【手機錢包】 WeChat Pay 攻略 x 優惠 （2018年1月更新）

科技日新月異，用手機俾錢、收錢唔再係天馬行空嘅事。港版微信支付 WeChat Pay 於2016年8月登陸香港，初時只有個人對個人轉帳、線上付款、發紅包等功能，直至今個月正式宣佈推出3大升級功能，包括「QRCode收款」、「QuickPay付款碼」以及以及「WeChat Pay Checkout」，簡單嚟講即用家終於可用Wechat Pay於實體店俾錢，小店亦可選擇直接用手機Scan QR Code收錢，無須安裝終端機。

究竟 WeChat Pay 同 TNG、拍住賞、Apple Pay 之類嘅電子支付有乜唔同？等MoneyHero.com.hk同大家一齊了解下WeChat Pay嘅功能特點！（2018年1月更新）

1. WeChat Pay 係乜？

微信支付（WeChat Pay）係微信應用程式向用戶提供嘅一種付款功能，用戶只需要下載最新版本嘅WeChat，點選「錢包」就可以綁定信用卡或存款戶口，通過手機快速完成交易付款。

2. 點用 WeChat Pay？

下載WeChat後，喺「我的設定」中打開「錢包」功能，輸入信用卡卡號同資料，再設定6位數字密碼，方便之後用 WeChat Pay 俾錢時作安全確認，驗證成功就可以綁定信用卡（Visa同MasterCard都適用）。每個賬號最多可以綁定5張信用卡。中銀香港、工商銀行、中信銀行及大新銀行客戶亦可以將存款戶口綁定 WeChat Pay，直接用戶口嘅錢俾錢。

3. WeChat Pay 有乜功能特點？

實體店付款：
香港用戶在綁定信用卡或存款戶口後，可在Wechat「銀包」內選擇「付款」，然後向接受Wechat Pay的商戶展示付款QR Code，商戶掃描後即完成付款。

線上購物：
透過 WeChat Pay 以優惠價購買指定旅遊景點門票、旅遊套票、人氣食品、服飾同多款美妝產品，甚至可以捐錢俾東華三院同聯合國兒童基金會UNICEF。WeChat Pay HK 最近宣佈與港鐵合作，香港乘客可透過WeChat Pay HK購票。

轉賬功能：
用戶可以利用 WeChat Pay 錢包內嘅餘額，或者經由信用卡向好友支付款項。每次最多可轉賬$1,500，每月最高$5,000，每年上限 $100,000。至於未綁定信用卡或未設定支付密碼嘅客戶，每筆餘額最高為$200，每月最高餘額為$500。

經由信用卡轉帳俾朋友 / 向朋友付款，可以賺取信用卡積分及回贈．但只限於將「增值電子錢包」列為合資格簽帳的信用卡，包括：

^（2018年1月更新）有用家試過用渣打呢2張卡增值有回贈。
*所有匯豐、恆生、銀聯、美國運通(AE)、東亞、AEON信用卡都冇得透過增值儲分。
*銀行有可能隨時更改增值電子錢包的儲分條款

收款功能
全新「QRCode收款」為個人，家庭式小店及小商戶而設，無需添加好友即可向對方付款及收款。收款者只需在Wechat 右上角選擇「QR Code收款」，然後設定金額；而付款者則點選「掃描QR Code」，掃描收款者手機顯示的QR Code，即可完成交易。

跨境匯款
2018年1月17日起，香港用戶可將帳戶中的港幣匯至中國內地Wechat好友的關聯銀行帳戶，收款人直接收取人民幣。不過內地用戶則無法將人民幣兌換至港幣匯至香港，僅限香港用戶單方面匯款。

餘額提款：
選擇「餘額」，再選擇「提現」，進入填寫頁面後輸入銀行賬戶號碼、金額同姓名，然後再輸入微信支付密碼，驗證通過後就完成提款操作。不過就算未設定微信付款密碼都可以提款，每月上限為$8,000。目前支援提款嘅銀行包括渣打、中銀、匯豐、恒生同東亞等超過20間銀行。不過中國銀行最快要1-2個工作日到賬，而其他銀行就要2-4個工作日。

其他功能：
用戶可以利用「派利是」功能向指定朋友，派發特定金額嘅「WeChat利是」。另外，用戶都可以喺錢包、支持「優惠劵」嘅官方賬號、應用程式、線上店鋪等獲得優惠券同兌換券等，然後再將優惠券放入錢包中保存，買嘢時就可以用。

