香港6大 電子錢包 功能大比併（2017年12月更新）

增值提款功能大不同

用得電子錢包相信個個都貪方便，在保障到安全嘅情況下，增值梗係愈快愈好，最好用手機襟幾個制就搞掂。小編就認為而一個成功嘅電子錢包最緊要係支援到所有銀行戶口同信用卡即時增值，讓無論邊間銀行嘅客戶都用到，而且唔使等。以下係各電子錢包嘅增值方法：

PayMe：可以用Mastercard或Visa信用卡即時增值。如果想拎返錢，可將戶口內的款項退回至你在香港任何一間持牌銀行的港幣個人銀行戶口（每次最多退HK$5,000)，需時約3個工作天。

Tap & Go 拍住賞：只有中銀網上銀行或大新信用卡可以即時增值，最少增值金額為HK$500。（大新銀行信用卡增值服務只適用於「拍住賞」SIM卡）。如用其他銀行戶口增值「拍住賞」，但需時約2個工作天方存入帳戶。

TNG Wallet：基本會員只可透過7-Eleven 即時增值，或透過銀通提款機及網上銀行（只限中銀香港、集友銀行、 南洋商業銀行）增值，需時1-2個工作天。成為尊貴會員後可用信用卡即時增值。

支付寶HK：可於便利店現金增值或用渣打網上銀行轉帳充值。你亦可以添加信用卡(Visa / Mastercard) 付款，直接在信用卡扣賬。

Wechat Pay：只要綁定信用卡及銀行戶口就可以即時付款，包括VISA及Mastercard信用卡、工商銀行、中信銀行及大新銀行戶口。如果想增值可以去7-Eleven或經銀行戶口即時過數(只限大新銀行及中國工商銀行)。

「好易畀」O! ePay：只有渣打銀行支援即時轉賬增值，無渣打銀行戶口嘅話就要與其他銀行設立付款授權設置，需時2個星期，完成之後，以後過數增值需時2個工作天。你亦可以於7-Eleven增值，或用有NFC的手機「嘟」張八達通卡嚟增值。想拎返錢時，除咗可以轉賬至銀行之外都可以入返落八達通。

P2P 個人對個人轉賬：PayMe 功能最周到

P2P嘅轉賬，最常發生當然係食飯夾錢啦！而家肥叔叔同同事食晏，好多時都係俾用緊1%現金回贈自動增值八達通嘅同事先找數，然後大家再用PayMe個別俾返錢，咁就變相個個都連食個茶仔都可以「碌卡食飯」喇！

而家6大電子錢包均已提供P2P轉賬功能，不過轉賬方法、功能同適用範圍就有少少分別。就目前而言，專攻手機轉賬嘅PayMe喺各方面都更勝一籌。首先，PayMe深明唔係人人都有裝佢個App，所以就算對方冇裝PayMe都可以照用Whatsapp、FB Message過數俾佢，另外，添加咗信用卡後係可以即時增值，戶口冇錢？襟個制、輸入密碼就有了。最近仲增設咗收款請求功能，方便提醒朋友找數。提提你，用信用卡增值時仲可以賺信用卡回贈！（詳情：PayMe 過數教學 + 信用卡儲積分攻略）

而支付寶HK、Wechat Pay都有佢嘅好處 –  就係掃瞄咗QR Code就可以向對方收錢，唔一定要知佢聯絡方式，不過前提都係自己同對方都要裝咗個手機錢包先用到，而目前兩者在香港還未算十分普及。

商戶支付功能 Tap & Go 領先

商戶支付功能主要都係Tap & Go 拍住賞領先，因為佢作為MasterCard流動預付產品，基本上舖頭接受MasterCard，兼有非接觸式讀卡器就有得玩，即係幾乎所有大型商戶都可以用！而TNG雖然亦有同多方合作，好似先前有同報攤、自動販賣機合作咁，但似乎最近集中開拓跨境匯款市場多過本地零售支付業務。而另一方面，O! ePay「好易畀」本身係八達通產品，所以要俾錢，不如用返八達通。而Wechat Pay 同支付寶HK，響香港嘅支付功能正在擴展中，除了與大商戶合作外，亦正在嘗試將手機支付拓展至街市同的士。至於PayMe，就連商戶支付功能都未有添！

了解完電子錢包，想搵張適合自己嘅信用卡？即上我地嘅信用卡比較平台啦！

手機錢包使用攻略：PayMe | Apple Pay | 支付寶HK | Wechat Pay | MasterPass | Tap & Go 拍住賞