適逢農曆新年，各大傳媒都搵咗出名嘅風水師預測今年狗年的生肖運程，無論信唔信風水嘅朋友應該都會好奇望下，睇下嚟緊一年運勢如何。但你有冇諗過，呢啲生肖運程到底有幾成準？不如等MoneyHero.com.hk 帶大家回帶一下，睇番舊年的生肖運程預測，你就知道邊個風水師講得最中（亦或全部都唔中）啦！
2017雞年運程回顧 – 各 風水師 講得中唔中？
屬雞嘅朋友
麥玲玲
麥師傅上年話過，屬雞嘅朋友在雞年會比較多變動，做事容易一波三折。未有結婚打算者容易同另一半感情生變，事業上則可望大展拳腳，唯人際關係上較多變化，想轉工嘅要confirm咗新offer先好辭職。健康麻麻地，腹部容易出問題，容易有小手術或受金屬所傷。
蘇民峰
蘇師傅則話，屬雞者在雞年容易被悲觀情緒影響，容易影響同另一半感情，亦容易遇上意外同損傷。打工仔的事業發展不大，但freelancer會多咗job，財運相應增加。
李丞責
李師傅表示屬雞嘅朋友在雞年小心禍從口出，要小心說話為上。見工、讀書、考試會特別順利，亦容易出門發展，對動態工作比較有利。因為犯太歲嘅關係，要特別留意長輩的健康，自己本身亦容易有損傷或需要長時間休息。感情方面，單身嘅朋友容易有新感情，已有另一半人士容易有重複桃花，可藉結婚或計劃生小朋友化解。
屬狗嘅朋友
麥玲玲
屬狗嘅朋友在雞年運程不俗，財運平穩，有利投資海外市場。事業運順遂，今年容易遇上男性貴人，上司是男性或會有升職機會；感情較為反覆，女性有機會遇上條件不錯的心儀對象；健康方面可能會有小病小痛不過無大礙。另外要留意口舌是非較多。
蘇民峰
屬狗嘅朋友在雞年比平常多點是非，會有男貴人的幫助，但會容易遇上女小人。事業會有一番新氣象，如果做生意則容易超出預算。感情上容易跟另一半吵架，但不會嚴重影響雙方關係。健康方面會有一點小毛病，整體不過不失。
李丞責
屬狗嘅朋友在雞年與親人朋友關係不太好，在人情和愛情上都會易出誤會。宜出門工作或對外工作。在駕車、攀爬容易出現危險。
屬豬嘅朋友
麥玲玲
屬豬者在雞年屬「勞而有功」 的年份，有貴人星入主，旁人會對肖豬者特別關顧，事業上做事得心應手，財運也有所進帳。單身者有機會透過人際網絡認識力心儀對象，但已婚者（尤其是男性）會特別感覺孤單，應多花時間與伴侶溝通。整體健康並無大礙，應特別注意飲食和排解壓力。
蘇民峰
肖豬的朋友在雞年比較慵懶，做什麼都好像提不起勁，工作量比往年少。整體感情運有所提升，各方面的人際關係穩定，但容易感覺孤單，可盡量多約朋友外出。除了上半年要小心腎、膀胱、泌尿系統等毛病外，整體健康狀況良好。
李丞責
屬豬嘅朋友在雞年有望置業，亦有利於從事地產行業。事業方面可借助他人之力，於合伙投資或工作特別有利，另外計劃出門或轉職亦未嘗不可。壓力比較大，需要特別留意家中長輩健康。桃花運一般，姻緣感情比較失意。
屬鼠嘅朋友
麥玲玲
屬鼠嘅朋友在雞年的人際關係疲弱，而且是非口舌較多，做事容易遇上波折，宜多與女性貴人合作提升運勢。屬鼠嘅朋友（特別係男性）雞年桃花運暢旺，單身者有望開展新戀情，但已婚的男性則要小心外來誘惑。身體容易有小毛病，而女性則容易有喜。
蘇民峰
屬鼠嘅朋友雞年人緣運佳，單身人士有望結識新對象，已有穩定對象的話雙方關係可再進一步，已婚者有利懷孕。事業較暢順，容易得女貴人幫助，多接近女性有助事業發展，但工作上表現不會太積極，財運不會有太大突破。另外今年的健康運不錯。
李丞責
屬鼠嘅朋友雞年有女貴人星，上司是女性的話會非常有利。年內會收到許多紅色炸彈，亦有望添女丁。財政狀況較為緊張，應要未雨綢繆，量入為出。
屬牛嘅朋友
麥玲玲
屬牛嘅朋友在雞年的運勢會持續向好，小部分人會因為「合太歲」而遇上小波折。財運有輕微進步，整體上落較大。事業運佳，創意工作者在工作上可有突破。人際關係則比較疲弱，人處事宜盡量低調。感情運相對較為乏味，較難展開新感情。較易受傷或犯水險，不宜參與高危活動。
