港版微信支付 WeChat Pay除了提供P2P轉帳、線上付款、發紅包、「QRCode收款」等功能，仲可以於實體店俾錢，最近更同OK便利店等商戶合作，推出買滿HK$20即減HK$10優惠！
究竟 WeChat Pay 同 TNG、拍住賞、Apple Pay 之類嘅電子支付有乜唔同？等MoneyHero.com.hk同大家一齊了解下WeChat Pay嘅功能特點！（2018年6月更新）
1. 信用卡及其他限時優惠：
【6月限定優惠】OK便利店 買HK$20減HK$10
依家去OK便利店以WeChat Pay付款，買滿HK$20，即減HK$10！
每日可以用1次，每個用戶於推廣期內可以用5次。名額先到先得，大家去開OK記得用呢個優惠喇！
推廣期：2018年6月14日至6月27日
信用卡轉賬零成本儲分
電子錢包增值/轉賬可以儲信用卡積分相信已經好多人知，但邊張卡可以儲里數/現金回贈？經由信用卡透過Wechat Pay轉賬俾朋友 / 向朋友付款，可以賺取信用卡積分及回贈．但只限於將「增值電子錢包」列為合資格簽賬的信用卡，包括：
| DBS Eminent Card | 1%現金回贈 | 了解更多 |
| DBS Black World MasterCard | $6=1里 | 了解更多 |
| DBS Compass Visa | 0.4%現金回贈 | 了解更多 |
| Citi Cash Back 信用卡 | 1%現金回贈 | 了解更多 |
| Citi Prestige信用卡 | $6=1里 | 了解更多 |
| Citi PremierMiles 信用卡 | $8=1里 | 了解更多 |
| Citi Rewards 信用卡 | $15=1里 | 了解更多 |
| 大新One+信用卡 | 1%現金回贈 | 了解更多 |
| 大新英國航空信用卡 | $6=1里 | 了解更多 |
| 中銀信用卡 (Visa/MasterCard) | $15=1里數/ 0.4%現金回贈 | 了解更多 |
| 信銀國際信用卡 | 0.55%回贈 | 了解更多 |
*所有匯豐、恆生、銀聯、美國運通(AE)、東亞、AEON信用卡都冇得透過增值儲分。
*銀行有可能隨時更改增值電子錢包的儲分條款
2. 精選商戶優惠
用 WeChat Pay 錢包購買指定產品及服務可享優惠，包括：
- 以優惠價$13租用日本/韓國隨身Wifi（原價$50-60）
- 以優惠價$23租用泰國隨身Wifi（原價$50）
- 以優惠價$25租用新加坡隨身Wifi（原價$60）
- 以優惠價$304購買澳門金光飛航船票（原價$319）
- 以優惠價$330享用Tesla 轎車機場接送（原價$600）
- 以優惠價$39起購買機場快線車票（原價$60）
- 以優惠價$210購買香港至廣州東線火車票
- 以優惠價$65購買山頂纜車套票（原價$71）
3. 最新商戶名單：
WeChat Pay越來越普及，可以用的商戶都越來越多，包括大家最愛的麥當勞和OK便利店，美心集團和稻香集團旗下商戶都用得。此外，還有提供生活百貨的日本城、實惠和一田百貨，以及商務、三聯等，在生活中隨處可見。
4. WeChat Pay 係乜？
講完咁多優惠，究竟Wechat Pay係咩？微信支付（WeChat Pay）係微信應用程式向用戶提供嘅一種付款功能，用戶只需要下載最新版本嘅WeChat，點選「錢包」就可以綁定信用卡或存款戶口，通過手機快速完成交易付款。
2. 點用 WeChat Pay？
下載WeChat後，喺「我的設定」中打開「錢包」功能，輸入信用卡卡號同資料，再設定6位數字密碼，方便之後用 WeChat Pay 俾錢時作安全確認，驗證成功就可以綁定信用卡（Visa同MasterCard都適用）。每個賬號最多可以綁定5張信用卡。中銀香港、工商銀行、中信銀行及大新銀行客戶亦可以將存款戶口綁定 WeChat Pay，直接用戶口嘅錢俾錢。
3. WeChat Pay 有乜功能特點？
實體店付款：
香港用戶在綁定信用卡或存款戶口後，可在Wechat「銀包」內選擇「付款」，然後向接受Wechat Pay的商戶展示付款QR Code，商戶掃描後即完成付款。
線上購物：
透過 WeChat Pay 以優惠價購買指定旅遊景點門票、旅遊套票、人氣食品、服飾同多款美妝產品，甚至可以捐錢俾東華三院同聯合國兒童基金會UNICEF。WeChat Pay HK 最近宣佈與港鐵合作，香港乘客可透過WeChat Pay HK購票。
轉賬功能：
