打工仔辛辛苦苦賺錢，但個個月都預留一筆錢交水電煤費，都咪話唔肉赤！你有冇諗過，原來交呢啲日常開支都可以儲飛行里數或現金回贈？不過，銀行信用卡呢方面嘅優惠通常都比較繁複，又多限制， MoneyHero.com.hk 有見及此，就整理咗用各大信用卡交水電煤等等雜費嘅比較，幫大家拆解唔同銀行信用卡嘅適用地方再加埋注意事項，想知有乜要留神？即刻碌落去睇！(2018年6月更新)
喺分析邊張信用卡交水電煤費回贈最高之前，你要先了解唔同公司嘅交費途徑︰
即使你張信用卡可以透過自動轉賬或網上銀行 繳費，亦唔代表每一張都有回贈，因為每張信用卡都有唔同嘅政策同限制。所以，MoneyHero.com.hk就幫大家搵出邊啲卡，用邊啲途徑交費會有回贈：（如非註明，以下的里數均為亞洲萬里通Asia Miles 里數）
自動轉賬儲里數/現金回贈信用卡
自動轉賬賺到積分嘅信用卡有好多，不過部分機構，包括中電、港燈、煤氣，只接受某幾間銀行嘅信用卡登記自動轉賬服務，而水務處直情唔接受信用卡Autopay，另外亦有啲信用卡寫明某類 繳費 冇得儲里數或現金回贈。小編幫大家整咗個表，方便大家一眼睇晒：
| 信用卡 | 里數/現金回贈比率 | 水費 | 電費 （中電） |
電費 （港燈） |
煤氣費 |
| 東亞Flyer World | $5 = 1里 | X | ✓ | X | X |
| Citi Prestige | $6 = 1里 | X | ✓ | X | ✓ |
| Citi PremierMiles | $8 = 1里 | X | ✓ | X | ✓ |
| Citi Rewards | $15 = 1里 | X | ✓ | X | ✓ |
| 建行Eye卡 | $15 = 1里 / 0.4% | X | ✓ | X | X |
| CITIC Motion | 2% | X | ✓ | X | X |
現金回贈之選︰
CITIC Motion 信用卡︰交水電煤都有回贈
呢張卡主打全年5%網購回贈，而且用呢張卡Set 自動轉賬交電費及煤氣費都有2%回贈，網上交水費就有0.55%回贈。而家經本網申請仲可以賺盡$650獨家迎新回贈（獨家回贈$200 + 迎新回贈$300 + 簽賬回贈$150）！
- 年薪要求： HK$15萬
- 年費：HK$ 1,200（豁免首3年年費）
- 本地零售、餐飲、網購、海外簽賬、八達通自動增值︰2%回贈
- 電子錢包增值︰0.55%回贈
- 海外簽賬手續費：1.95%
迎新禮品：
- 1）德國寶移動浴室寶 或
- 2 ) AKAI二合一鐵板涮涮鍋 或
- 3）HK$300現金回贈 或
- 4) 2018年6月30日前經MoneyHero.com.hk成功申請仲會獨家送你HK$200現金回贈！
Citi Cash Back Card：自動轉賬交電費、煤氣費
Citi Cash Back Card主打餐飲現金回贈，所有本地食肆及酒店簽賬*可獲2%現金回贈； 而且八達通自動增值同電子錢包交易，都有1%回贈。此外，呢張卡Set 自動轉賬交電費及煤氣費有1%回贈！而家經本網申請仲可以賺盡$1,940獨家迎新回贈（獨家禮券$500 + 迎新回贈$1,200 + 簽賬回贈$240）！
- 年薪要求：HK$24萬
- 海外簽帳：2.00%回贈
- 本地食肆及酒店簽賬︰2.00%回贈
- 本地簽帳：1.00%回贈
*酒店簽賬不包括於酒席宴會、私人宴會、包場派對、設於酒店／百貨公司／俱樂部／會所內的飲食專櫃／商戶及其他簽賬類別的指定商戶所提供的餐飲服務的簽賬
迎新禮品：
- 迎新期內新客戶頭2個月內累積認可簽賬滿HK$12,000，可獲HK$1,200現金回贈。（只須簽賬便可獲得當中$100現金回贈）
- 簽滿$5,000可獲$100現金回贈 + $400 HKTV mall電子禮券。（只須簽賬便可獲得當中$100現金回贈）
- 只可選以上其中一項。
另外，2018年6月30日前經MoneyHero.com.hk申請Citi Cash Back 信用卡，成功獲批後仲會獨家送你額外HK$500 HABITŪ禮券 或 HK$300 HABITŪ禮券 + HK$200超市禮券！
里數之選︰
Citi Prestige 信用卡︰交電費、煤氣費$6=1里
限制︰
- 入息要求比較高，要年薪達60萬元先申請到。
- 年費：$2,500（不可轄免）
回贈率︰
- 海外簽賬：1.5%現金回贈；$4 = 1里
- 本地 / 網上 / 餐飲簽賬：1%現金回贈；$6 = 1里
迎新禮品：
- 15,000里數（180,000 積分）及
- 4日漫遊組合 (powered by Club SIM)
