好多情侶雖然無時無刻都想見到對方，不過日日去拍拖，個荷包都幾傷！但成日留喺屋企又會好快冇晒新鮮感。其實拍拖唔一定要使好多錢，香港都有好多 拍拖好去處 架。即刻睇下MoneyHero.com.hk為大家推介嘅低消費拍拖方法啦！我哋仲會不時更新資料。（2018年3月17日更新）
1）期間限定活動
$50嘆美酒佳餚：海洋公園歌酒節2018
海洋公園歌酒節又嚟啦！今年歌酒節於3月10日至4月2日週末及公眾假期舉行，場內會提供過百款來地世界各地的得獎啤酒、特色手工啤，及過百款亞洲及西式精緻菜式，同時有周國賢、陳柏宇、ToNick或盧巧音等知名歌手輪流舉行音樂會。美酒、佳餚、音樂將公園化身成享樂聖地，最啱同朋友或另一半齊齊去放鬆下！
你只需購買$50電子餐飲代幣（可全數兌換園內餐飲），就可於晚上6時30分後進入海洋公園，嘆住啤酒美食，欣賞「雙龍奇緣」匯演！如購買音樂會門票（票價由$180至$280），就可以睇埋當晚演出歌手的音樂會。（活動期間，食尚水都、海龍王餐廳、水都餅店、夢幻水都人工湖、海濱樂園廣場及海濱禮品廊將會開放至晚上11:00。園內的機動遊戲、設施及展館將會於下午7:00關閉。）
日期：3月10日至4月2日(週末及公眾假期)
時間：晚上6:30至11:00
門票：
歌酒節門票 – 成人/小童$50（包括港幣$50飲食代幣、精美啤酒杯一隻及餐飲優惠券）
音樂會連歌酒節門票 – $180至$280 (包括港幣$30飲食代幣、精美啤酒杯及餐飲優惠券)
詳情及購票：按此
置身花海：香港花卉展覽2018
如果你同另一半喜歡花，就不要錯過3月16日至25日舉行的香港花卉展覽！今次展覽的主題為「心花放」，並以色彩絢麗、綻放時如笑臉一般的「大麗花」為主題花。除了大麗花及各式花卉之外，你更可以觀賞來自世界各地的園藝機構展出造型優美的花藝擺設，以及色彩繽紛的園景設計，最啱打卡影相！場內更有售賣花卉及園藝產品的攤位，俾你將喜歡的盆栽買番屋企！
日期：2018年3月16日至25日
地點：維多利亞公園
時間：上午9時至晚上9時
入場費：正價14元，優惠收費7元 *
* 4至14歲兒童、全日制學生
* 60歲或以上長者（適合星期六及日，星期一至五免費）
* 殘疾人士及其同行照顧者 ，每名殘疾人士只可與一名同行照顧者同享優惠（適合星期六及日，星期一至五免費）
回味經典電影：第42屆香港國際電影節
第四十二屆香港國際電影節將於2018年3月19日至4月5日期間舉行。作為香港最大型的文化活動，電影節搜羅來自50多個國家，超過280部作品，在香港多個主要文化場地上映，各位戲迷不容錯過！
電影節既展示華語電影的多姿多采，亦發掘亞洲影壇新血，而影迷不但可觀看世界級的電影，更有機會與電影明星見面，而今年最令人期待的是「雲外笑紅塵—林青霞」專題回顧專題，除了回顧有她參演的14部電影之外，更邀請了林青霞親自出席映後座談。
日期：2018年3月19日至4月5日
門票：HK$85至HK$100
地點：香港各文化場地
詳情及訂票：http://www.hkiff.org.hk
大型免費雕塑展：藝遊維港 Harbour Arts Sculpture Park
維港夜景雖聞名國際，但情侶們應該很少專程去維港海旁散步。不過最近多了一個去海旁的理由，因為有個國際級雕塑展覽正在在維多利亞港旁邊的長廊展出，而且完全免費，行過就有得睇！
此活動名為「藝遊維港」，可說是香港首個國際級雕塑藝術盛會，活動期間中西區至灣仔的公共空間化身成「雕塑公園」，邀得知名本地及國際藝術家，包括巴基斯坦裔藝術家 Rasheed Araeen、英國烈女藝術家 Tracey Emin 和英國代當藝術之父 Michael Craig-Martin 等展出多件雕塑作品，讓市民可一邊欣賞維港迷人景緻，一邊欣賞國際級藝術品。
展出日期：2018年2月22日至4月11日
地點：中西區海濱長廊至灣仔一帶海濱
票價：免費入場
潮蒲饒館2018 • 點子市集
