Image may be NSFW.
Clik here to view.
科技日新月異，用手機俾錢唔再係天馬行空嘅事，再加上金管局8月嗰陣發出咗首5張儲值支付工具牌照俾八達通、TNG、支付寶、拍住賞同 WeChat Pay ，令電子付款嘅競爭更加白熱化。雖然港幣支付寶幾時推出仲係未知之數，但港版微信支付 WeChat Pay 就一早登陸香港，除咗購買指定商品同服務有優惠外，最近仲成為全港第一間支援儲蓄戶口實時轉賬嘅電子支付營運商。究竟 WeChat Pay 同 TNG、拍住賞、Apple Pay 之類嘅電子支付有乜唔同？等MoneyHero.com.hk同大家一齊了解下！
1. WeChat Pay 係乜？
微信支付（WeChat Pay）係微信應用程式向用戶提供嘅一種付款功能，用戶只需要下載最新版本嘅WeChat就可以通過手機快速完成交易付款。
2. 點用 WeChat Pay？
下載WeChat後，喺「我的設定」中打開「錢包」功能，輸入信用卡卡號同資料，再設定6位數字密碼，方便之後用 WeChat Pay 俾錢時作安全確認，驗證成功就可以綁定信用卡（Visa同MasterCard都適用）。每個賬號最多可以綁定5張信用卡。中信銀行客戶亦可以將存款戶口綁定 WeChat Pay，直接用戶口嘅錢俾錢。
3. WeChat Pay 有乜功能特點？
線上功能：
透過 WeChat Pay 以優惠價購買指定旅遊景點門票、旅遊套票、人氣食品、服飾同多款美妝產品，甚至可以捐錢俾東華三院同聯合國兒童基金會UNICEF。
餘額提款：
選擇「餘額」，再選擇「提現」，進入填寫頁面後輸入銀行賬戶號碼、金額同姓名，然後再輸入微信支付密碼，驗證通過後就完成提款操作。不過就算未設定微信付款密碼都可以提款，每月上限為$8,000。目前支援提款嘅銀行包括渣打、中銀、匯豐、恒生同東亞等超過20間銀行。不過中國銀行最快要1-2個工作日到賬，而其他銀行就要2-4個工作日。
轉賬功能：
用戶可以利用 WeChat Pay 錢包內嘅餘額，或者經由信用卡向其他用戶支付款項。每次最多可轉賬$1,500，每月最高$5,000。至於未綁定信用卡或未設定支付密碼嘅客戶，每筆餘額最高為$200，每月最高餘額為$500。
其他功能：
用戶可以利用「派利是」功能向指定朋友，派發特定金額嘅「WeChat利是」。另外，用戶都可以喺錢包、支持「優惠劵」嘅官方賬號、應用程式、線上店鋪等獲得優惠券同兌換券等，然後再將優惠券放入錢包中保存，買嘢時就可以用。
4. 商戶優惠
用 WeChat Pay 錢包購買指定產品及服務可享優惠，包括：
- 以優惠價$499購買LeSports NBA 12個月組合（原價$899）
- $15購買Pacific Coffee細杯裝電子咖啡券（原價$30）
- 以優惠價$42購買機場快線車票（原價$60）
- 以優惠價$334購買海洋公園門票（原價$385）
- 以優惠價$119購買昂坪360纜車門票（原價$130）
- 以優惠價$304購買金光飛航船票（原價$319）
5. 信用卡及其他優惠：
DBS 信用卡
首次將DBS信用卡（例如DBS Black Card、DBS Eminent Card同DBS Compass Visa）綁定WeChat Pay，任何簽賬即送$50現金回贈，毋須登記。不過只有頭4,000個DBS卡卡主至可以享有呢個優惠。（推廣期至2016年10月20日）
想了解更多DBS信用卡詳情，請按此。
中信銀行（國際）
中信銀行推出「好易轉好易發大激賞」。頭2,000位信銀國際嘅客戶只要喺推廣期內以存款戶口綁定及支付WeChat Pay小額轉賬的客戶，即可獲現金$28。而推廣期每個星期，你只要以存款戶口支付10筆$20或以上嘅WeChat Pay小額轉賬，就可以自動參加大抽獎，有機會贏取$288現金獎賞。整個推廣期內，累積支付額最高嘅頭3位客戶更可得到$2,888現金大獎。有關優惠詳情按此。（推廣期至2016年11月27日）
想了解更多中信銀行信用卡詳情，請按此。
Image may be NSFW.
Clik here to view.
由此可見，暫時「本地薑」TNG Wallet同Tap & Go嘅功能最全面，無論上網購物定去實體店俾錢買嘢都可以用到，甚至可以支援P2P轉賬，即係轉賬俾其他用戶，一大班朋友食飯時夾錢就好方便。不過呢類手機錢包要定時充值至用到，相反WeChat Pay、MasterPass同Apple Pay就只需綁定信用卡就用到，可能對某啲用戶來講比較方便。其實WeChat Pay期望未來可以將內地嘅微信支付功能開放至香港，例如喺便利店等零售商直接用WeChat Pay俾錢，又或者電召的士。
除咗港幣支付寶尚未推出外，仲有Samsung Pay、PayPal、銀傳同通濟隆等支付工具都仲等緊金管局發牌，相信電子支付大戰將會愈演愈烈。想知多啲其他電子支付平台嘅功能同優惠？立即睇：【唔使俾現金】香港5大常用 電子付費！
——
延伸閱讀：【用手機夾番錢？】香港各大銀行 P2P 手機轉帳全攻略
延伸閱讀：【信用卡攻略】香港5大 現金回贈 Cash Back 信用卡
記得留意我哋 MoneyHero.com.hk Blog，同埋緊貼我哋嘅 Facebook Page！
The post 【手機錢包】 WeChat Pay 攻略 x 優惠 appeared first on 理財資訊.