全年優惠：
- 任何酒店第4晚免費住宿優惠（需預訂住宿連續4晚或以上；可無限次享受此優惠）
- 憑Priority Pass
![™]()
無限次免費享用環球機場貴賓室服務 - 優惠里數兌換率 (12分=1里)
- 高達額外30%年資獎賞
- 免費旅遊保險
- 現金回贈（透過Citi ThankYou Rewards 「現金回贈」，可以200積分兌換$1現金回贈，6月30日前可享165分=$1回贈）
- Citi Prestige環球盛事
- 高爾夫球賞樂
- 20,000里數年度獻禮
- World EliteTM MasterCard專屬禮遇
無限次免費享用環球機場貴賓室服務新客戶於2018年6月30日前經本網申請並成功獲批，獨家送額外HK$300 超市禮券！領取現金券流程請按此。
東亞銀行Flyer World萬事達卡︰自動轉賬交電費$5=1里
年薪要求：24萬
可儲里數計劃：Asia Miles
東亞Flyer World 萬事達卡本地、海外、餐飲、網購簽賬可享HK$5=1里，八達通自動增值回贈則享HK$8=1里。此卡勝在本地消費回贈高，普通行街shopping，買衫褲鞋襪呢類本地零售簽賬，用呢張就至抵！
回贈詳情
- 本地簽賬：HK$5=1里
- 海外簽賬：HK$5=1里
- 自動轉賬繳交賬單：HK$5 = 1里
- 八達通自動增值：HK$8 = 1里
迎新禮遇
- 發卡後首2個月簽賬滿HK$9,000，可獲9,000里數
網上交費儲里數/現金回贈信用卡
網上交水電煤費都可儲里數或現金回贈嘅信用卡就有以下呢幾張︰
| 信用卡 | 兌換比率 |
| 建行港航Fly Away信用卡^ | $6 = 1里 (港航里數) |
| 建行Visa Infinite^ | $8 = 1里 |
| 富邦Titanium/Platinum | $15 = 1里 |
| 建行Eye Card^ | $15 = 1里 |
| 建行銀聯 / 白金^ | $15 = 1里 |
| *HSBC金卡/白金/卓越理財/運籌理財 | $25=1里 |
| CITIC Motion# | 0.55% |
*每個月只限頭$10,000繳費可獲里數
#回贈只會計算每月首HK$10,000網上繳費金額。
^每年繳交保險公司之任何費用及網上繳費交易所累積的積分上限合共為信用額之12倍。
建行信用卡交費最全面
如果你唔介意每個月登入網上銀行交水電煤費用，建行信用卡係最好的選擇，其中建行港航Fly Away 信用卡更有$6=1里回贈。
更多建行信用卡詳情
交水費的3大方法
1.自動轉賬（Autopay）交水費
自動轉賬︰你可以下載授權書，填完交回銀行處理，水費會在繳款限期當天從你指定的銀行戶口內扣除。不過，水務署沒有提供信用卡自動轉賬選項，所以用呢個方法係儲唔到信用卡積分。
2.電子方式繳交水費
網上銀行︰你也可透過網上銀行、其電子賬單及繳費服務經戶口轉賬交水費。呢個亦係唯一可以儲到信用卡里數/現金回贈/積金的方法！按此查看提供網上繳費的銀行。
繳費靈（電話、互聯網及『繳費靈手機服務』）︰你只須帶同你的銀行提款卡或有提款功能的信用卡，前往設有繳費靈終端機的商戶開立繳費靈戶口。在登記水費賬戶或水費按金賬戶後（致電18013或瀏覽ppshk.com），你便可以隨時隨地透過電話（致電18033）或互聯網（ppshk.com）繳付水費。水務署的商戶編號是（08）。你亦可以利用「繳費靈手機服務」應用程式付款，按此了解詳情。
電話理財︰你亦可以透過電話理財交水費。不過只有部分銀行提供此服務。詳情
3.親身交水費
自動櫃員機（ATM）︰銀行提款卡持有人可透過貼有「繳費易」/「繳費服務」標誌的自動櫃員機，繳交水費。呢個方法同樣係直按從銀行過數，一樣儲唔到信用卡積分。
現金或支票︰你可攜同水費單前往7-11、OK便利店、VanGO便利店或華潤萬家超級市場，以現金交水費，每次上限為HK$5,000，你亦可以在香港郵政局，透過現金或支票繳交水費。
交電費的4大方法
1.電子錢包交電費
Alipay HK︰你可以透過流動應用程式「Alipay HK」繳付港燈電費賬單。2018年6月30日前，下載Alipay HK應用程式並登記成為新用戶，即可獲贈由Alipay金HK提供、合共港幣50元的「港燈客戶尊享迎新優惠獎賞」。該獎賞包括5張港幣10元禮券，分5期於客戶繳交電費時自動扣減。詳情
2.自動轉賬（Autopay）交電費
自動轉賬︰中電提供銀行自動轉賬或信用卡自動轉賬服務，只要你張信用卡有自動轉賬回贈就可以儲到積分/ 里數 / 現金回贈。而6月30日前，透過自動轉賬形式繳交中電賬單即可賺取「智能積賞」250積分!
