Image may be NSFW.
Clik here to view.
回顧返上一篇，台灣、泰國同越南旅遊消費較低，物價算得上「價廉物美」，一般都唔駛唱太多錢；真正「入肉」嘅，多數喺去日、韓、英國同歐洲。雖然好多朋友識得瓹窿瓹罅搵超值之選，但畢竟物價相對高，加上旅遊日數較長，唱錢唱得抵就好重要啦！今次我哋就同大家講埋日本、韓國、英國同歐洲嘅 旅遊唱錢攻略 ，等大家掌握唱錢最新情報
南韓
Image may be NSFW.
Clik here to view.
先講南韓，去親首爾多數都識去明洞唱錢。唔講唔知明洞原來有90間找換店，匯價可以相差3%。香港唱錢平台YBEX喺首爾都有幾間合作找換店，出發前不妨睇定南韓個rate拎個概念先。
以5月13日為準，YBEX顯示明洞的「大使館找換店」為「1港幣兌136.8韓圜（KRW）」，相當於每「1萬韓圜等於73.1港元」；同日「百年」牌價為「74.9港元」，意味「大使館找換店」平香港近2％。
另一種愈來愈多人考慮嘅唱錢方法就喺銀聯卡提款，同樣以以5月13日為準，「銀聯價」為74.0港元，仍較喺明洞兌換稍遜。不過勝在出機場前已經可以完成提款，各位可因應行程作出選擇。
日本
Image may be NSFW.
Clik here to view.
講下大家嘅「鄉下」─日本，好多人都傾向喺香港唱定日圓（JPY），一來日本比較難搵找換店，二來日本屬港人旅遊熱點，日圓需求會較大，需求愈大，價格自然愈高，跟據YBEX數據顯示，4月份平台上有超過40%嘅「完成交易」都喺兌日圓，因此好多找換店嘅日圓開價相當具競爭力！好似老行尊「百年」兌日圓其實都好抵，5月13日開價為「每百日圓兌7.21港元」；同日YBEX上有間尖沙咀找換店兌「7.20港元」，方便唔同區嘅朋友。
去日本要唱定錢呢個講法，其實同日本喺「現金大國」有關。而家環球吹「Cashless」風，雖然香港俾人話落後，但其實日本人更加唔習慣碌卡，所以前年日本全國現金消費交易高達六成。雖然東京、大阪等熱門城市已經陸續加入更多「無現金支付」工具；但去到較細嘅城鎮，商戶仲喺好少「收卡」，甚至試過提前上網訂酒店，都無online credit card payment，要到埗後用現金支付。
當然去日本「shopping」好易超出預算，唔夠現金都可以喺ATM提款，郵局、7-11等都有櫃員機供應。以5月13日嘅銀聯卡提款匯率為「每百日圓兌7.22港元」，另加銀行手續費，大家可按需要選擇兌換方式。
英國及歐洲
Image may be NSFW.
Clik here to view.
同日本相反，歐洲內陸同英國都幾流行碌卡，但飛得歐洲多數都玩十幾日，有現金傍身會方便好多，以下分享幾種唔同兌換方式嘅親身經歷。
銀行購入
首先透過香港銀行嘅外幣帳戶喺網上買入外幣，然後再到分行提取。呢個方式嘅兌換價，比較本地具競爭力嘅找換店則較遜色，再以恒生銀行為例，更貴約0.7%，但好處喺匯價波動時，銀行牌價相對地update同貼市，勤力留意匯市就有機會有荀價換外幣。但比較唔方便就喺一般較大規模嘅銀行分行，先有足夠歐元同英磅嘅貨量供應，就算夠貨好多時都只得50英鎊（GBP）及50歐元（EUR）面鈔，「咁大張」當地唔係所有商戶都肯收，但講到尾外幣ATM嘅出現的確方便唔少大忙人。
找換店
Image may be NSFW.
Clik here to view.
另一方法喺幫襯香港找換店唱歐元及英鎊，匯價都拍得住銀聯提款價。以5月13日計，「百年」「每歐元兌9.41港元」，同銀聯提款價一樣，銀聯仲要俾手續費添；而英鎊方面，「百年」開價「每鎊兌10.7港元」，同日YBEX上最平嘅找換店賣「每鎊兌10.69」，僅僅輸銀聯價「10.68」一個馬鼻，後兩者唱一萬蚊港元的話差距都唔夠「1鎊」。
ATM 提款
Image may be NSFW.
Clik here to view.
ATM提款喺歐洲內陸嚟講確都幾方便，特別喺熱門旅遊城市，支援銀聯提款嘅櫃員機數目多，曾經喺巴黎、米蘭、巴塞羅拿同東歐嘅布拉格（捷克克朗CZK）都成功提款。反之，喺英國用銀聯卡提款就較大問題，事關英國自動櫃員機網絡「LINK」喺2016年停止支援銀聯卡提款後，現時倫敦地區可以用銀聯卡提款嘅櫃員機就減少，喺Heathrow（希斯路機場）同Gatwick（蓋特威克機場）、旅遊區Bond Street（龐德街）地鐵站內都見過支援銀聯ATM並成功提款。
分享多個小體驗：事緣倫敦支援銀聯卡提款嘅ATM，一般都顯示可提取歐元，有次行程由倫敦直飛摩洛哥要用歐元，但喺Bond Street同Heathrow機場嘅ATM都拎唔到歐元，最後只能幫襯機場找換店Travelex用英鎊換歐元，匯率幾乎係「1：1」，勁肉痛！
都係嗰句，出門旅行除咗要plan行程，記得要規劃埋點樣兌換外幣，唔駛四圍「撲水」就可以玩得開心盡興啦！
YBEX為你比較匯價：www.ybex.io
去旅行除咗唱錢外，買旅保都好重要，唔想大海撈針咁搵，上MoneyHero.com 格下價，而家仲有優惠架！
溫馨提示︰旅遊保險
Image may be NSFW.
Clik here to view.
去旅行除咗要唱錢之外，記住要買一份適合你嘅旅遊保險呀！現時 MoneyHero.com.hk 提供一站式旅遊保險比較平台，現時經我哋買指定旅遊保險仲有低至7折優惠添，立即購買一份適合自己嘅旅遊保險！Image may be NSFW.
Clik here to view.
作者簡介：徒弟仔
一個講唔上專業，但最愛睇外匯的旅人
——
延伸閱讀：【旅遊唱錢攻略】比較14間找換店銀行兌換外幣匯率！（附地址及鏈結）
相關文章：比較香港7大買旅遊保險途徑
相關文章：【旅遊保險手機保障】邊間賠償 手提電話、平板及手提電腦？（2018年4月）
想了解更多不同旅遊保險的優惠？即刻上我哋嘅比較平台。
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【旅遊唱錢攻略】日本、韓國、英國、歐洲各地唱錢大比併 appeared first on 理財資訊.