自從BEA Flyer World Mastercard 5月1日取消咗網上繳費回贈後，想用透過e-banking繳費賺里數冇以前咁簡單。不過 電話費 就唔同講法——香港的電訊公司大都接受信用卡自動轉賬，更可以經佢哋網頁或手機App網上繳費。用交電話費嚟賺信用卡積分實在輕而易舉！以下MoneyHero.com.hk會列出回贈最高的5張交電話費信用卡。
點交 電話費 先賺到信用卡回贈？
可透過信用卡交電話費賺里數／現金回贈的方法，目前主要有以下4種：
1. 信用卡自動轉賬
用戶可登入電訊商網站，或帶同信用卡親身前往門市辨理信用卡自動轉賬。只要信用卡獎賞計劃的「合資格簽賬」包自動轉賬，信用卡回贈將會自動存入戶口。
2. 經電訊商網頁／手機應用程式繳費
客戶可在電訊商網站／手機App 建立會員帳戶，登入後可憑信用卡以網上簽賬形式繳交賬項。
3. 親身前往門市繳費
電訊商公司門市通常接受多種繳費方法，包括支票、EPS易辦事、信用卡、ApplePay、SamsungPay、支付寶等等。
4.網上銀行繳費
客戶可登入電訊公司指定的網上銀行繳費，但現時可透過e-banking繳費賺分的信用卡買少見少，回贈率亦不及前幾種方法吸引。
交電話費 高回贈信用卡
Citi Rewards 信用卡：$3=1里 / 2%回贈
✓ 自動轉賬： $3=1里 / 2%回贈
✓ 網頁／手機App繳費： $3=1里 / 2%回贈
✓ 門市繳費： $3=1里 / 2%回贈
Citi Rewards信用卡是全港唯一主打交電話費/寬頻費的信用卡。電訊費用／超市／百貨公司簽賬一律享5倍積分回贈（即2%回贈或$3=1里），生日月份仲有8倍積分（即3.2%回贈或$1.875=1里）！仲有個好處就係積分係永久有效，唔使驚過期，就算剩係用來交電話費／超市購物都冇問題！唯一要注意嘅係每次兌換里數要收$50~$300手續費，里數可選Asia Miles、英航Avios等十多個飛行獎賞計劃。
兌換里數手續費：每換5,000里收取$50 （每次最低費用為$50, 最高為$300)
年薪要求：
Citibank Rewards VISA – HK$150,000
Citi Rewards萬事達卡 – HK$60,000（學生可申請）
Citi Rewards銀聯信用卡 – HK$150,000
東亞 Flyer World 萬事達卡：$5=1里
✓ 自動轉賬： $5=1里
✓ 網頁／手機App繳費：$5=1里
✓ 門市繳費： $5=1里
主打儲Asia Miles的東亞Flyer World 萬事達卡雖在網上銀行繳費冇得再儲分，但所有零售簽帳同自動轉賬有$5
積分有效期：5年
兌換里數手續費：免費
年薪要求：HK$240,000
DBS Black World Mastercard：$6=1里
✓ 自動轉賬： $6=1里
✓ 網頁／手機App繳費：$6=1里
✓ 門市繳費： $6=1里
DBS Black Card 全年享海外簽帳3X DBS$及本地簽帳 2X DBS$，所得嘅DBS$可以免費兌換成Asia Miles（即海外簽帳$4=1里，本地簽帳$6=1里），或透過iGo Rewards平台以市價55折兌換機票或酒店。呢張卡用e-banking繳費冇回贈，但其他方法如自動轉賬、親身繳交等都有$6=1里。
積分有效期：永久
里數兌換率：DBS$48 = 1,000里數
兌換里數手續費：免費
年薪要求：HK$240,000
2018年5月31日前經MoneyHero.com.hk成功申請，你更可額外享高達HK$150現金劵(可選$100超市禮券 或 $50超市禮券 + $100 Klook 電子禮券) 換領現金劵流程
渣打亞洲萬里通萬事達卡：低至$4=1里
✓ 自動轉賬： $6=1里
✓ 網頁／手機App繳費：$4=1里
✓ 門市繳費： $6=1里
渣打Asia Miles卡網上／外幣／食肆簽賬$4=1里，其他簽帳（包括自動轉賬）$6=1里，若登入網站／App 交電話費被發卡機構歸類為「網上簽賬」，即可獲$4=1里。
積分有效期：每月自動兌換Asia Miles
兌換里數手續費：免費
年薪要求：HK$240,000
渣打 Simply Cash Visa 卡：1.5%直接現金回贈
✓ 自動轉賬：1.5%回贈
✓ 網頁／手機App繳費：1.5%回贈
✓ 門市繳費：1.5%回贈
憑渣打Simply Cash Visa 以港幣簽賬可享1.5%現金回贈，而以外幣簽賬則享2%現金回贈，回贈每月自動入落戶口，好適合鍾意現金回贈嘅人士。雖然e-banking繳費冇回贈，但自動轉賬及其他繳費方法都有1.5%回贈，適合用嚟交電話費。
年薪要求：HK$240,000
本文主要介紹交電話費同上網費之信用卡，如果想知埋交水電煤費用咩信用卡最著數，即睇：信用卡交水電煤攻略
交學費攻略請睇：交學費 儲積分必備信用卡
——
想知更多 信用卡優惠 ，可即上我哋嘅信用卡比較平台，或留意MoneyHero.com.hk Blog，同埋緊貼我哋嘅Facebook Page！
經我哋申請仲可以獲得額外獎賞現金券，詳情請按此。
The post 信用卡交電話費 賺里數/現金回贈！5張繳費必備信用卡 appeared first on 理財資訊.