港燈除了提供指定銀行自動轉賬服務，同時提供信用卡自動轉賬服務，你可以透過DBS COMPASS VISA、中銀、集友銀行、南洋商業銀行或美國運通信用卡，以自動轉賬形式繳交港燈電費。
3.電子方式繳交電費
網上銀行︰你可以透過中銀、HSBC匯豐、恆生、渣打或銀通會員銀行，透過網上銀行服務繳交中電電費。
港燈客戶可以使用HSBC匯豐、恆生及其他提供此服務的銀行，透過網上銀行服務繳交港燈電費。
繳費靈（電話及互聯網）︰你只需在任何一個繳費靈終端機開立繳費靈戶口，並使用繳費靈商戶編號「02」（中華電力）/「03」（港燈），即可透過電話或互聯網支付電費。Download埋中電手機APP就可以更方便地管理賬單。
電子支票︰你現可透過中國銀行(香港)網頁或中國銀行(香港)流動應用程式的「電子支票繳付賬單服務」繳付中電賬單。詳情
港燈客戶則可以透過電子支票存票箱上載電子支票，抬頭寫上「香港電燈有限公司」。
4.親身交電費
現金︰你可使帶同中電賬單或印有條碼的繳費單，於任何一間7-11、 OK 、VanGO便利店以現金繳交煤氣費，每次繳費上限為$5,000元。
支票︰你可透過「滙豐銀行」或「中國銀行(香港)」的「支票機」繳交中電或港燈的賬單。
東亞分行︰你亦可以帶同中電或港燈賬單，於東亞銀行任何一間分行 (毋須持有東亞銀行戶口)，以現金或支票繳交電費。請按此查閱各分行地址。
客戶中心︰港燈客戶可直接前往客戶中心以現金、支票或美國運通卡付款。
交煤氣費的4大途徑
1.電子錢包交煤氣費
TNG︰您可以透過TNG 電子錢包繳付煤氣賬單。登入TNG 電子錢包流動應用程式後，於「本地繳費」服務選擇「香港中華煤氣有限公司」。請輸入煤氣客戶號碼及繳費金額，或掃描煤氣賬單上的條碼或電子賬單電郵的二維碼進行繳款。詳情
2.自動轉賬（Autopay）交煤氣費
自動轉賬︰煤氣公司提供銀行或信用卡自動轉賬服務，只要你使用Citibank、中銀、美國運通信用卡，就可以透過自動轉賬交煤氣費。你亦可利用「Towngas卡」自動轉賬繳付煤氣賬單。
3.電子方式繳交煤氣費
網上銀行︰你可以透過中銀、HSBC匯豐、恆生、渣打、東亞或其他銀行，透過網上銀行服務繳交煤氣費。
繳費靈（電話及互聯網）︰你只需在任何一個繳費靈終端機開立繳費靈戶口，並使用繳費靈商戶編號「04」（煤氣公司），即可透過電話或互聯網支付煤氣費。
電子支票︰你現可透過中國銀行(香港)網頁或流動應用程式的「電子支票繳付賬單服務」繳付煤氣賬單。詳情
4.親身交煤氣費
現金/支票︰你可帶同煤氣賬單或印有條碼的繳費單，於任何一間7-11、 OK 、VanGO便利店以現金繳交中電電費，每次繳費上限為$5,000元。你也可選擇在香港郵政局，透過現金或支票繳交煤氣費。此外，你亦可透過「中國銀行(香港)」的「支票機」繳交煤氣費賬單。
東亞分行︰你亦可以帶同煤氣賬單，於東亞銀行任何一間分行 (毋須持有東亞銀行戶口)，以現金或支票繳交煤氣費。請按此查閱各分行地址。
客戶中心︰你可直接前往客戶中心以現金、支票支付煤氣費。
延伸閱讀：光纖入屋 寬頻上網 價錢比較！
延伸閱讀：交學費 儲積分必備信用卡
想知更多飛行里數信用卡資訊，即上MoneyHero信用卡比較平台！
——
想了解更多不同信用卡的優惠？即刻上我哋嘅比較平台。
想知道最新嘅理財貼士，就要留意 MoneyHero.com.hk Blog，同埋緊貼我哋嘅 Facebook Page！
The post 【信用卡交水電煤攻略】交水費、電費、煤氣費賺幾多里數/現金回贈？ appeared first on 理財資訊.