以前去日本自由行，旅遊天書必定跟身，而家只要有部智能電話，預先下載定幾個手機App就搞掂晒。不過App Store入面都有成千上萬個旅遊App，有啲需要付費，有啲需要身在日本先可以下載，等 MoneyHero.com.hk 推介6款可以喺香港預先下載，而又免費實用嘅日本旅遊好App比你啦！
6個必需下載的 日本旅行App
交通 – 乗換案内
日本鐵路花多眼亂，行程交通規劃必定係大家最頭痛嘅環節。「乗換案内」呢個交通App有齊最基本嘅功能，例如快速尋找最佳轉乘方法、班次同車費資訊等。推薦佢嘅原因係因為輸入出發地同目的地都支援英文拼音，非常適合一啲熟悉日本但唔識日文嘅港人。例如涉谷，日語漢字為渋谷，但一般人未必知道「渋」字應該點樣打，呢個時候輸入涉谷嘅英文拼音Shibuya就得，非常方便。
 |
乗換案内 iOS 下載按此 Android 下載按此 |
飲食 – Hot Pepper
香港要搵餐廳資料，大部分人會到Openrice，而日本人就會用「Hot Pepper」！除咗有餐廳推介、食評同優惠券，最重要嘅係有預約功能，就算唔識日文都可以預先訂座。
 |
Hot Pepper iOS 下載按此 Android 下載按此 |
WIFI – Japan Connected-free Wi-Fi
大家去日本相信會買定Sim card或者租WiFi蛋，不過有時WiFi蛋冇電，又或者同行團友要分散而行，「Japan Connected-free Wi-Fi」呢個App就大派用場！佢可以搜尋日本各地嘅免費WiFi點，如果你唔需要無時無刻上網，唔想用百零蚊買張Sim card，淨係靠呢個App甚至可以慳返筆，免費食多碗拉麵！
 |
Japan Connected-free Wi-Fi iOS 下載按此 Android 下載按此 |
翻譯 – 日本旅遊會話一指搞定
由於日本人普遍英語水平不算高，好多時會出現雞同鴨講嘅情況。而「日本旅遊會話一指搞定」呢個App內置多款常用會話場景，例如預設定購物、餐廳、觀光、交通工具、遇上麻煩等場景會用到嘅句子，只要按一下句子就會播放錄音。雖然大家仍要靠肢體語言去理解日本人嘅回答，但至少可以畀對方明白你嘅處境。
 |
日本旅遊會話一指搞定 iOS 下載按此 Android 下載按此 |
購物 – Payke
去日本又點少得shopping？不過一堆日文有時睇到頭都大埋，有咗「Payke」呢個App，將鏡頭對上商品上嘅barcode，就可以得到相關資料，仲可以瀏覽該件商品嘅排名，咁就知道自己揀緊嗰件貨係咪時下最hit最受歡迎，唔驚買錯嘢啦。
 |
Payke iOS 下載按此 Android 下載按此 |
匯率 – XE Currency
去日本買咁多嘢，梗係想慳得一蚊得一蚊，出發前幾時唱錢，出發後幾時簽卡、幾時用Cash都係一門學問，想用最少錢兌換日圓當然要緊貼住匯率走勢。「XE Currency」呢個App會即時更新各國貨幣匯率，附有匯率趨勢圖，你仲可以設定提示通知，當達到你指定嘅匯率時就會提你入貨喇。佢亦設有計算機，方便你即時換算貨幣！
 |
XE Currency iOS 下載按此 Android 下載按此 |
好多時喺海外簽卡都要比1.95%手續費，不過而家愈出愈多有回贈嘅信用卡，幫大家慳返唔少錢架，所以下次出發旅行前記得要揀定張最抵用嘅信用卡，MoneyHero.com.hk就推介以下幾張比大家︰
海外購物必備信用卡
EarnMORE銀聯卡
用EarnMORE銀聯卡外幣簽賬時，除咗免手續費及享用銀聯嘅優惠匯率，仲額外享有2%無上限回贈。至於其他類別消費，例如網購、本地簽賬、八達通增值都有2%無上限回贈。另外仲可以免費享用香港及澳門環亞機場貴賓室3次添！
2018年7月31日前經MoneyHero.com.hk成功申請仲會獨家送你HK$200現金回贈！詳情
Citi PremierMiles 信用卡
如果你想透過外幣簽賬儲里數，Citi PremierMiles 信用卡就最啱你，簽夠HK$2萬可享$3=1里，唔夠都可以賺$4=1里。除咗Asia Miles，你仲可以將積分換Avios里數！不過呢張卡係Visa卡，會收1.95%外幣簽賬手續費。新客戶在2個月內簽賬滿HK$10,000或以上，可獲國泰航空來回台北機票一套或60,000 積分（即5,000里）！
2018年7月31日前經MoneyHero.com.hk成功申請仲會獨家送你HK$100超市禮券 + HK$100 Klook e-Coupon ！詳情
匯豐雙幣銀聯鑽石卡
如果一心一意想賺盡外幣簽賬回贈，HSBC匯豐雙幣銀聯鑽石卡就最適合你，因為如果你喺「最紅自主獎賞」計劃選擇「賞世界」，加埋「基本回贈」同「最紅網購及海外簽賬獎賞」，再扣埋1%手續費，你就可以銀聯嘅優惠匯率消費，再獲得3.4%回贈。不過，其他簽賬就只有基本0.4%回贈。詳情
匯豐Visa Signature卡
喺Visa信用卡之中，HSBC匯豐Visa Signature卡嘅外幣簽賬回贈最高，只要「最紅自主獎賞」計劃選擇「賞世界」，外幣簽賬現金回贈係5.6%（另收1.95%手續費），其他簽賬就有1.6%回贈。不過，呢張卡要年薪48萬港元先有機會申請到。詳情
建行(亞洲)香港航空Fly Away信用卡
雖說香港大部分人都儲亞洲萬里通里數（Asia Miles），但其實都有其他里數選擇，例如金鵬俱樂部積分計劃（Fortune Wing Club，簡稱FWC）！
想賺FWC積分，建行港航Fly Away信用卡係唔錯嘅選擇，呢張卡最近推出額外回贈優惠，外幣簽賬可以賺$2=1FWC分（須收1.95%外幣簽賬手續費）。你可能會以為一定要好多分先換到機票，其實只係比Asia Miles 貴少少，例如來回一次東京，就需要3.8萬FWC分（Asia Miles需要3萬里 ）！詳情
想知道更多信用卡嘅優惠資訊？立即使用我哋嘅比較工具，搵出最適合你嘅信用卡！
經我哋申請仲可以獲得額外獎賞現金券，詳情請按此。
——
延伸閱讀：【日本離境稅】2018年起去日本每人要多付70元？
延伸閱讀：【寵物去旅行】帶埋狗狗遊日本 同機同艙有咩要準備？
延伸閱讀：30分鐘到達！大阪市區+近郊溫泉攻略
記得留意我哋 MoneyHero.com.hk Blog，同埋緊貼我哋嘅 Facebook Page！
The post 【日本旅行App】6個超實用、免費下載必備手機App appeared first on 理財資訊.