科技日新月異，用手機俾錢、收錢唔再係天馬行空嘅事。港版微信支付 WeChat Pay 於2016年8月登陸香港，初時只有個人對個人轉帳、線上付款、發紅包等功能，直至今個月正式宣佈推出3大升級功能，包括「QRCode收款」、「QuickPay付款碼」以及以及「WeChat Pay Checkout」，簡單嚟講即用家終於可用Wechat Pay於實體店俾錢，小店亦可選擇直接用手機Scan QR Code收錢，無須安裝終端機。
究竟 WeChat Pay 同 TNG、拍住賞、Apple Pay 之類嘅電子支付有乜唔同？等MoneyHero.com.hk同大家一齊了解下WeChat Pay嘅功能特點！
1. WeChat Pay 係乜？
微信支付（WeChat Pay）係微信應用程式向用戶提供嘅一種付款功能，用戶只需要下載最新版本嘅WeChat，點選「錢包」就可以綁定信用卡或存款戶口，通過手機快速完成交易付款。
2. 點用 WeChat Pay？
下載WeChat後，喺「我的設定」中打開「錢包」功能，輸入信用卡卡號同資料，再設定6位數字密碼，方便之後用 WeChat Pay 俾錢時作安全確認，驗證成功就可以綁定信用卡（Visa同MasterCard都適用）。每個賬號最多可以綁定5張信用卡。中信銀行及大新銀行客戶亦可以將存款戶口綁定 WeChat Pay，直接用戶口嘅錢俾錢。
3. WeChat Pay 有乜功能特點？
【新！】實體店付款：
香港用戶在綁定信用卡或存款戶口後，可在Wechat「銀包」內選擇「付款」，然後向接受Wechat Pay的商戶展示付款QR Code，商戶掃描後即完成付款。
線上購物：
透過 WeChat Pay 以優惠價購買指定旅遊景點門票、旅遊套票、人氣食品、服飾同多款美妝產品，甚至可以捐錢俾東華三院同聯合國兒童基金會UNICEF。
轉賬功能：
用戶可以利用 WeChat Pay 錢包內嘅餘額，或者經由信用卡向好友支付款項。每次最多可轉賬$1,500，每月最高$5,000。至於未綁定信用卡或未設定支付密碼嘅客戶，每筆餘額最高為$200，每月最高餘額為$500。
【新！】收款功能
全新「QRCode收款」為個人，家庭式小店及小商戶而設，無需添加好友即可向對方付款及收款。收款者只需在Wechat 右上角選擇「QR Code收款」，然後設定金額；而付款者則點選「掃描QR Code」，掃描收款者手機顯示的QR Code，即可完成交易。
餘額提款：
選擇「餘額」，再選擇「提現」，進入填寫頁面後輸入銀行賬戶號碼、金額同姓名，然後再輸入微信支付密碼，驗證通過後就完成提款操作。不過就算未設定微信付款密碼都可以提款，每月上限為$8,000。目前支援提款嘅銀行包括渣打、中銀、匯豐、恒生同東亞等超過20間銀行。不過中國銀行最快要1-2個工作日到賬，而其他銀行就要2-4個工作日。
其他功能：
用戶可以利用「派利是」功能向指定朋友，派發特定金額嘅「WeChat利是」。另外，用戶都可以喺錢包、支持「優惠劵」嘅官方賬號、應用程式、線上店鋪等獲得優惠券同兌換券等，然後再將優惠券放入錢包中保存，買嘢時就可以用。
4. 商戶優惠
用 WeChat Pay 錢包購買指定產品及服務可享優惠，包括：
- 以優惠價$13租用日本/韓國隨身Wifi（原價$39）
- 以優惠價$304購買澳門金光飛航船票（原價$319）
- 以優惠價$330享用Tesla 轎車機場接送（原價$600）
- 以優惠價$39購買機場快線車票（原價$60）
- 以優惠價$210購買香港至廣州東線火車票
- 以優惠價$65購買山頂纜車套票（原價$71）
5. 信用卡及其他優惠：
順便智能櫃：用Wechat付款滿HK$10減HK$10
首2,000名WeChat Pay香港錢包用戶於推廣期內使用WeChat Pay香港錢包成功向順便智能櫃支付運費、「運費到付」、「貨到付款」、「到付現結」、「代收運費」或「代收貨款」費用，單一消費滿HK$10即減HK$10。每名用戶只可獲享優惠一次。
優惠期：2017年10月30日至12月31日
香港8大電子錢包功能比較
Wechat Pay同香港其他電子錢包有乜唔同？等我哋用一張表Show晒俾你睇：
| 香港8大電子錢包功能比較 | |||||||
| 功能特點 | 八達通 | Apple Pay / Android Pay |
Tap & Go | TNG Wallet | Wechat Pay | 支付寶HK | PayMe |
| 綁定信用卡 | ✓ | ✓ | ✓ | ✓ | |||
| 需要充值 | ✓ | ✓ | ✓ | ✓ | |||
| 線上付款 | ✓ | ✓ | ✓ | ✓ | ✓ | ✓ | |
| 銷售點 流動支付 |
✓ | ✓ | ✓ | ✓ | ✓ | ✓ | |
| P2P轉帳 | ✓ | ✓ | ✓ | ✓ | |||
| 實體卡 | ✓ | ✓ | |||||
| 當面收款 | ✓ | ||||||
| 跨境匯款 | ✓ | ✓ | |||||
| 繳費 | ✓ | ✓ | |||||
由此可見，暫時「本地薑」TNG Wallet同Tap & Go嘅功能最全面，無論上網購物定去實體店俾錢買嘢都可以用到，甚至可以支援P2P轉賬，即係轉賬俾其他用戶，一大班朋友食飯時夾錢就好方便。不過呢類手機錢包要定時充值至用到，相反WeChat Pay、Apple Pay / Android Pay、支付寶等就只需綁定信用卡就用到，可能對某啲用戶來講比較方便。其實WeChat Pay期望未來可以將內地嘅微信支付功能開放至香港，例如喺便利店等零售商直接用WeChat Pay俾錢，又或者電召的士。
想睇更詳細嘅電子錢包比較，可以睇埋：香港6大電子錢包功能大比併
其他電子錢包優惠及攻略：Apple Pay | PayMe | 支付寶HK
想知道更多信用卡嘅優惠資訊？立即使用我哋嘅比較工具，搵出最適合你嘅信用卡！
——
相關文章：【信用卡攻略】香港5大現金回贈信用卡
記得留意我哋 MoneyHero.com.hk Blog，同埋緊貼我哋嘅 Facebook Page！
The post 【手機錢包】 WeChat Pay 攻略 x 優惠 （2017年11月更新） appeared first on 理財資訊.