好多香港人鍾意去日本旅行，而鍾意城市感覺嘅，大多數會選擇東京。而每次去東京，因為落機嘅機場有時係成田，有時係羽田，所以成日都要Search 吓應該搭咩車由機場出返市區好，想一篇文睇晒兩個機場嘅交通方式？MoneyHero.com.hk幫到你！
成田（Narita Airport）/羽田機場（Haneda Airport）交通
如果你乘搭廉航，落機地點好大機會係成田機場。如果係國泰、日航，你嘅落機地點就有機會係羽田機場，你可以透過電車、巴士或的士3個途徑往返機場同東京市區︰
1.電車︰最快兼唔會塞車
Skyliner
如果你已經有好周詳嘅行程，不妨搭Skyliner，因為佢嘅套票十分之抵，而且8個字就可以到達上野。
時間︰41分鐘（成田機場至上野）
單程價錢︰2,470日圓
優惠價︰4,700日圓（來回+1Day 都營地鐵、東京Metro Pass）、5,100日圓（來回+2Day 都營地鐵、東京Metro Pass）或 5,400日圓（來回+3 Day 都營地鐵、東京Metro Pass）
Access 特快
Access 特快係比較平嘅選擇，但就需要多啲時間先出到機場。
時間︰62分鐘（成田機場至東銀座）
單程價錢︰1,330日圓
成田特快/NEX
唔想轉車的話，NEX係最佳之選，不過就係咁多種電車之中最貴。搭NEX可以由成田機場直達東京、品川、澀谷、新宿、池袋、橫濱等大站。
時間︰53分鐘（成田機場至東京）
來回價錢︰4,000日圓
京急電鐵
如果想又快又平就出到市區，京急電鐵係不二之選。
時間︰從羽田機場到達品川站，最快只需11分鐘。
單程價錢︰610日圓（羽田至新宿）
除咗準備定機場交通安排，去旅行前記住買埋旅遊保險！而家經MoneyHero.com.hk 購買指定旅遊保險，可享7折優惠。
2.利木津巴士︰平衡價錢及舒適度
時間唔趕又想舒舒服服坐吓，你可以選擇利木津巴士，呢架巴士路線廣泛，可以由成田機場到東京都航運站、橫濱總站、連接東京市區內主要酒店。由羽田機場出發亦可以到達六本木、新宿、池袋等地區的酒店。
時間︰成田（75-90分鐘），羽田（約60分鐘）
價錢︰3,100日圓（成田至新宿） / 1,230日圓（羽田至新宿）
3.的士︰最方便舒適
眾所周知，喺東京搭的士真係好貴，單程都要萬萬Yen，不過真係好方便，又舒服。一落機仲可以訓陣先。成田機場就整咗個的士車費估算俾大家參考吓︰
| 區域 | 車費 |
| 江戶川區、葛飾區、足立區 | 經由京葉道路︰16,000日圓
經由首都高速灣岸線︰18,500日圓 |
| 江東區、墨田區、港區台場、品川區東八潮 | 經由京葉道路︰19,000日圓
經由首都高速灣岸線︰19,500日圓 |
| 中央區、千代田區、台東區、文京區、荒川區 | 經由京葉道路︰20,000日圓
經由首都高速灣岸線︰21,500日圓 |
| 新宿區、豐島區、中野區、澀谷區、目黑區、
港區（台場除外）品川區（東八潮除外）大田區 |
經由京葉道路︰22,000日圓
經由首都高速灣岸線︰22,500日圓 |
| 板橋區、北區、練馬區 | 經由京葉道路︰23,500日圓
經由首都高速灣岸線︰25,000日圓 |
| 世田谷區、杉並區、三鷹市、武藏野市 | 經由京葉道路︰24,500日圓
經由首都高速灣岸線︰26,500日圓 |
資料來源︰成田機場官網
羽田搭的士出市區就平啲，同埋有得坐定額的士，只需7,100日圓就可以到達新宿地區。而且仲可以用信用卡俾錢，十分方便。
延伸閱讀︰【 85蚊買5日自駕遊保險！】比較10間旅遊保險租車保障
相關文章︰【日本7大上網SIM卡比較】 免費SIM卡真係咁好用？
——
即上我們的比較平台選擇最適合你嘅旅遊保險！有Allied World、STARR、FWD同MSIG等不同計劃俾你揀，經我哋買仲有優惠添！
The post 【 東京機場交通 】成田 / 羽田機場出市區交通懶人包 appeared first on 理財資訊.