蘇民峰
屬牛嘅朋友在雞年宜學習及投資，不過受社會經濟不景氣影響，如果想作新發展宜三思而後行。今年人緣運不錯，有助升遷，事業發展更上一層樓。易有額外開支，如進修學費，投資者則要小心計算，以免因而令財政出現困境。2017年上半年桃花運旺，單身者有望出Pool。
李丞責
屬牛嘅朋友在雞年有望置業，亦有利於從事地產行業。人緣運佳，可與朋友冰釋前嫌，舊情復熾的機會也高。因為有「官符五鬼」的關係，從事法律界的朋友會有很多Job，但一般人容易會在文件合約上出問題。進行水上活動時容易有危險，故要特別小心。另外，雞年亦容易招惹是非，要注意自己的禮貌和態度，不要太招搖。
屬虎嘅朋友
麥玲玲
屬虎嘅朋友在雞年整體運勢較以往順遂。將有不俗的升遷機會，人緣暢旺，亦可獲得力的貴人扶助，凡事逢凶化吉。事業是稱心如意的一年。財運將會有輕微進步，投資只要不太貪心將可有不俗的收穫。已婚者與另一半關係穩定，感情將會有所提升，新婚者有望於雞年為家中增添新成員。但健康方面難免會有較多傷風，感冒或關節勞損等情況。
蘇民峰
屬虎嘅朋友雞年有機會權力地位提升，打工仔可爭取升遷，Freelancer亦有機會名氣地位提升。單身者上半年有機會出Pool，但有穩定對象上半年要加倍維繫，否則易有變化。健康運平穩，駕駛人士要小心農曆4、7月，多加注意路面安全。
李丞責
屬虎嘅朋友在2017年秋天會特別好運，事業方面對從事珠寶、教育人士較為有利，另外男性的姻緣運會比女性優。屬虎嘅朋友在雞年容易遇上生離死別的事，且容易有小破財。
屬兔嘅朋友
麥玲玲
雞年對屬兔嘅朋友而言是運勢較多波折的一年，有突如其來的開支，如裝修、維修或搬舖等，切忌進行高風險的投機炒賣。雞年容易得罪權貴而招來麻煩阻滯，應盡量保持謙遜低調。感情最容易起變化，單身者在雞年不宜對感情抱有太大期望。健康運一般，容易受金屬所傷，又或是有關節勞損問題，應避開高危活動及時刻注意道路安全。
蘇民峰
屬兔嘅朋友在感情、事業方面都免不了有變化，但未必全然是壞變化。有破財凶星及是非星，會有額外支出，及被小人纏繞，不過平常心面對即可。財運未必有突破，不過事業發展良好，可爭取職位提升。單身者會可發展新戀情，但如果有伴侶便要好好維繫雙方感情，以免分手收場。
李丞責
屬兔嘅朋友雞年運勢轉折，需要提防一下。在人際關係上較多是非，會面對會「左右做人難」的困局。長輩或有健康問題，工作上會有很多難關要過，只要勇往直前問題便會迎刃而解。雞年會有大破財星，不適合賭博和投機。健康方面，今年容易有水險及火險，亦會有些發泠發熱疾病。
屬龍嘅朋友
麥玲玲
屬龍嘅朋友在雞年容易遇上難以預測的變化，凡事需謹慎保守，幸而貴人運強勁，只要能把握助力財運可有進帳，打工一族會備受上司賞識，事業上會大有可為，不過容易有小人出現，切忌好管閒事。未算穩定或未有結婚打算者，雞年容易出現暗湧甚至分手收場。整體健康無太礙，惟腸胃容易出毛病。
蘇民峰
屬龍嘅朋友在雞年人緣和貴人運佳，可為事業帶來正面作用，凡事水到渠成。如果想嘗試做生意，可得各方幫助，在經濟逆轉期亦會有貴人幫助，職場上大展拳腳。單身者如果想展開一段新戀情的機會不大，但有伴侶者感情會更穩固。身體狀況良好，農曆3、6、9、12月特別小心飲食即可。
李丞責
雞年整體運程順利，唯投資投機方面不太順利，去高山或去旅行都要小心。感情方面，若心儀對象身高比你高，機會則比較渺茫，熱戀中的人有機會結婚。
屬蛇嘅朋友
麥玲玲
屬蛇嘅朋友雞年人際關係不俗，將可望拓展人際網絡，特別有利銷售工作者，打工一族的收入亦可望有不俗增長，但職銜上未必有重大升遷。雖說人緣不錯，但不宜與女士合作，以免出現「因財失義」情況。感情運平穩，若遇上合適對象不用過分急進。健康方面，整體心情愉快，亦有不少飲飲食食的機會，要適可而止。