4. 港版 Wechat Pay如何使用中國大陸錢包？

Wechat Pay 的香港錢包與中國大陸錢包並不互通，香港錢包用戶若需要開通中國大陸錢包功能，請將WeChat升級到最新版本，接收WeChat中國錢包用戶發送任何一筆金額不限的人民幣利是或轉賬，然後進行戶口綁定。以往用戶一定要進行實名認證，並連結內地銀行戶口或信用卡方可開通內地錢包。不過微信支付於2018年1月23日宣佈，現憑任何一張 MasterCard、Visa 或 JCB 卡，都可連結與啟動內地微信支付功能。目前的開通方法有2種：

1. 綁定任何 MasterCard、Visa 或 JCB 信用卡，但這方法只可以線上形式支付，例如：網購、手機召車、購票、共享單車租賃等用途，但不包括線下支付，包括實體商戶內的消費。
2. 綁定任何由內地 71 家銀行發出的信用卡或銀行卡，並出示有效護照、大陸居民身份證、港澳回鄉證或台胞證的證明，即可進行線上及線下付款，以及以該信用卡或銀行卡，啟動 QQ 錢包。

當你同時擁有香港及中國錢包功能，點擊錢包首頁右上角的「切換錢包地區」即可選定某一地區錢包。

5. 精選商戶優惠

用 WeChat Pay 錢包購買指定產品及服務可享優惠，包括：

• 以優惠價$13租用日本/韓國隨身Wifi（原價$50-60）
• 以優惠價$23租用泰國隨身Wifi（原價$50）
• 以優惠價$304購買澳門金光飛航船票（原價$319）
• 以優惠價$330享用Tesla 轎車機場接送（原價$600）
• 以優惠價$39起購買機場快線車票（原價$60）
• 以優惠價$210購買香港至廣州東線火車票
• 以優惠價$65購買山頂纜車套票（原價$71）

6. 信用卡及其他優惠： 

中銀香港：智能賬戶綁定 WeChat Pay HK 可享 HK$50利是

以中銀香港銀行賬戶綁定WeChat Pay HK錢包，即獲高達HK$50 WeChat 利是！

首5,000名以中銀香港智能賬戶綁定WeChat Pay HK錢包的合資格客戶可享HK$50 WeChat利是；其後的35,000合資格客戶可享港幣18.8元WeChat利是。利是將於符合所有條件的合資格客戶完成綁定後即時獲發，合資格客戶必須於WeChat利是發出後的72小時(「利是索取期」)內於WeChat手機應用程式領取。

推廣期：即日至2018年1月31日

節慶禮遇：消費即享高達HK$100即時折扣

即日至2018年1月31日，WeChat Pay HK用戶於以下指定合作商戶，簡單進入「錢包」功能並按「付款」，每惠顧滿港幣30元，可享HK$15即時折扣；每滿HK$100更享高達HK$50即時折扣！

• 美心集團：美心MX、香港地、美心西餅、東海堂、MINH & KOK (上環信德中心分店)
• 稻香集團：稻香、稻坊、迎囍大酒樓、客家好棧、稻香超級漁港、潮樓、潮館、鍾菜、鍾廚、迎。潮、迎囍皇宮、稻。小廚、HITEA 巧味、T CAFE 1954、T. POINT
• 一田百貨、日本城、周大福、香港中旅粵港澳巴士*每個WeChat Pay HK賬號最多可享兩次優惠。

香港8大電子錢包功能比較

Wechat Pay同香港其他電子錢包有乜唔同？等我哋用一張表Show晒俾你睇：

以功能廣泛程度而言，Wechat Pay HK 是目前最多功能的電子錢包，除了支援線上及實體店付款，還有P2P轉賬、當面付款及跨境匯款，還有新年常用的派利是功能。想睇更詳細嘅電子錢包比較，可以睇埋：香港6大電子錢包功能大比併

其他電子錢包優惠及攻略：Apple Pay | PayMe | 支付寶HK | Tap & Go

想知道更多信用卡嘅優惠資訊？立即使用我哋嘅比較工具，搵出最適合你嘅信用卡！

——

相關文章：【信用卡攻略】香港5大現金回贈信用卡

記得留意我哋 MoneyHero.com.hk Blog，同埋緊貼我哋嘅 Facebook Page！

The post 【手機錢包】 WeChat Pay 攻略 x 優惠 （2018年1月更新） appeared first on 理財資訊.