想輕鬆行下免費市集，你可以約埋另一半參觀點子市集，其特別之處在於多元化活動，例如3月11日將會有獨立歌手表演，而3月25日則有保鮮花趣緻小花瓶花禮及布花髮飾手作坊，不過呢兩個活動就要收費同預先報名。
日期：2018年3月11日及25日
時間：早上11:00至下午6:00
地點：饒宗頤文化館
按此查看活動詳情
延伸閱讀︰2018香港演唱會攻略
2）享受戶外樂趣
拍拖輕鬆行山景點：無敵夜景嘉頓山
一講到行山，平時冇咩做運動嘅另一半實會耍手擰頭，但其實香港有座山，唔使行一個鐘就可以到達山頂，仲飽覽九龍夜景，呢座山叫嘉頓山！而且，交通十分方便，只需喺深水埗港鐵站行10分鐘就到山腳。
建議路線：首先搭港鐵到深水埗站D出口，再向石峽尾方向行10分鐘左右，你就會見到嘉頓麵包廠，之後你會望到美荷樓旁邊有座山。沿住樓梯一路向上行幾個字已經有得小休同睇景，想睇到更全面嘅九龍全景就要行多幾個字，好快就會去到山頂，適合比較少做運動嘅情侶。
世外桃源：英式山頂花園 拍拖野餐勝地
唔好再話去歐洲先有靚地方Chill喇！比較鮮為人知嘅前港督別墅「後花園」就好似世外桃源，令你樂而忘返。擁有濃烈英式風格、古老維多利亞式建築嘅山頂公園，景觀十分開揚，入面有大草坪、維多利亞式涼亭、小山丘、水池，寧靜宜人嘅環境好適合情侶拍拖。鋪張野餐布、拎住本書、曬下陽光，寫意嘅生活有時就係簡簡單單。
建議路線：由山頂凌霄閣出發，沿著柯士甸山道（山頂餐廳旁）往上行，中途見到柯士甸遊樂場，繼續一直走就會見到藍白色守衛室，再行前多幾步，就到呢個世外桃源！
秘密日落觀賞點：屯門石仔灣碼頭
唔講唔知，原來屯門可以睇到咁靚嘅日落，剩係睇相都覺得好浪漫！呢個地方叫「石仔灣」，位於馬灣旁邊，係香港僅存嘅舊式漁村，嗰度有一連串嘅漁排及木橋碼頭，可一覽屯門公路以及西面海岸，係完美嘅日落觀賞點！喺度睇日落仲有另一個好處，就係可以遠離煩囂，靜靜咁同另一半享受難得嘅二人世界。
建議路線：由中環或荃灣碼頭乘搭渡輪至珀麗灣碼頭，再步行前往。
盡覽270度維港景︰海港城觀景台
海港城花近5年時間建造的全新觀景台「海運觀點」最近落成，10月23日開始已經免費開放予公眾參觀，觀景台可以飽覽270度
開放時間︰早上7:00至晚上12:00
地點︰海港城海運大廈末端（鄰近郵輪碼頭）
費用︰免費入場
詳情︰海港城官方網站
3）觀塘工廈一日遊
好多情侶閒時都會一齊行下商場、買下嘢。但你最近係咪覺得商場來來去去都差唔多，行到厭晒？咁不如試下去工廠大廈尋寶吧！
各區工廠大廈都有好多特色小店，好多時都係東一間、西一間咁散落喺唔同地方，而觀塘嘅「怡生工業中心」E座和G座就打通咗一樓全層，盡攬各式店舖，包括露營用品、護膚品、精品雜貨、美甲、樂器、波鞋、韓國貨等，應有盡有，地下仲有特賣場添，加上嗰頭又有好多平靚正餐廳，消磨一日半日時間絕對唔成問題！
4）齊齊潮做文青
最近大熱嘅「文青」風氣直捲香港，想嘗試過一日文青生活，不妨試下帶埋男/女朋友一齊試下坊間手作仔！當中以Art Jamming、整皮工作坊、押花班、咖啡拉花班等等最為受歡迎。如果想搵啲比較價錢合宜嘅班，可以搵下係工廈開嘅班，當中好多都係年青人創業嘅生意仔。講到小編都好想今個周末即刻去Join！
（為另一半安排生日活動？必讀：壽星有著數！2018 生日優惠 大搜羅）
5）煮飯仔
如果你同另一半都鍾意食嘢，一齊煮飯仔就最啱啦！網上有好多簡易食譜，煮一餐見得人嘅飯冇難度！坊間都有啲網頁係幫你執齊晒一道菜需要嘅材料，送上你屋企，等你可以輕輕鬆鬆下廚，但價錢就會比較貴。一齊煮飯仔，製造自己嘅「心血結晶」，絕對增加情趣！不過最好就傾清楚邊個洗碗，唔係煮飯仔就變成嗌交啦！
（成日同另一半出外用餐，必備一張餐飲最佳信用卡，等我哋即刻幫你比較下，即進入餐飲優惠信用卡比較平台。）
6）博物館
一聽到去博物館可能好多人都會覺得好悶。但其實而家博物館都唔係咁死板。香港嘅博物館逢星期三免費入場。例如去科學館就可以喚起好多人嘅童年回憶，同你嘅另一半重拾童真，玩下番梘泡、鏡子迷宮，都可以過一個輕鬆嘅週末。又或者去太空館睇星象電影，當係去左睇星星，都係慳錢嘅好去處。
