高達4,000萬元人民幣。
開始時間：10月25日至11月11日
2. 預售搶先購
雙11前，只要睇某啲精選貸品，落埋定金，定金就會翻倍，有時係2倍，甚至4倍。
開始時間：10月20日至11月10日
2. 天貓「雙11」購物津貼
今年，天貓在11月1日至11月11日期間，購買滿特定金額提供減價津貼，例如買滿400元減50元。記住留意「雙11購物津貼標誌」。
運費優惠
話明網上購物，梗係要計埋運費，以下係2017年部份運費優惠，俾大家參考吓︰
1 .搶官方物流紅包
今年「雙11」，連運費紅包都有得搶，搶到紅包後，4PX及中通首公斤免運費，順豐則低至8.45人民幣。詳情
2. 淘寶集運首公斤75折至5折
在淘寶或天貓購物後，你可使用淘寶官方集運，集齊貨品後一併寄至香港。而在上年11月11日當天使用淘寶集運，可享首公斤75折至半價優惠，其中香港人最常用的順豐集運，首公斤只需 ¥17.5（原價¥23）！詳情
想知道更多信用卡嘅優惠資訊？立即使用我哋嘅比較平台，搵出最適合你嘅信用卡！
延伸閱讀：淘寶達人必睇：10大集運公司大比併
相關文章：【唔使搵代購】日本樂天 + Amazon JP 網購 全攻略
相關文章︰2017 感恩節 / Black Friday / Cyber Monday 網購優惠攻略
——
想知道最新嘅理財貼士，就要留意MoneyHero.com.hk Blog，同埋緊貼我哋嘅Facebook Page！
The post 淘寶「 雙11 」大減價：光棍節購物優惠全攻略 2017（不斷更新） appeared first on 理財資訊.