用戶可以利用 WeChat Pay 錢包內嘅餘額，或者經由信用卡向好友支付款項。每次最多可轉賬$1,500，每月最高$5,000，每年上限 $100,000。至於未綁定信用卡或未設定支付密碼嘅客戶，每筆餘額最高為$200，每月最高餘額為$500。
收款功能
全新「QRCode收款」為個人，家庭式小店及小商戶而設，無需添加好友即可向對方付款及收款。收款者只需在Wechat 右上角選擇「QR Code收款」，然後設定金額；而付款者則點選「掃描QR Code」，掃描收款者手機顯示的QR Code，即可完成交易。
跨境匯款
2018年1月17日起，香港用戶可將帳戶中的港幣匯至中國內地Wechat好友的關聯銀行帳戶，收款人直接收取人民幣。不過內地用戶則無法將人民幣兌換至港幣匯至香港，僅限香港用戶單方面匯款。
餘額提款：
選擇「餘額」，再選擇「提現」，進入填寫頁面後輸入銀行賬戶號碼、金額同姓名，然後再輸入微信支付密碼，驗證通過後就完成提款操作。不過就算未設定微信付款密碼都可以提款，每月上限為$8,000。目前支援提款嘅銀行包括渣打、中銀、匯豐、恒生同東亞等超過20間銀行。不過中國銀行最快要1-2個工作日到賬，而其他銀行就要2-4個工作日。
其他功能：
用戶可以利用「派利是」功能向指定朋友，派發特定金額嘅「WeChat利是」。另外，用戶都可以喺錢包、支持「優惠劵」嘅官方賬號、應用程式、線上店鋪等獲得優惠券同兌換券等，然後再將優惠券放入錢包中保存，買嘢時就可以用。
最近，你仲可以使用中國移動香港繳費增值服務，即時交月費或增值儲值卡。
4. 港版 Wechat Pay如何使用中國大陸錢包？
Wechat Pay 的香港錢包與中國大陸錢包並不互通，香港錢包用戶若需要開通中國大陸錢包功能，請將WeChat升級到最新版本，接收WeChat中國錢包用戶發送任何一筆金額不限的人民幣利是或轉賬，然後進行戶口綁定。以往用戶一定要進行實名認證，並連結內地銀行戶口或信用卡方可開通內地錢包。不過微信支付於2018年1月23日宣佈，現憑任何一張 MasterCard、Visa 或 JCB 卡，都可連結與啟動內地微信支付功能。目前的開通方法有2種：
- 綁定任何 MasterCard、Visa 或 JCB 信用卡，但這方法只可以線上形式支付，例如：網購、手機召車、購票、共享單車租賃等用途，但不包括線下支付，包括實體商戶內的消費。
- 綁定任何由內地 71 家銀行發出的信用卡或銀行卡，並出示有效護照、大陸居民身份證、港澳回鄉證或台胞證的證明，即可進行線上及線下付款，以及以該信用卡或銀行卡，啟動 QQ 錢包。
當你同時擁有香港及中國錢包功能，點擊錢包首頁右上角的「切換錢包地區」即可選定某一地區錢包。
香港8大電子錢包功能比較
Wechat Pay同香港其他電子錢包有乜唔同？等我哋用一張表Show晒俾你睇：
| 香港8大電子錢包功能比較 | |||||||
| 功能特點 | 八達通 | Apple Pay / Android Pay |
Tap & Go | TNG Wallet | Wechat Pay | 支付寶HK | PayMe |
| 綁定信用卡 | ✓ | ✓ | ✓ | ✓ | ✓ | ||
| 需要充值 | ✓ | ✓ | ✓ | ✓ | |||
| 線上付款 | ✓ | ✓ | ✓ | ✓ | ✓ | ✓ | |
| 銷售點 流動支付 |
✓ | ✓ | ✓ | ✓ | ✓ | ✓ | |
| P2P轉帳 | ✓ | ✓ | ✓ | ✓ | ✓ | ||
| 實體卡 | ✓ | ✓ | |||||
| 當面收款 | ✓ | ||||||
| 跨境匯款 | ✓ | ✓ | |||||
| 繳費 | ✓ | ✓ | |||||
以功能廣泛程度而言，Wechat Pay HK 是目前最多功能的電子錢包，除了支援線上及實體店付款，還有P2P轉賬、當面付款及跨境匯款，還有新年常用的派利是功能。想睇更詳細嘅電子錢包比較，可以睇埋：香港9大電子錢包功能大比併
其他電子錢包優惠及攻略：Apple Pay | PayMe | 支付寶HK | Tap & Go
想知道更多信用卡嘅優惠資訊？立即使用我哋嘅比較工具，搵出最適合你嘅信用卡！
——
相關文章：【信用卡攻略】香港5大現金回贈信用卡
記得留意我哋 MoneyHero.com.hk Blog，同埋緊貼我哋嘅 Facebook Page！
The post WeChat Pay微信支付 攻略 x 優惠（2018年6月更新） appeared first on 理財資訊.