如果你家中寬頻上網服務到期，好多時你會發現，無論係什麼服務供應商，即使你係舊客戶，如果自動續約，價錢都可能比新客戶更貴！好多服務供應商係看準舊客戶唔想煩嘅心理，加上寬頻上網又海鮮價，資訊不透明令好多朋友都嫌太麻煩，續約算數！不過，上網幾乎成為家中必需品，不如等MoneyHero幫你比較各大供應商嘅上網價錢，等你可以做個精明消費者啦！（2022年9月更新）
（由於各公司的收費不定期更新，若大家發現資料已有不同，歡迎到本網Facebook專頁提供資料）
稅季攻略：稅貸用途｜稅務貸款 ｜財務公司稅貸｜報稅表點填｜報稅表填錯 ｜繳稅方法 ｜信用卡交稅｜延遲交稅 ｜扣稅三寶
其他繳費信用卡攻略：水電煤 / 電話費 / 寬頻費用 / 學費 / 保費 / 管理費 / 交租
各大寬頻公司參考收費
其實大家對寬頻公司都有一定刻板印象啦：Netvigator網上行最快但最貴、香港寬頻性價比OK、有線寬頻就…….但其實無謂用刻板印象評定喇，等我哋幫你比較佢哋嘅服務價錢啦。
我哋今次挑選比較服務嘅條件，就係新用戶、1000M光纖入屋、簽12／24／30／36個月嘅價錢！（資料只供參考，實際收費及優惠由供應商決定。）
（請左右滑動表格查看更多詳情）
| 各大寬頻公司參考收費 | ||||||
|---|---|---|---|---|---|---|
| 寛頻電訊商公司 | 中國移動 （CMHK） （36個月合約） 【中秋限定優惠】 |
香港寛頻 （HKBN） （網站沒顯示合約期） 【*】 |
有線寛頻 （12個月合約） |
HGC （12個月合約） 【轉台優惠】 |
SmarTone（24個月合約） | 網上行 （36個月合約） 【限時優惠】 |
| 網速 | 1000M | 1000M | 1000M# | 1000M | 1000M | 1000M |
| 私人樓宇 （參考價錢） | HK$78 （特選地址尊享） |
／ | HK$149 | HK$249 | HK$138 | HK$152 |
| 公屋 （參考價錢） | HK$78 （特選地址尊享） |
／ | HK$149 | HK$249 | HK$158（30個月合約） | HK$132 |
| 安裝費 | HK$680（豁免） | ／ | HK$600 – HK$3,500 （視乎安裝地址） |
私人樓宇：HK$180 | 私人樓宇：HK$1,500（豁免） 公屋：HK$680（豁免） |
私人樓宇：HK$680 公屋：HK$480 |
| 免費附加 服務／禮品 |
|
|
|
|
|
|
精選迎新優惠
MoneyHero獨家優惠：精選自動轉賬信用卡
雖然大家可以透過信用卡自動轉賬繳交寬頻上網費用，但並非所有信用卡都有回贈或積分。咁究竟邊張卡交寬頻上網費最著數？
申請寬頻小知識：
講完價錢，不如又講下一啲申請寬頻要注意嘅小知識。我諗大家都試過，覺得俾寬頻公司呃咗咁：明明話係100M，做乜到要上下載嘢嘅時候，每秒又係得個一千幾百K？等我哋首先幫你搞清楚幾個寬頻上網觀念先啦：
1）乜嘢係光纖上網？
過去我哋嘅寬頻上網，係使用銅線作為傳送資料嘅媒介，傳輸率相對比較低。而近年我哋開始多用咗傳輸率較高嘅光纖上網。光纖其實係由玻璃同塑料製成，成本平得嚟功率又高，最高速理論上可達10G或以上，所以光纖就開始取代咗銅線，成為主要嘅上網連網技術喇。目前市面有提供的光纖上網，速度慢至1M，快至10G都有，當然價錢會有所不同。
2) 街站申請同網上申請，價錢都唔同？
網上申請上網服務，當然比較方便，但其實部份嘅寬頻服務，你係街站申請，價錢都會比較平，根據消委會最新嘅調查，網上行、香港寬頻、有線寬頻及3，於街站申請都有機會較平，但實際情況就要睇你係住咩地區喇。
3）公屋同私樓唔同價錢？
對，同一服務，同一公司，公屋同私樓用戶價錢都不同。除咗公、私樓嘅分別，不同區份亦會有不同的優惠價。此外，部分村屋最近亦開始有光纖入屋服務，但好多時都要俾較高嘅價錢，甚至要俾額外嘅安裝費。
4）光纖入屋定入機房？
另外一個影響網速嘅就係光纖到底係入屋定只係到機房喇。如果係FTTB（Fiber-to-the-Building），即係話光纖只係到你座大廈嘅機房，而由機房到你個住宅單位只係用銅線，代表你要同全大廈用同一寬頻公司嘅人Share速度，速度上非常冇保障。而FTTH（Fiber-to-the-Home）就即係光纖直接入到你所在嘅住宅單位，確保咗你嘅上網速度。
5）上載同下載速度其實不同
當你申請寬頻時，Sales其實係話你聽兩個速度，下載速度一般比上載快，例如當佢話「500M/100M」嘅時候，就代表下載速度係500M，上載速度就係100M。
6）你的電腦會影響上網速度
你所用的電腦設備，包括數據器同Router亦會對速度有影響。有啲寬頻公司提供速度保證計劃嘅時候，都有限制你電腦嘅規格。
7）點先係真正速度？
好喇，重點係，其實就算係500M下載，唔代表你可以1秒內下載500MB嘅檔案，因為佢哋用嘅單位係不同的！寬頻公司口中嘅500M，其實係指網速，而佢哋用嘅單位係bit（位元），而唔係Byte（位元組）。8 bit先等於1 Byte，而我哋平時嘅電腦檔案大小，係用Byte做單位。所以對電腦嚟講，理論上，你要將網速（例如500M）除以8，先係真正速度。
咁你就將500M除以8=62.5M，係唔係就係每秒最高嘅下載速度？又唔係喎，因為係高速傳輸中，傳送1 Byte，就需要傳10 bit，其中2 bit用來做檢查碼。
好複雜？簡單啲講，將寬頻公司聲稱嘅速度除以10，就大約係你電腦最快嘅下載速度。例如佢話有500M下載速度，咁你每秒可下載嘅檔案，最大就有約50MB。咁算唔算快呢？其實都係睇你點用法啦。
信用卡特點
相關閱讀：【手機月費攻略】比較各台5G、4G/4.5G上網月費計劃＋學生計劃
相關閱讀：【信用卡攻略】儲飛行里數必備信用卡
相關閱讀：【信用卡攻略】香港各大現金回贈 Cash Back 信用卡
想了解更多不同信用卡的優惠？即刻上我哋嘅比較平台。
想知道最新嘅理財貼士，就要留意 MoneyHero Blog ，同埋緊貼我哋嘅 Facebook Page
The post 【家居寬頻 2022】光纖入屋寬頻上網價錢比較（9月價錢更新） appeared first on 理財資訊.