又要去日本喇！機票Ready，酒店Ready，仲爭張靠得住嘅SIM卡！緊係啦，去日本一定要成日上網搵路同埋睇乘換案內嘅班次時間，一個唔小心miss咗班車就浪費寶貴時間喇。所以今次MoneyHero.com.hk就會幫大家比較7大熱門嘅日本SIM卡，等大家上網都上得暢快D！
而好多香港人都會因為價錢平而喺香港買定電話卡，但最近又有日本免費SIM卡拎喎，究竟點揀好？
日本7大熱門SIM卡比較表
| 供應商 | 上網計劃 | 流量 | 可用日數 | 數據分享 | 官方價錢 | 備註 |
| WAmazing | 4G | 500mb | 15日 | 不支援 | 首500mb免費， 其後1.5G約HK$144.6 |
-須於取於前4小時開通手機APP -只限指定機場領取 |
| Trip Free SIM | 4G | 500mb | 7日 | 不支援 | 免費 | -需要抵達日本前7日申請 -於指定機場領取 |
| Japan Welcome SIM | 4G | 靠點閱廣告及填寫問卷等累積不同數據 | 15日 | 不支援 | 免費 | 只限指定機場 (新千歲機場、 新潟機場、 新潟車站、 越後湯澤車站、 九州佐賀機場及 祐德稻荷神社)領取 |
| 3HK | 4G | 3GB | 7日 | 支援 | $162 | 即時啟用 |
| 自由鳥 | 4G | 500mb / 日 | 自訂 | 支援 | $12 / 日 | -一張卡可以去曬唔同國家，唔洗轉卡 -(日本)最低消費為每SIM HKD$50 |
| KKday | 4G / 3G | 無限 | 7日 | 支援 | $167 | -可於香港機場取卡 -有客服支援 |
| 中國聯通 | 4G | 無限 | 7日 | 支援 | $80 | 即時啟用 |
外遊除了要準備 SIM卡，記住要買一份適合你嘅旅遊保險呀！現時 MoneyHero.com.hk 提供一站式旅遊保險比較平台，現時經我哋買指定旅遊保險仲有低至7折優惠添，立即購買一份適合自己嘅旅遊保險！
1.) WAmazing / Trip Free SIM : 做後備一流
WAmazing同Trip Free SIM都係免費SIM卡，雖然係免費但係得500mb一定唔夠用，不過拎定嚟做後備SIM都好！
2.) Japan Welcome SIM : 不建議
Japan Welcome SIM就麻煩少少，首先派發點都唔係香港人常去嘅機場。而且要睇廣告先有數據，開卡個陣如果無WiFi就唔方便喇。
3.) 3HK : 網速順暢
3HK日本SIM都算係比較貴嘅一張，不過勝在係香港大台，全部野都有根有據。而且上Facebook同Instagram都算暢順。
4.) 自由鳥：一張卡通行世界
如果日數唔多，自由鳥呢張都算抵玩。如果同時間玩埋日本加韓國又或者其他地方，更係一張卡就玩曬，唔洗張卡轉嚟轉去。
5.) KKday：有客服支援
KKday張SIM雖然係最貴，但勝在有得喺香港機場拎，唔洗專登出去買卡之餘，仲可以經Facebook inbox/Skype聯絡到佢地嘅客服，張卡有咩問題都可以隨時問到。
6.) 中國聯通：性價比高
喺香港好多小型電話鋪，甚至HKTV mall都有得賣。好多評論都話網速快，而且一插即用無乜大問題，最緊要只係賣$80，絕對抵玩！
小編Tips
因為試過去到日本先發現用唔到張卡，所以小編去過當地買卡，約為HKD$200/1GB/7日，感覺心痛。如果你已經去過日本，小編就建議你買番上次用過嘅同款SIM卡。如果第一次去日本，小編就建議搵有客服支援 / 大牌子嘅SIM卡，起碼會有少少保障，甚至有可能有得退款㗎！
去日本用SIM卡上網的好處
分開行？都上到網！
去日本實在太多景點同地方要去。萬一同個朋友意見不合，你想去台場，而我想去鎌倉，呢個時候用WiFi蛋就會唔方便喇，一定爭個你死我活。又或者Shopping shop到個friend唔見咗，都可以打俾佢，唔怕走失。
用唔到？唔洗驚！
正所謂「天有不測之風雲」，萬一你張SIM卡用唔到（唔好講笑，小編真係試過），只要你同朋友用唔同牌子嘅SIM卡，都總有一個會用到（掛）！或者你個張網速太慢，都可以叫朋友Share網絡俾你，甘苦與共！
另外對於女孩子嚟講，去行街最驚就係個袋好重，如果仲要多舊WiFi蛋+叉電，真係人都癲啊！
——
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【日本7大上網SIM卡比較】 免費SIM卡 真係咁好用？ appeared first on 理財資訊.