蘇民峰
屬蛇嘅朋友雞年財運亨通，有新發展機遇，特別有利自僱及做生意人士，打工仔亦有升職加人工或客戶增長的機會。人緣運比往年好，為生活及工作帶來一定的助力，打工仔可多買六合彩，可能有意外收獲。感情運方面比較平穩，無健康問題，引致疾病的機會較低。
李丞責
屬蛇嘅朋友雞年食福增強，從事飲食者生意滔滔不盡。在人情是非上會遇到麻煩，容易有損傷或血光之災，最好捐血、洗牙或做身體檢查，亦容易有筋骨問題。感情上有機會陷入三角關係，但整體感情運有突破發展，2017秋天後會更順利。
屬馬嘅朋友
麥玲玲
屬馬嘅朋友雞年整體走勢向好，良好的人際關係有望帶動事業發展，亦有利於開展新的合作計劃。單身者亦有機會結識心儀對象，從事文職者將有升職加薪的機會，薪酬可望得到滿意的調整。不過是非口舌較多，尤其從商者要提防與合作伙伴出現爭拗。健康較往年佳，整體屬輕鬆愉快的年份。
蘇民峰
雞年在眾多生肖中財運最佳，有桃花及貴人幫助，對事業有正面作用，洽談生意都會順利得多。今年較容易與他人有口舌之爭，但不會影響事業。單身者有機會遇上短暫的假桃花，也有機會遇上可長遠發展的對象。健康方面，肺、胃、喉嚨及氣管都容易出現小毛病，此外皮膚也容易出現敏感不適。
李丞責
屬馬嘅朋友雞年的桃花運是眾生肖之中最旺，同時有好及不好的桃花，有穩定伴侶者可考慮結婚，已婚的朋友最好以添丁來化解桃花。正財和橫財運都不錯，但要小心言行，避免口舌之爭。
屬羊嘅朋友
麥玲玲
肖羊者於雞年係奔波勞碌嘅一年，做事會遇上較多困難阻滯，凡事需要親力親為，欠缺貴人助力。財運雖未有大進賬，但不是破財年份。工作表現可獲上司認同，惟與同輩之間的關係則較為緊張，建議報讀與工作相關的課程增值自己。感情運平淡如水，未有太大進展。身體會有小毛病，家宅運較弱，要小心看管個人財物。
蘇民峰
肖羊者於雞年由於外來助力不足，所以很多事都要親力親為才可獲得成績。單身者在2017上半年仍有機會找到對象，對打工仔而言，今年適宜進修學習。財運方面，支出也會比平常多，投資以不變應萬變為佳。健康狀況良好，農曆6月易出現負面情緒。
李丞責
屬羊的朋友在雞年的吉星不多，可考慮轉換工作甚至工作空間可能會有奇蹟出現，去南半球的地方有助提高運氣。今年要留意長輩的健康問題，亦有機會遇上危險。雞年的桃花運不太旺盛，尤其是女性。
屬猴嘅朋友
麥玲玲
雞年運勢起伏不定，如在猴年(2016年)沒有喜事沖喜，雞年運勢則難免備受衝擊，甚或經歷分手離合。雞年的財運較以往穩定，但投資理財需要格外保守，否則有「財來財去」情況。工作運較為平穩，但容易因為繁重的工作而壓力大增，與另一半相處的時間可能會減少，從而影響關係。健康方面，會有傷風感冒等小問題。需要注意情緒及關心長輩健康。
蘇民峰
屬猴嘅朋友在雞年的工作量明顯比上年多，對自由工作者有利，從商者亦會多了工作洽談成功的機會。2017上半年的感情狀況不穩定，單身者多出門可能會遇上新戀情。雖然有病患凶星，但對你的影響不大。
李丞責
屬猴嘅朋友在雞年的農曆7、8月（2017年秋季）運氣較佳。從專業、學問和專利等會有利事業發展。轉換一下工作模式和目標對感情運會更好。健康方面要多加注意，最好檢查一下身體，以策萬全。
雞年運程資料來源：Sunday Kiss、新假期、東周網
相關文章︰信用卡賀年食品優惠大集合2018
相關文章︰狗年到！13個農曆新年商場 打卡影相好去處2018
——
想了解更多不同信用卡的優惠？即刻上我哋嘅比較平台。
想知道更多最新優惠嘅方法，就要留意MoneyHero.com.hk Blog，同埋緊貼我哋嘅Facebook Page！
The post 【2018新春回帶】邊個 風水師 最準？ 各風水師生肖運程回顧！ appeared first on 理財資訊.