雖然香港只有夏天才會打風，但在極端天氣之下，近年很多旅遊地點在冬天都曾出現大雪情況，好多時買了廉航機票（延誤機會較大）的朋友好可能要硬食「Delay」，所以MoneyHero.com.hk今次都想比較下市面幾家公司的旅遊保險，大家喺天氣惡劣下而令航班延誤嘅賠償細節！（資料更新︰2017年12月14日）
「旅程延誤」現金賠償
打風及雪災都會影響航班安全，喺保單中屬天氣惡劣以致「旅程延誤」一列。在延誤啟程或抵達時間上，保險公司都有不同定義。以單次旅遊保來說，一般延誤6小時就有現金賠償，賠償額由$250至$500不等（港元．下同），上限約$900至$3,500左右。
保障因航空公司超賣引致之延誤：AXA
AXA的「雅典」及「尊貴」計劃每6小時延誤賠償為$250及$300，上限為$2,000及$2,500，雖然並非眾多保險公司中最高，但卻提供一項特殊保障 — 超額訂票保障，賠償額分別為$5,000及$1萬。
延誤現金最高上限：MSIG
又以「旅程延誤」可賠償現金上限計算，MSIG 的「A 計劃」保障金額上限最高，MSIG 最高賠償3,500元！不過，過了首6小時延誤後，每12小時延誤才獲賠償，每段時間可獲賠償HK$250。
最經濟之選：Zurich 或 FWD
如果大家只係需要好基本嘅航班delay賠償保障，就可以考慮Zurich 的「銅計劃」或FWD的「B計劃」，以一個5日嘅短途日本Trip為例，兩者嘅價錢分別只係HK$118元以及HK$124，比市面其他嘅計劃算平，而且已經包括最基本嘅賠償，即係每延誤6小時賠HK$300。不過，留意Zurich 的「銅計劃」只保首6小時延誤。
「旅程延誤」引致的費用
除了最直接的現金賠償，在「旅程延誤」情況下通常還另有3大賠償項目：損失的旅遊費用、額外酒店費用與海外酒店住宿、以及公共交通費用。
旅程取消賠償
如果你因為惡劣天氣而不得不取消行程嘅話，保險公司就會賠償俾咗錢又冇得退回嘅旅行費用。一般保險公司會提供$3,000至$30,000不等嘅賠償額，其中MSIG 的「計劃A」同 AXA 的「尊貴計劃」保障金額上限最高，最高可達HK$50,000。
大家可以因應個人情況選擇合適嘅旅遊保險。譬如你準備去歐洲旅遊兩三個星期，咁MSIG同AXA呢類賠償額較高嘅計劃就比較適合你。相反，如果你只係去鄰近地區玩幾日，就唔需要選擇賠償額最高嘅旅遊保，畢竟呢類計劃嘅保費都會較貴。
想比較更多旅遊保險，就可以上 MoneyHero.com.hk旅遊保險平台 ，輸入你嘅目的地同旅程日數等資料進行比較，找出最適合你的計劃！
點樣向保險公司索償？
如果因為惡劣天氣而遇到旅程延誤或取消嘅情況，你除咗要填寫索償表格外，仲要記得向航空公司索取證明信，信上要寫明航班因為惡劣天氣而延誤或取消。
此外，如果你要額外花錢訂酒店、乘搭交通，甚至另買機票，咁就要留起住宿費用嘅收據、整個旅程嘅所有登機證及其他交通費用嘅收據，以便遞交保險公司作索償證明。
細心留意條款
最後，點都提醒大家，不同旅遊保險計劃都有許多不同的條款同細節，如有時間最好都係了解清楚再決定是否購買，免得日後發生爭拗。
例如，有部分旅遊保險計劃指明，在旅程延誤下，只能在「現金賠償」或「旅程延誤引致的費用」中，二中選一來得到賠償。又例如，有部分旅遊保險計劃規定行程延誤只保障一程，即所謂的「啟程誤點」，例如旅客要去德國，當中要在北京轉機，如果在轉機時在北京遇上打風而出現延誤，投保者在該程延誤的開支便不會獲賠償。
這些細節，如不事先留意清楚，Touch Wood遇上旅程延誤，心情不好之餘，若然連預計收到的賠償都有落差，那就變成禍不單行了！
延伸閱讀︰【旅遊保險大比拼】邊間保障 手機 、平板及手提電腦？
延伸閱讀︰外遊遇 恐襲 ，旅遊保險保唔保？
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【打風大雪】惡劣天氣班機延誤，旅遊保險點賠法？ appeared first on 理財資訊.