電子錢包日漸蓬勃，近來支付寶HK、Wechat Pay 大舉攻入香港市場，推出唔少功能同優惠吸客。不過如果你擔心付款安全及用戶私隠，可能都會想盡量用返「港產貨」。以港產電子錢包嚟講，目前要數TNG同Tap & Go「拍住賞」功能最齊全，今次MoneyHero.com.hk先講講Tap & Go「拍住賞」嘅功能、使用教學同優惠，再同其他電子錢包比較一下佢嘅優劣之處：
Tap & Go「拍住賞」功能一覽
簡單嚟講，拍住賞係一張非接觸式Mastercard 預付卡（Debit Card），同時出咗實體卡、SIM卡同手機電子錢包App。預付卡同信用卡一樣擁有16位數字號碼，可以當信用卡咁碌，最大分別係預付卡係要戶口有錢先可以用，所以一定要預先增值。拍住賞嘅功能可分為幾大類：
實體商戶付款
支援全球超過6百萬個提供MasterCard感應式之商戶，手機一拍即可付款。部分商戶更支援手機QR Code付款。
網上購物
流動預付MasterCard設計讓你可在網上購物或付款，亦能控制卡內消費及餘額。
繳費功能
透過手機App即時扣數繳費 (目前只可以繳交1010 / CSL / HKT / 網上行 / NOW TV 費用)
即時轉賬
利用手機App的PayBuddy功能，即時過數給親朋好友。
家長功能
家長可透過Tap & Go隨時查詢子女賬戶餘額、接收交易提示、檢視消費記錄及遙距過數予子女。
Tap & Go「拍住賞」同香港其他電子支付工具比較，又有乜優劣之處呢？即睇：
優點：
- 同Mastercard合作，具備超完善付款網絡，去到邊都用到
- 集付款、過數、繳費功能於一身，滿足日常財務需要。（當然同其他電子錢包一樣，佢個繳費可以做得更完善）
- 手機在待機狀態都可付款，可以拎手機當八達通嘟
- 付款時，手機無須連線上網
- 具備家長「監控」功能，隨時過數俾子女，同得知子女每項消費紀錄
- 付款上限 = 儲值額，可幫大洗人士控制消費額，萬一被盜用損失亦有限
缺點：
- 大部分電子錢包都可連接信用卡付款或增值，用戶可賺信用卡積分。Tap & Go 本身作為一張Debit Card，並未推出積分或回贈，對鍾意儲分嘅人而言吸引力大減
- 目前只有用中銀戶口同大新信用卡先可以即時增值，銀行其他要等2日，唔係太方便
- 註冊完唔係即刻用得，需要申請埋張實體卡/SIM卡
- 雖提供P2P轉帳功能，不過對方一定要係Tap & Go 用戶先得，唔及PayMe方便。
如何申請Tap & Go「拍住賞」？
在Google Play Store 或App Store下載「拍住賞」手機錢包程式後，輸入電話號碼、通過SMS驗證，然後再提交身份證照片即可完成註冊，過程只需1分鐘。註冊後你需要取得一張實體「拍住賞」卡，再將卡加入電子錢包內先可以付款。詳見：取得「拍住賞」卡之方法
如何用Tap & Go 在零售商戶付款？
1 /「拍住賞」手機錢包付款
Download完「拍住賞」App、手機註冊完之後，你只係用到增值、PayBuddy 及繳付賬單的功能，如果想喺零售商戶付款，你需要先取得一張「拍住賞」 實體卡（取得方法說明請按此），然後在將卡加入手機錢包，加咗之後就可以進行付款。
進行付款時，只要保持手機App內之「拍住賞卡付款」模式開啟，即可以用手機一拍即付，成功後手機會收到交易成功提示。
2 / 以「拍住賞」SIM 卡付款
1O1O及csl月費服務計劃客戶可免費更換支援「拍住賞」的SIM卡。呢張SIM卡就同信用卡嘅晶片一樣，可以透過不同零售點嘅 Master Paypass 進行即拍即付，但只有配備最新 Android OS 及具備 NFC 功能的手機才能使用，想知多啲可以按此瀏覽支援手機清單。
「PayReady」模式「開啟」：付款時就算手機在備用狀態亦可一拍付款。
「PayReady」模式「關閉」： 按「PayReady」=> 輸入密碼 => 付款(倒時為 60 秒，可按屏幕重設倒時) => 一拍付款。
3 / 透過 Go QR 付款
打開「拍住賞」手機錢包點選「Go QR」，即開啟掃描儀可掃描商戶的QR碼，輸入付款金額，輸入密碼並按「確定」，即完成付款。「Go QR」功能讓不支援Mastercard感應式支付的小商戶也能加入「拍住賞」支付網絡，目前有數十間商戶可用。
4 / 透過 Apple Pay 或 Android Pay 付款
你現在可以將 Tap & Go 加入Apple Pay 或 Android Pay ，輸入並確認資料便可以付款。
5 / 實體卡付款
有啲商戶收Mastercard但不提供感應式支付，呢種情況就可以直接拎張卡出嚟碌（如果你有帶張卡喺身的話)。
如何增值 Tap & Go ?
