如果你家中 寬頻上網 服務到期，好多時你會發現，無論係什麼服務供應商，即使你係舊客戶，如果自動續約，價錢都可能畀新客戶更貴！好多服務供應商係看準舊客戶唔想煩嘅心理，加上寬頻上網又海鮮價，資訊不透明令好多朋友都嫌太麻煩，續約算數！不過，上網幾乎成為家中必須品，不如等MoneyHero.com.hk幫你比較各大供應商嘅上網價錢，等你可以做個精明消費者啦！（2018年1月更新資料）
各大寬頻公司參考收費
其實大家對寬頻公司都有一定刻板印象啦：Netvigator網上行最快但最貴、香港寬頻性價比OK、有線寬頻就…….但其實無謂用刻板印象評定喇，等我哋幫你比較佢哋嘅服務價錢啦。
我哋今次挑選比較服務嘅條件，就係新用戶、1000M光纖入屋、簽約24個月嘅價錢！（資料只供參考，由各供應商及其代理人於2017年12月提供，實際收費及優惠由供應商決定。）
各大寬頻公司參考收費 |
|||||
|
香港寬頻HKBN |
有線寬頻 | 3 | Smartone |
網上行 |
|
| 網速 | 1000M | 200M* | 1000M | 1000M | 1000M |
| 原價 | $238 | $199 | $598 | $208 | $698 |
| 私人樓宇 參考價錢 | $193^ | $116 | $148# | $148 | $228 |
| 公屋參考 價錢 | $140^ | $116 | $148# | $136# | $168 |
| 安裝費 | 現有流動通訊組合客戶可獲豁免 | 豁免 | 豁免 | 豁免 | $280-680 |
| 免費附加 服務 | myTV SUPER基本版 |
防毒軟件及MangoPRO app 12個月服務 | / |
$100鴻福堂禮券 | 網上行安全上網軟件套裝 |
| ＊有線寬頻在網上只提供200M寬頻的價錢，以上收費僅供參考，最終格價以寬頻公司之報價為準。
^首10個月可享HK$50月費優惠，現有流動通訊組合客戶，可額外免3個月月費（合約為期27個月） #3寬頻必須簽36個月，Smartone必須簽30個月 |
|||||
雖然大家可以透過信用卡自動轉帳繳交寬頻上網費用，但並非所有信用卡都有回贈或積分。咁究竟邊張卡交寬頻上網費最著數？
Citi Reward 信用卡
透過 Citi Reward Visa 信用卡進行電訊公司簽賬，包括以自動轉賬繳付之電訊賬單，全年可享5倍積分。2018年1月31日前，經MoneyHero.com.hk申請可額外獲得100蚊超市禮券。瀏覽更多關於Citi Reward Visa 信用卡之詳情。
（溫馨提示：想知道更多信用卡嘅優惠資訊？立即使用我哋嘅比較工具，搵出最適合你嘅信用卡！）
申請寬頻小知識：
講完價錢，不如又講下一啲申請寬頻要注意嘅小知識。我諗大家都試過，覺得俾寬頻公司呃咗咁：明明話係100M，做乜到要上下載嘢嘅時候，每秒又係得個一千幾百K？等我哋首先幫你搞清楚幾個寬頻上網觀念先啦：
1）乜嘢係光纖上網？
過去我哋嘅寬頻上網，係使用銅線作為傳送資料嘅媒介，傳輸率相對比較低。而近年我哋開始多用咗傳輸率較高嘅光纖上網。光纖其實係由玻璃同塑料製成，成本平得嚟功率又高，最高速理論上可達10G或以上，所以光纖就開始取代咗銅線，成為主要嘅上網連網技術喇。目前市面有提供的光纖上網，速度慢至1M，快至10G都有，當然價錢會有所不同。
2) 街站申請同網上申請，價錢都唔同？
網上申請上網服務，當然比較方便，但其實部份嘅寬頻服務，你係街站申請，價錢都會比較平，根據消委會最新嘅調查，網上行、香港寬頻、有線寬頻及3，於街站申請都有機會較平，但實際情況就要睇你係住咩地區喇。
3）公屋同私樓唔同價錢？
對，同一服務，同一公司，公屋同私樓用戶價錢都不同。除咗公、私樓嘅分別，不同區份亦會有不同的優惠價。此外，部分村屋最近亦開始有光纖入屋服務，但好多時都要俾較高嘅價錢，甚至要俾額外嘅安裝費。
4）光纖入屋定入機房？
另外一個影響網速嘅就係光纖到底係入屋定只係到機房喇。如果係FTTB（Fiber-to-the-Building），即係話光纖只係到你座大廈嘅機房，而由機房到你個住宅單位只係用銅線，代表你要同全大廈用同一寬頻公司嘅人Share速度，速度上非常冇保障。而FTTH（Fiber-to-the-Home）就即係光纖直接入到你所在嘅住宅單位，確保咗你嘅上網速度。
5）上載同下載速度其實不同
當你申請寬頻時，Sales其實係話你聽兩個速度，下載速度一般比上載快，例如當佢話「500M/100M」嘅時候，就代表下載速度係500M，上載速度就係100M。
6）你的電腦會影響上網速度
你所用的電腦設備，包括數據器同Router亦會對速度有影響。有啲寬頻公司提供速度保證計劃嘅時候，都有限制你電腦嘅規格。
7）點先係真正速度？
好喇，重點係，其實就算係500M下載，唔代表你可以1秒內下載500MB嘅檔案，因為佢哋用嘅單位係不同的！寬頻公司口中嘅500M，其實係指網速，而佢哋用嘅單位係bit（位元），而唔係Byte（位元組）。8 bit先等於1 Byte，而我哋平時嘅電腦檔案大小，係用Byte做單位。所以對電腦嚟講，理論上，你要將網速（例如500M）除以8，先係真正速度。
咁你就將500M除以8=62.5M，係唔係就係每秒最高嘅下載速度？又唔係喎，因為係高速傳輸中，傳送1 Byte，就需要傳10 bit，其中2 bit用來做檢查碼。
好複雜？簡單啲講，將寬頻公司聲稱嘅速度除以10，就大約係你電腦最快嘅下載速度。例如佢話有500M下載速度，咁你每秒可下載嘅檔案，最大就有約50MB。咁算唔算快呢？其實都係睇你點用法啦。
相關文章︰【信用卡攻略】 儲飛行里數 必備信用卡
相關文章︰【信用卡攻略】香港5大 現金回贈 Cash Back 信用卡
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 光纖入屋 寬頻上網 價錢比較！（2018年1月價錢更新） appeared first on 理財資訊.