7）宅在家
其實拍拖最慳錢就係唔出街，而兩個人靜靜地留喺屋企都可以好浪漫。一齊窩喺Sofa睇一齣戲（無論係荷里活大片定係個個星期日都有嘅周星馳），又唔使俾錢買戲飛同爆谷，夠慳！甚至有啲情侶會一齊打機 ，真正係寓娛樂於拍拖。
其實講到尾，好多時去邊都冇謂，重點係同你邊個一齊。就算唔用好多錢，都可以一齊創造美好回憶。MoneyHero.com.hk為你比較咗咁多低消費拍拖熱點，快啲帶你另一半去啦！
（睇戲可以留意︰Netflix VS Amazon Prime Video 歐美煲劇神器大比併）
就算真係要消費，最好都係申請張現金回贈信用卡旁身！
1 ) 信銀國際Motion 信用卡
信銀國際Citic Motion信用卡而家做緊限時優惠，3月31日前，使用Apple Pay簽賬，可享5%回贈，其他本地零售及餐飲簽賬都有2%回贈，適合經常在本地消費的人士。迎新送AKAI二合一鐵板涮涮鍋，留響屋企煮飯仔又得！
2018年3月31日前經MoneyHero.com.hk申請信銀國際Citic Motion信用卡，獨家送HK$200現金回贈。
2）Citi Cash Back Visa 信用卡
Citi Cash Back Visa信用卡主打餐飲現金回贈，所有本地食肆及酒店簽賬可獲2%現金回贈、其他簽帳1%回贈。新客戶2個月在迎新期內簽賬滿HK$15,000，仲會直接回贈HK$1,500，或簽賬滿HK$10,000 / 5,000，可分別獲得HK$1,000或$500惠康現金劵！查看信用卡詳情
2018年3月31日前經MoneyHero.com.hk申請Citi Cash Back Visa信用卡，獨家送HK$500 HABITŪ禮券 或 HK$300 HABITŪ禮券 + HK$200超市禮券。
3） WeWa銀聯卡：玩樂類別簽帳4%回贈
WeWa銀聯卡係一張主打吃喝玩樂嘅現金回贈卡，喺旅遊、主題公園、睇戲、唱K 4個類別每簽HK$250即賺HK$10，即等同4%現金回贈！另外， 2018年5月31日前於本地食肆、海外簽帳、百貨超市、電子商店、現金透支消費滿HK$400就可以登入App參加抽獎，必中2%至6%現金回贈！
呢張卡專做年青人市場，所以全日制學生都申請到，而且迎新禮物仲好吸引。新客戶於2018年3月31日前經MoneyHero.com.hk申請更額外享HK$200現金回贈！
4）DBS Eminent Card
呢張卡每HK$250本地簽帳，可獲DBS$2.5 （即1%回贈）；每HK$250外幣簽賬（包括網上及外地簽帳），可獲DBS$5（即2%回贈），夠抵消外幣簽帳手續費！3月31日前，網上簽帳可獲3%回贈。回贈不設任何最低簽帳要求，亦不設上限。
即日起至2018年4月30日前，成功申請並合資格簽賬滿$7,000更可獲「黃子華棟篤笑2018」$380門票2張，參加大抽獎更有機會額外多獲2張$880門票；或可選擇10%迎新現金回贈，合資格零售簽賬如果全是網上簽賬最多可獲$910回贈。
5 ）美國運通Blue Cash信用卡
Blue Cash信用卡所有本地及海外簽賬一律享無上限1.2%現金回贈，最啱鍾意方便同唔想計數嘅人。呢張卡嘅迎新禮物包括︰HK$500 百佳現金券及2張免費電影戲票 (價值HK$230) 。查看信用卡詳情
2018年3月31日前經MoneyHero.com.hk申請尊享額外HK$200惠康超市禮券及CHOCOOLATE x Le Creuset 陶瓷小鍋子套裝 (Price:HK$999)(數量有限, 送完即止)
——
相關文章︰壽星有著數！2018 生日優惠 大搜羅
相關文章︰香港平靚正 親子活動 好去處
相關文章：嚴選 八達通自動增值 最佳信用卡
想了解更多不同信用卡的優惠？即刻上我哋嘅比較平台。
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 香港平靚正 拍拖好去處 （2018年3月） appeared first on 理財資訊.