香港平靚正拍拖好去處（2018年1月）

Image may be NSFW.
Clik here to view. 香港平靚正拍拖好去處

好多情侶雖然無時無刻都想見到對方，不過日日去拍拖，個荷包都幾傷！但成日留喺屋企又會好快冇晒新鮮感。其實拍拖唔一定要使好多錢，香港都有好多拍拖好去處架。即刻睇下MoneyHero.com.hk為大家推介嘅低消費拍拖方法啦！我哋仲會不時更新資料。（2018年1月更新）

1）期間限定活動

AIA 歐陸嘉年華2017 / 2018

Image may be NSFW.
Clik here to view. aia

AIA 歐陸嘉年華響2017年12月重開，聖誕、除夕Miss 咗唔緊要，因為嘉年華會橫跨農曆新年，到時拜完年拍拖又有好節目！今次AIA 歐陸嘉年重頭遊戲係全新高約50米嘅「Carpiolo」，會在高空進行360度旋轉，當然仲有飛天鞦韆、燈塔滑梯等機動遊戲。唔想咁刺激亦可以現下攤位遊戲贏公仔！

日期：2017年12月21日 – 2018年2月25日（1月12日不對外開放）
時間：早上11時至晚上11時
地點：中環龍和道新海濱

愉景北海濱︰「情約二月﹒緣牽中西」

Image may be NSFW.
Clik here to view. 愉景北海濱

雖然現在只是一月，但商戶已開始準備情人節佈置，吸引人流。D’Deck及愉景北商場將以大量桃花佈置全場，又設計了「喜鵲桃花園」及「海濱心鎖長廊」，情侶可以免費換領心鎖，掛在長廊的心型裝置上。2月14日則會將千點心形燭光，鋪在大白灣沙灘上，十分壯觀。

心鎖換領詳情

日期：2月10日至2月14日 (星期六至三)

時間：下午2時30分至晚上11時正

地點：愉景北商場鐘樓前心鎖換領處

24蚊睇極光：太空館《夢幻極光》

Image may be NSFW.
Clik here to view. 太空館

去冰島睇極光，淨係機票都可能成萬蚊，想睇呢個珍貴又浪漫嘅天文現象，其實唔使吓吓飛去北歐，香港太空館最近放映天象節目《夢幻極光》，利用縮時攝影捕捉極光的千姿百態，再重現在球幕之上。觀眾最平只需比24蚊就可以買到前座位置，坐定定睇極光！

日期︰2017年5月1日至2018年1月31日
地點︰香港太空館何鴻燊天象廳

入場費︰
前座24元，後座32元(標准票)
前座12元，後座16元(優惠票)
優惠票適用於全日制學生、殘疾人士（及一名同行照料者）及60歲或以上高齡人士

資料來源︰太空館官方網站

西九文化區︰「自由約」玩足半年

Image may be NSFW.
Clik here to view. 西九文化區︰「自由約」

文青情侶注意，集工作坊、市集、音樂、藝術表演於一身嘅自由約會係9月9日回歸！今次嘅主題係「你的Freespace 故事」，屆時唔同嘅創作人會響唔同月份出場，打頭陣嘅係將於2017年11月響冰島電波音樂節演出嘅雞蛋蒸肉餅、Interzone Collective、PHOON等。手作市集「海角地攤 2046」將首度增設Popup store。你同另一半仲可以參加每月一次嘅「WE Dance」演出同工作坊，節目豐富。

日期︰
2017年10月8日（2pm-7pm）
2017年11月11日及12日（2pm-10:30pm）
2017年12月10日（2pm-7pm）
2018年1月14日（2pm-7pm）
2018年2月11日（2pm-7pm）
2018年3月10日（2pm-10:30pm）及11日（2pm-8pm）

地點︰西九文化區苗圃公園
費用︰免費入場

延伸閱讀︰2018香港演唱會攻略

延伸閱讀︰【香港紅葉攻略】香港市區5大賞楓好去處

2）享受戶外樂趣

拍拖輕鬆行山景點：無敵夜景嘉頓山

Image may be NSFW.
Clik here to view. %e5%98%89

一講到行山，平時冇咩做運動嘅另一半實會耍手擰頭，但其實香港有座山，唔使行一個鐘就可以到達山頂，仲飽覽九龍夜景，呢座山叫嘉頓山！而且，交通十分方便，只需喺深水埗港鐵站行10分鐘就到山腳。

建議路線：首先搭港鐵到深水埗站D出口，再向石峽尾方向行10分鐘左右，你就會見到嘉頓麵包廠，之後你會望到美荷樓旁邊有座山。沿住樓梯一路向上行幾個字已經有得小休同睇景，想睇到更全面嘅九龍全景就要行多幾個字，好快就會去到山頂，適合比較少做運動嘅情侶。

世外桃源：英式山頂花園　拍拖野餐勝地

Image may be NSFW.
Clik here to view. peak-garden

唔好再話去歐洲先有靚地方Chill喇！比較鮮為人知嘅前港督別墅「後花園」就好似世外桃源，令你樂而忘返。擁有濃烈英式風格、古老維多利亞式建築嘅山頂公園，景觀十分開揚，入面有大草坪、維多利亞式涼亭、小山丘、水池，寧靜宜人嘅環境好適合情侶拍拖。鋪張野餐布、拎住本書、曬下陽光，寫意嘅生活有時就係簡簡單單。

