2016 稅貸 大戰今年提早開打！9月底，南洋商業銀行率先公布將今年稅務貸款實際年利率推低至1.26%，遠超華僑永亨財務去年1.49%全城最低稅貸息率；花旗銀行亦隨即於10月初宣布推出其2016年「稅季貸款」，實際年利率低至1.59%，為該行近年新低！如此低息打頭陣，預料今年稅貸大戰會戰況激烈！如果你打算借錢交稅，不妨睇定啲，等多幾間銀行出招後再作比較。而家就等MoneyHero.com.hk先提提大家，關於揀選稅貸嘅幾個重點，準備好再作出精明選擇！
重點1：APR（實際年利率）
銀行所提供嘅各式優惠（例如免息期、現金回贈等）可能會令你花多眼亂，但記得睇清楚稅貸產品嘅實際年利率（APR）！呢個數先至可以最實際咁俾你知道利息高低，反映出借款嘅實際支出。
重點2：利息優惠有條款
好多銀行在宣傳低息/免息貸款優惠嘅背後，其實係有條款，並非一定人人都可以享受到呢啲優惠。一般而言，低息貸款會有指定嘅貸款額，你要借夠某個數先可享用到嗰個低息優惠，所以借之前記得留意番。
重點3：免息優惠有時限
一般嚟講，所謂免息優惠都只會覆蓋還款期頭幾個月，而唔係成個還款期，所以大家記得睇清楚免息期有幾長。
重點4：信貸評級影響優惠
大家都知，銀行係會參考申請者嘅信貸評級去決定批唔批貸款。其實，銀行亦會根據你嘅信貸評級狀況，去考慮俾唔俾最低息優惠你。如果你嘅信貸評級麻麻，即使能借到貸款都未必能享受到低息優惠或免息期。所以大家要關注一下自己嘅信貸評級喇！
（相關閱讀：理財必讀： 信貸記錄 你要知！）
重點5：稅貸唔止用來交稅
好多人以為稅貸只可以用來交稅，其實唔係。有些人會借稅貸嚟投資或作其他用途，因為稅務貸款嘅利息一般都會比私人貸款平。不過大家要留意，稅貸還款期比較短，所以申請時記得量力而為，衡量一下自己有無足夠還款能力呀！
重點6：新客戶 / 網上申請優惠
通常，新客申請稅貸都會有首次申請優惠。而好多時經由網上申請，不論新客定舊客都會有網上申請嘅額外優惠，所以不妨試試以網上申請，攞盡優惠！
想了解、比較和申請稅務貸款，請密切留意MoneyHero.com.hk的相關資訊，以及上我們的比較平台。
——
延伸閱讀：職場新人指南： 報稅交稅 Q&A
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【 稅貸 大戰2016】借錢交稅要留意的6個重點 appeared first on 理財資訊.