銀行轉賬
Tap & Go 手機錢包內設有銀行轉帳增值功能。你可以透過中國銀行(香港)網上銀行或大新信用卡，即時增值到你的「拍住賞」大新銀行信用卡。最少增值金額為HK$500。（大新銀行信用卡增值服務只適用於「拍住賞」SIM）。
你亦可以用其他銀行戶口增值「拍住賞」，但需時約2個工作天方存入帳戶。用匯豐及恆生銀行戶口增值，你需要登入網上銀行辦理，其他銀行可直接經Tap & Go 手機錢包增值。
現金增值
你可於以下指定商戶之門市增值，每次增值額以HK$50之倍數計算，由HK$100至HK$3,000不等：
|
|
Tap & Go 有乜安全保障？
交易通知 – 轉賬和交易（包括網上交易）均會發出通知，你亦可隨時查閱交易記錄，盡握資訊。
密碼保護 – 你可以設定每次付款時均需輸入密碼認證。網上購物及自動增值等多項功能均設有開關模式，可於需要時才啟動有關功能。
POS終端機加密驗證 – 付款賬戶與POS終端機的雙重認證及加密驗證，為你提供多重保護。
報失支援 – 萬一遺失手機或「拍住賞」卡，報失後「拍住賞」賬戶會即時停止。
Tap & Go「拍住賞」優惠
MasterCard樂遊賞 指定商戶5%回贈
用「拍住賞」卡註冊 MasterCard樂遊賞，於樂遊賞參與商戶簽賬，即自動獲得相等於有效簽賬金額 5%的樂遊賞積分，累積積分至指定數量就可兌換獎勵商戶禮券或Mastercard預付卡。查看合作商戶
1O1O及csl手機配件9折（全年優惠）
於1O1O使用拍住賞購買指定手機配件可享9折優惠。
憑消費換取Club 積分（全年優惠）
The Club 係HKT 香港電訊之會員計劃。憑Tap & Go 作任何消費滿$1,000 即可獲 1 Club積分，用戶需登記成為The Club會員才可賺取Club積分。
Tap & Go「拍住賞」服務收費及增值上限
每日存入總額：$38,000 / $25,000 (11至17歲)
帳戶儲存限額：$38,000 (18歲以上) / $3,000 (11至17歲)
每年存入總額：$100,000 (18歲以上) / $25,000 (11至17歲)
年費：免費
香港或海外簽賬 (以非港幣交易) 手續費：簽賬金額2%
在海外簽賬 (以港幣交易) 手續費：簽賬金額的1%
補發新卡手續費：$100
提款轉帳費：0.5% (只適用於每位客戶於每月累計提款HK$5,000以上)
——
其他手機錢包攻略：PayMe | Apple Pay | 支付寶HK | Wechat Pay | MasterPass
延伸閱讀：香港6大電子錢包功能大比併
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post Tap & Go「拍住賞」攻略 x 優惠 appeared first on 理財資訊.