一年一度端午節就快到，吃貨們梗係掛住食糉，貪玩一族當然諗下有咩玩啦！最好約埋三五知己，喺端午節當日去到屋企附近嘅河畔、海濱公園或沙灘睇龍舟比賽，夠晒應節！有啲地區仲有埋嘉年華，不但可以幫自己支持嘅隊伍吶喊助威，仲可以參加埋嘉年華，狂歡一番，享受熱鬧。MoneyHero.com.hk 列出一系列龍舟賽事同活動，一齊留意下，預先計劃端午節當日嘅行程啦！
1/ 龍舟比賽
每年嘅端午節正日，香港各區都會舉行大小不一嘅龍舟賽事，而赤柱、西貢、香港仔、愉景灣及大澳呢五個地區，不但會有刺激嘅龍舟比賽，仲會有具地區特色嘅活動，好似有音樂節、手工藝及攤位遊戲，觀眾可一邊幫隊伍打氣，一邊參與有趣嘅活動，非常熱鬧！（活動持續更新）
| 龍舟賽事 | ||||||
| 地區 | 日期 | 時間 | 地點 | 其他活動 | ||
| 中環國際龍舟比賽 | 6月22日至24日 | * | 中環海濱 | 國際龍舟嘉年華 | ||
| 愉景灣 | 6月17日 | * | 大白灣沙灘 | 嘉年華 | ||
| 赤柱 | 6月18日 | 8:00-18:00 | 赤柱正灘 | 嘉年華 | ||
| 香港仔 | 6月18日 | 9:00-16:00 | 香港仔海濱公園海傍 | 嘉年華 | ||
| 西貢 | 6月18日 | 8:00-13:30 | 西貢市中心海傍 | 嘉年華 | ||
| 大澳 | 6月18日 | * | 大澳 | 游涌 | ||
| 沙田 | 6月18日 | 8:00-13:00 | 沙田城門河 | — | ||
| 大埔 | 6月18日 | 8:30-13:00 | 大埔海濱公園堤畔 | — | ||
| 屯門 | 6月18日 | 9:00-13:00 | 屯門青山灣44區海面 | — | ||
| 長洲 | 6月18日 | 10:30-15:00 | 長洲避風塘 | — | ||
| 塔門 | 6月18日 | 10:30-15:00 | 塔門 | — | ||
| 南丫島 | 6月18日 | * | 南丫島大灣肚沙灘 | — | ||
| *活動持續更新 | ||||||
2018 建行（亞洲）香港國際龍舟邀請賽
唔好以為過咗端午節就無得睇龍舟，唔講唔知，其實龍舟呢種運動，喺外國都好流行，每年香港都會舉行國際龍舟邀請賽，今年「建行（亞洲）香港國際龍舟邀請賽」同樣邀請來自世界各地嘅龍舟健兒，6月22日至24日，一連三天喺中環海濱舉行「香港龍舟嘉年華」，更增設人造沙灘、玩遊戲、歎啤酒，享受熱鬧氛氛圍，仲有種類不同嘅美食車，帶嚟獨特好滋味，海上比賽激烈，岸上盡情狂歡！詳情
日期：2018年6月22日至24日
地點：中環海濱
2/ 其他活動
大澳遊涌
端午節除咗睇激烈嘅龍舟比賽外，大嶼山嘅大澳喺龍舟比賽之前，會有全港獨有嘅「遊涌」活動，為比賽揭開序幕，每年喺端午節正日（農曆五月初五）鄉友們都會划一隻龍舟，後面拖着載有神像嘅「神艇」喺大澳嘅水道間巡遊，並在沿途焚燒寶燭，住在棚屋嘅居民亦會向龍舟拜祭，希望神明保佑合家平安、驅除疾病，遊涌儀式過後便會舉行龍舟競渡。
日期：2018年6月18日
地點：大嶼山大澳
———
延伸閱讀：【 請假攻略 2018 】請4日放10日 附旅遊行程推介！
延伸閱讀：香港平靚正 親子活動 好去處
想了解更多不同信用卡的優惠？即刻上我哋嘅比較平台。
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【 端午節 好去處】2018各區龍舟比賽時間表 appeared first on 理財資訊.