建議路線：由山頂凌霄閣出發，沿著柯士甸山道（山頂餐廳旁）往上行，中途見到柯士甸遊樂場，繼續一直走就會見到藍白色守衛室，再行前多幾步，就到呢個世外桃源！

秘密日落觀賞點：屯門石仔灣碼頭

Image may be NSFW.
Clik here to view. 12513651_1017828678309270_1855141116129591992_o

唔講唔知，原來屯門可以睇到咁靚嘅日落，剩係睇相都覺得好浪漫！呢個地方叫「石仔灣」，位於馬灣旁邊，係香港僅存嘅舊式漁村，嗰度有一連串嘅漁排及木橋碼頭，可一覽屯門公路以及西面海岸，係完美嘅日落觀賞點！喺度睇日落仲有另一個好處，就係可以遠離煩囂，靜靜咁同另一半享受難得嘅二人世界。

建議路線：由中環或荃灣碼頭乘搭渡輪至珀麗灣碼頭，再步行前往。

盡覽270度維港景︰海港城觀景台

Image may be NSFW.
Clik here to view. abc

海港城花近5年時間建造的全新觀景台「海運觀點」最近落成，10月23日開始已經免費開放予公眾參觀，觀景台可以飽覽270度維港景觀，亦設有兩個6,500平方呎的活動平台，其中一個更是天然草坪，另一邊則是石地，情侶可以盡情影相「打卡」。

開放時間︰早上7:00至晚上12:00
地點︰海港城海運大廈末端（鄰近郵輪碼頭）
費用︰免費入場

詳情︰海港城官方網站

3）觀塘工廈一日遊

好多情侶閒時都會一齊行下商場、買下嘢。但你最近係咪覺得商場來來去去都差唔多，行到厭晒？咁不如試下去工廠大廈尋寶吧！

各區工廠大廈都有好多特色小店，好多時都係東一間、西一間咁散落喺唔同地方，而觀塘嘅「怡生工業中心」E座和G座就打通咗一樓全層，盡攬各式店舖，包括露營用品、護膚品、精品雜貨、美甲、樂器、波鞋、韓國貨等，應有盡有，地下仲有特賣場添，加上嗰頭又有好多平靚正餐廳，消磨一日半日時間絕對唔成問題！

4）齊齊潮做文青

最近大熱嘅「文青」風氣直捲香港，想嘗試過一日文青生活，不妨試下帶埋男/女朋友一齊試下坊間手作仔！當中以Art Jamming、整皮工作坊、押花班、咖啡拉花班等等最為受歡迎。如果想搵啲比較價錢合宜嘅班，可以搵下係工廈開嘅班，當中好多都係年青人創業嘅生意仔。講到小編都好想今個周末即刻去Join！

（為另一半安排生日活動？必讀：壽星有著數！2017 生日優惠大搜羅）

5）煮飯仔

如果你同另一半都鍾意食嘢，一齊煮飯仔就最啱啦！網上有好多簡易食譜，煮一餐見得人嘅飯冇難度！坊間都有啲網頁係幫你執齊晒一道菜需要嘅材料，送上你屋企，等你可以輕輕鬆鬆下廚，但價錢就會比較貴。一齊煮飯仔，製造自己嘅「心血結晶」，絕對增加情趣！不過最好就傾清楚邊個洗碗，唔係煮飯仔就變成嗌交啦！

（成日同另一半出外用餐，必備一張餐飲最佳信用卡，等我哋即刻幫你比較下，即進入餐飲優惠信用卡比較平台。）

6）博物館

一聽到去博物館可能好多人都會覺得好悶。但其實而家博物館都唔係咁死板。香港嘅博物館逢星期三免費入場。例如去科學館就可以喚起好多人嘅童年回憶，同你嘅另一半重拾童真，玩下番梘泡、鏡子迷宮，都可以過一個輕鬆嘅週末。又或者去太空館睇星象電影，當係去左睇星星，都係慳錢嘅好去處。

7）宅在家

其實拍拖最慳錢就係唔出街，而兩個人靜靜地留喺屋企都可以好浪漫。一齊窩喺Sofa睇一齣戲（無論係荷里活大片定係個個星期日都有嘅周星馳），又唔使俾錢買戲飛同爆谷，夠慳！甚至有啲情侶會一齊打機，真正係寓娛樂於拍拖。

其實講到尾，好多時去邊都冇謂，重點係同你邊個一齊。就算唔用好多錢，都可以一齊創造美好回憶。MoneyHero.com.hk為你比較咗咁多低消費拍拖熱點，快啲帶你另一半去啦！

（睇戲可以留意︰Netflix VS Amazon Prime Video 歐美煲劇神器大比併）

就算真係要消費，最好都係申請張現金回贈信用卡旁身！

1）Citi Cash Back Visa 信用卡

Image may be NSFW.
Clik here to view.

近期推出嘅Citi Cash Back Visa信用卡主打餐飲現金回贈，所有本地食肆及酒店簽賬可獲2%現金回贈、其他簽帳1%回贈。新客戶2個月在迎新期內簽賬滿HK$15,000，仲會直接回贈HK$1,500，或簽賬滿HK$10,000 / 5,000，可分別獲得HK$1,000或$500惠康現金劵！查看信用卡詳情

2018年1月31日前經MoneyHero.com.hk申請Citi Cash Back Visa信用卡，獨家送HK$200超市現金券。

Image may be NSFW.
Clik here to view.