【對抗加價】2018最新港鐵、九巴優惠集合（2018年5月更新）

港鐵宣佈今年6月30日起加價3.14%，加幅之大雖令好多市民不滿，奈何港鐵係主要交通工具，大家都係要焗住硬食。想慳番啲車錢有乜方法？港鐵及九巴現時推出多個月票/車費優惠計劃，可以幫你節省多達25%車費，等MoneyHero.com.hk為大家逐一介紹！（2018年5月更新！）

港鐵優惠

1 /【新！】綠Van轉乘優惠

乘客凡用八達通由港鐵轉乘全港任何綠色專線小巴路線，可獲HK$0.3轉乘折扣優惠，而現有的路線折扣優惠亦維持不變。每日可享轉乘優惠兩次。小童及長者亦可享此優惠。

優惠期：由2018年6月3日起

2 / 抵消加價：3%車費回贈優惠

港鐵在宣佈加價嘅同時，亦將會向八逹通乘客提供3%票價回贈以抵銷票價加幅。凡用八達通乘搭港鐵、輕鐵及港鐵巴士（不包括東鐵綫頭等額外費、機場快綫及港鐵接駁巴士）即自動扣減3%車費。

優惠期：2018年6月30日至2019年1月1日

3 / 早返工有優惠：早晨搭港鐵享75折

港鐵為鼓勵大家早啲返工以避開繁忙時段，特推出早晨折扣優惠。只要逢星期一至五（公眾假期除外）早上7時15分至8時15分使用成人八達通於任何35個指定車站出閘，即自動享車費75折優惠。

推廣期：即日至至2019年5月31日

此優惠只適用於指定核心市區車站，詳見下圖：

4 / 新界、東涌長途客適用：「加強版全月通」全月任搭

「加強版全月通」專為屯門、天水圍、上水、粉嶺、大埔、馬鞍山及東涌地區的居民而設，按照地區分為5款。購買後可在一個月內免費無限次乘搭至指定範圍內的車站。各款全月通的指定範圍及價格如下：

如目的地或出發地超出指定範圍，超出範圍的路段亦可獲75折優惠。假設由東涌乘搭至銅鑼灣，東涌至中環免費，中環至銅鑼灣則享正價75折，即該程車費只需$4（$5.3 x 0.75) 。但若目的地及出發地均不在指定範圍內，則全程須付正價車費。

「加強版全月通」幫你慳到幾多？搭西鐵由屯門至紅磡單程車費為HK$21.1，如以HK$585購買「屯門 – 紅磡全月通」，每個月搭28程（即14日來回) 便可回本。實際慳到幾多每條路線唔同，大家可在港鐵網站查詢車費後再作比較。

「加強版全月通」在適用港鐵站的客戶服務中心有售，購買後將會注入在乘客的個人八達通內，搭適用路線時會自動使用。

5 / 市區過海必備：港鐵都會票 搭40程只需$425

就算你唔係住新界咁偏遠，返工都要過大海車費都肉赤！用「都會票」搭港鐵，搭40程只需$425，平均每程HK$10.6，用嚟搭過海線一定有平。「都會票」適用於來回下圖顯示的任何港鐵站，有效期更已延長至40日。

港鐵都會票於指定港鐵車站客務中心（非付費區）有售。須於購票當日起計14日內作首次使用，車票於首次使用起計40日內有效，車票將於第40程出閘時被收回。

6 / 一拍即減$2：港鐵特惠站

用成人八達通在「港鐵特惠站」拍一拍，並在當日於指定港鐵站入閘，即慳$2！目前全港共有38個港鐵特惠站，遍佈港九各大商場，最近新增的包括亞洲國際博覽館（適用於東涌站入閘）及深圳地鐵褔田口岸站（減HK$3；適用於落馬州站入閘）。港鐵特惠站所在地可按此瀏覽。

*此優惠可與上述的「晨早折扣優惠」及「全月通加強版」75折優惠一併使用。

九巴優惠

長途客適用：九巴月票計劃 HK$780當月任搭

「九巴月票」於2018年3月起正式推出，適用於全港逾400條九巴路線，包括常規路線、馬場專線、通宵線、口岸線以及假日特別線，亦適用於跨公司的聯營過海線。「九巴月票」售每月HK$780，每日最多任搭10程。以普通打工仔每月返22日為例，若每日搭2程九巴，平均每程車費要超過$17.7才能回本，較適合長途線乘客。

同港鐵月票唔同，九巴月票是逐個月份賣。假設乘客在4月15日購買當月月票，有效期只剩15日，乘客可提早買定下一個月的月票。需要預早購買附載於八達通卡內，同平時一樣用八達通拍卡便會自動使用。

銷售安排：每個月份的月票銷售期，為上個月的一日至當月的二十日。
銷售地點：按此查詢

八達通自動增值 增值同時賺回贈

除了港鐵及九巴推出的優惠外，用啱信用卡進行八達通自動增值，可額外獲高達2%現金回贈 或 $6=1里的里數獎賞。想知邊用邊張信用卡先有高回贈？即睇：嚴選 八達通自動增值 最佳信用卡

——

想了解更多不同信用卡的優惠？即刻上我哋嘅比較平台。

想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！

The post 【對抗加價】2018最新港鐵、九巴優惠集合（2018年5月更新） appeared first on 理財資訊.